Þjóðmál - 01.03.2009, Qupperneq 36

34 Þjóðmál VOR 2009
hagfræðinga að tjá sig um þróun útgjalda
hins opinbera . Aðhald í ríkisrekstri er miklu
frekar spurning um hugmyndafræði heldur
en tæknilegar vangaveltur um uppbyggingu
velferðarkerfisins . Það verður að fara yfir
hvern einasta málaflokk með gagnrýnu
hugarfari og svara spurningunni hvort
útgjöldin séu réttlætanleg út frá forsendunni
um hlutverk hins opinbera og merkingu
velferðarkerfis .
Tekjur fyrirtækja og einstaklinga munu
lækka verulega í ár og á því næsta og þar
með skatttekjur . Ríkissjóður verður að
bregðast við með aðhaldi, það er engin
önnur leið raunhæf né réttlát . Það yrðu röng
viðbrögð stjórnmálamanna að hækka skatta
á launafólk og fyrirtæki . Framtakssamt fólk
er það sem á endanum mun draga vagninn
úr skaflinum .
Forgangsröðin brengluð
Nýverið var undirritað samkomulag þar sem ríkissjóður og Reykjavíkurborg
ætla í sameiningu að eyða 14 .000 milljón um
króna til að klára tónlistarhúsið við hafn­
arbakk ann í Reykjavík . Þessum fjármunum
verður eytt á næstu tveimur árum! Ein
helsta réttlæting þeirra stjórnmálamanna
sem komu að ákvörðun inni var sú að
framkvæmdin skapaði allt að 600 störf
og að opið sár í hjarta borgar innar væri
nokkuð sem ekki væri hægt að sætta sig við .
Einnig hefur því verið fleygt fram að það
yrði dýrara að klára verkið síðar .
Á sama tíma og störf um á sjúkrahúsum
er fækkað sökum niður skurðar sökum
fjár hagsvandræða eru stjórnmálamenn til­
búnir að taka þá ákvörðun fyrir hönd skatt­
greiðenda að þeir greiði 14 .000 milljónir
króna til að klára tónlistar höll við hafnar­
bakkann í Reykjavík! Vanga veltur um
hvort yrði dýrara að klára tónlistar húsið á
lengri tíma verða að taka mið af því hvort
fjármunirnir séu til staðar eða ekki við
upphaf framkvæmda . Hugsanleg þróun
bygg inga kostnaðar í framtíðinni á ekki að
ráða för .
Verkefnin framundan
Greinarhöfundur óttast ekki það verk­efni sem framundan er við að ná
endum saman í rekstri ríkisins . Þrátt fyrir
að stefni í gífurlegan hallarekstur á næstu
árum þá má rifja upp það sem fram kemur
í meðfylgjandi töflu að frá 2003 er búið að
auka útgjöld ríkisins um rúma 160 ma . kr .
Með því að greina í hvað útgjaldaaukningin
fór og hvort þeim fjár munum hafi verið vel
varið þá má öruggt telja að milljarðatuga
sparnaður á ári hverju á næstu árum verð­
ur ekki eins erfiður og margir vilja vera
láta . Í skýrslu Viðskiptaráðs frá því í júní
2008 um útgjaldaþenslu hins opinbera eru
áhugaverðar tillögur til úrbóta sem nauð­
synlegt er að komist til framkvæmda . Má
þar nefna bætt vinnubrögð við fjárlaga gerð,
eflingu agaviðurlaga vegna útgjaldaukn­
ingar ráðuneyta umfram fjárlög og aukið
sam starf í efnahagsstjórn milli ríkis og
sveitar félaga .
Lífsgæði á Íslandi árið 2003 voru þau
sjöttu bestu í heiminum sé miðað við lands­
fram leiðslu á mann . Ráðdeild í ríkisrekstri
þarf alls ekki að þýða að á Íslandi verði slæmt
að búa, þvert á móti . Ef rétt verður haldið á
spilunum verður Ísland komið aftur fremst
meðal þjóða í lífsgæðum innan nokkurra
ára .Til þess að það geti orðið er nauðsynlegt
að stjórnmálamenn umgangist skattfé al­
menn ings af meiri virðingu en raun ber
vitni . Vonandi hafa þær efnahagsþrengingar
sem við nú göngum í gegnum þau áhrif að
tími gæluverkefna stjórnmálamanna líði
undir lok og tími ráðdeildar og virðingar
renni upp . Þjóðin á það skilið og komandi
kynslóðir eiga heimtingu á því .