Morgunblaðið - Sunnudagur - 30.08.2015, Blaðsíða 56

SUNNUDAGUR 30. ÁGÚST 2015
Haldið verður upp á þrjátíu ára afmæli hinnar
goðsagnakenndu Spaugstofu í Ríkissjónvarp-
inu í haust. Um er að ræða tíu þætti sem
byggðir eru upp á viðtölum við Spaugstofu-
gengið og „fórnarlömb“ þess gegnum tíðina
og svo verður einn lokaþáttur, sá ellefti, í
anda gömlu þáttanna. Sýningar hefjast í októ-
ber og er dagskrárgerð í höndum Gísla Mar-
teins Baldurssonar og Eiríks Inga Böðvars-
sonar.
„Það er mjög gleðilegt að RÚV skuli gera
ferli okkar skil með þessum hætti í tilefni af
afmælinu, en við byrjuðum einmitt þar fyrir
réttum þrjátíu árum,“ segir Karl Ágúst Úlfs-
son Spaugstofumaður.
Hann segir þættina öðrum þræði munu
skoða sögu þessara þriggja áratuga í ljósi
Spaugstofunnar en fræðimenn og aðrir áhuga-
menn um spé munu leggja orð í belg. „Það
verður lærdómríkt að fá að heyra skoðanir
þessa fólks,“ segir Karl Ágúst, en Spaug-
stofan mun einnig halda upp á áfangann með
því að frumsýna nýja sýningu, Yfir til þín, á
Stóra sviði Þjóðleikhússins í lok október.
Spurður hvort áform séu um frekari dag-
skrárgerð í sjónvarpi í nafni Spaugstofunnar
svarar Karl Ágúst neitandi. „Við lítum svo á
að þessum kafla í lífi okkar og þjóðarinnar sé
lokið. Það þýðir þó ekki að við félagar munum
ekki vinna áfram saman, með einum eða öðr-
um hætti. Þessi samvinna er ávanabindandi.“
Spaugstofan í öllu sínu veldi: Randver Þorláksson, Pálmi Gestsson,
Sigurður Sigurjónsson, Örn Árnason og Karl Ágúst Úlfsson.
ÞRJÁTÍU ÁRA GRÍNAFMÆLI
Spaugstofan krufin á RÚV
SPAUGSTOFAN SNÝR AFTUR Í RÍKISSJÓNVARPIÐ Í HAUST, EN FJALLAÐ VERÐUR UM ÞRJÁTÍU
ÁRA SÖGU ÞÁTTANNA Í NÝJUM ÞÁTTUM SEM BYGGJA Á VIÐTÖLUM OG SÝNISHORNUM.
„Aðfaranótt sunnudags sló drukk-
inn maður fjóra menn niður í
Austurstræti,“ segir í frétt á bak-
síðu Morgunblaðsins 30. ágúst
1960.
„Klukkan um þrjú um nóttina
voru tveir menn á gangi á móts við
Reykjavíkurapótek. Kom þá maður
á móti þeim, og sáu þeir, að hann
var undir áhrifum áfengis, en veittu
honum ekki neina athygli að öðru
leyti. Þegar þeir mætast, ræðst
hinn ölvaði skyndilega að öðrum
þeirra félaga og greiðir honum því-
líkt högg, að hann skall rotaður á
gangstéttina. Hinn sneri sér þá að
árásarmanninum og spurði hverju
þetta sætti, en það skipti engum
togum, að hann sló félaga mannsins
niður og hljóp síðan burtu. Þremur
stundarfjórðungum síðar var aftur
ráðizt á tvo menn, sem voru á gangi
litlu vestar í Austurstræti. Voru
þeim gerð svipuð skil og hinum
fyrri. Þeir kærðu til lögreglunnar,
sem hafði hendur í hári ofbeldis-
mannsins skömmu síðar. Kom í ljós
við rannsókn málsins, að um sama
mann var að ræða í bæði skiptin.
Hann hefur nú játað brot sín og
kveðst ekki geta gert sér neina
grein fyrir því, hvernig á hegðun
sinni hafi staðið. Hann lenti í slysi
fyrir nokkrum mánuðum og er síð-
an vanstilltur og óeirinn við vín.
Dómur var kveðinn upp í máli
mannsins í gær, og var honum gert
að greiða 5000 króna sekt og 3000
krónur í skaðabætur. Sektin var
ekki höfð hærri með tilliti til slyss-
ins, sem hann varð fyrir og talið er
hafa haft áhrif á skapsmuni hans.“
GAMLA FRÉTTIN
Sló fjóra
niður
Ekki er alltaf öruggt að vera á ferli í Austurstræti, eins og fréttin sannar.
Morgunblaðið/Ólafur K. Magnússon
ÞRÍFARAR VIKUNNAR
Pete Burns
söngvari Dead or Alive
Elín Ey
tónlistarkona
Boy George
söngvari Culture Club
Global hnífar
Architect made
tréfígúrur
Freemover
kertastjakar
Take lampar
iittala vasar
Alessi
desertskál
ALESSI Fatman
kökudiskur
Vita carmina
Omaggio
vasar
Litríkt og fallegt
Kartell
Bourgie
borðlampi
Skeifunni 8 | Kringlunni | Sími 588 0640 | casa.is
iittala skálar
Vita silvia copper