Þjóðmál - 01.03.2009, Síða 8

6 Þjóðmál VOR 2009
hún treysti sér ekki til að mynda ríkis­
stjórn . Ólafur Ragnar fól strax Jóhönnu
Sigurðar dóttur umboðið og myndaði hún
samdægurs minni hlutastjórn með Stein­
grími J . og tveimur ut an þingsmönnum en
fram sóknarmenn hétu að verja stjórnina
vantrausti .
Vorum við ráðherrar í fráfarandi ríkis­
stjórn boðaðir til ríkisráðsfundar á Bessa­
stöð um klukkan 17 .00 þennan sunnudag
og klukkan 19 .00 afhenti ég Rögnu Árna­
dóttur, sem verið hafði skrifstofustjóri í
dóms­ og kirkjumálaráðuneytinu ráðherra­
tíma minn þar frá 2003, lyklana að
ráðuneytinu og ráðherraskrifstofunni, en
Ragna var valin annar utanþingsmanna í
ríkisstjórnina . Hinn var Gylfi Magnússon
úr hagfræðideild Háskóla Íslands .
II .
Okkur sjálfstæðismönnum kom í opna skjöldu, þegar Ingibjörg Sólrún sagði
í útvarpsþætti laugardaginn 13 . desember,
að leiðir Samfylkingar og Sjálfstæðisflokks
kynni að skilja í ríkisstjórn, ef sjálfstæðis­
menn tækju ekki upp nýja Evrópustefnu
á landsfundi sínum, sem þá hafði verið
boðaður 29 . janúar 2009 . Hún sagði flokka
með ólíka stefnu í peningamálum ekki geta
starfað saman .
Sjálfstæðisflokkurinn hafði ákveðið hinn
14 . nóvember 2008, þegar landsfundi flokks­
ins var flýtt og hann boðaður í lok janúar
2009, að taka Evrópumálin til sérstakrar
skoðunar og ákvörðunar á landsfundinum og
var því í miðju umræðuferli, þegar Ingibjörg
Sólrún setti flokknum þessa kosti .
Atburðarás innan Sjálfstæðisflokksins
tók óvænta stefnu föstudaginn 23 . janúar
2009, þegar miðstjórn og þingflokkur
sjálf stæðismanna komu saman í hádegi til
að ræða væntanlegan landsfund . Geir H .
Haarde gerði grein fyrir því, að staðan í
stjórnmálum væri á þann veg, að hann teldi
öll rök hníga að því að boða til kosninga
annan laugardag í maí, hinn venjulega kjör­
dag hin síðari ár, að þessu sinni 9 . maí .
Í ljósi þessa væri skynsamlegt að fresta
landsfundi flokksins til síðustu helgarinnar
í mars . Fyrir utan þessi stjórnmálarök
væri annað persónulegra, sem mælti með
frestun landsfundarins, það er að hann
hefði þriðjudaginn 20 . janúar greinst með
krabbamein í vélinda og yrði að ganga
undir aðgerð erlendis um aðra helgi, það er
fyrirhugaða landsfundarhelgi . Þetta hefði
komið í ljós við reglulega skoðun lækna .
Hann myndi ekki sækjast eftir endurkjöri
sem formaður flokksins á landsfundinum .
Sama dag og Geir skýrði miðstjórn sinni
og þingflokki frá þessu, sneri Ingibjörg
Sólrún Gísladóttir heim frá Stokkhólmi,
þar sem hún hafði verið til lækninga vegna
heilaæxlis .
Sunnudaginn 25 . febrúar gengu þau
Ingi björg Sólrún og Össur Skarphéðins ­
son fyr ir hönd Samfylkingarinnar á
fund þeirra Geirs og Þorgerðar Katrínar
Gunnars dóttur, varaformanns Sjálf stæðis­
flokks ins, á heimili Geirs . Var rætt um
stjórnarsamstarfið og það, sem þau Össur
nefndu „verkstjórn“ í ríkisstjórninni, það
er forsætisráð herra em bættið, en Sam fylk­
ing in vildi, að Geir léti af verkstjórninni .
Hann bauðst til að víkja og Þorgerður Katrín
tæki við embætti forsætis ráðherra . Það vildu
þau Ingibjörg Sólrún og Össur ekki en létu
að því liggja, að einhver utan þings yrði
kallaður til að leiða ríkisstjórnina .
Sjónvarpsmenn sátu um heimili Geirs
þennan dag og fluttu fréttir af manna ferð­
um . Var sýnt þegar Össur leiddi Ingibjörgu
Sól rúnu á brott eftir fyrri fund þeirra, en
þau hittu Geir og Þorgerði Katrínu tvisvar
þennan dag . Engum, sem fylgdist með
þessum fréttum, gat dulist, að Ingibjörg
Sólrún glímdi við erfið veikindi .