Morgunblaðið - 12.09.2015, Qupperneq 16

16 FRÉTTIRInnlent
MORGUNBLAÐIÐ LAUGARDAGUR 12. SEPTEMBER 2015
krakka acidophilus
bre iðv i rk b landa fyr i r melt inguna
Fæst í flestum apótekum,
heilsubúðum og matvöruverslunum.www.gulimidinn.is
Drengjakór Reykjavíkur
verður með áheyrnarprufur
í Neskirkju mánudaginn 14. september kl. 16., eða í samráði
við stjórnanda kórsins Steingrím Þórhallsson í síma 896-8192.
Áhugasamir og söngelskir drengir á aldrinum 8-12, velkomnir.
Myndir úr starfi kórsins og ferðalögum á Fecebook síðu kórsins.
,,Syngja eins og englar,
hegða sér eins og herrar
og leika sér eins
og strákar.“
Helgi Bjarnason
helgi@mbl.is
„Þetta er áfangi á leiðinni. Góður
og nútímalegur vegur sem fleygir
okkur fram á þeirri braut sem við
erum, að reyna að komast til höf-
uðborgarsvæð-
isins á bundnu
slitlagi,“ segir
Friðbjörg Matt-
híasdóttir, forseti
bæjarstjórnar
Vesturbyggðar. Í
gær var formlega
opnaður nýr veg-
arkafli ásamt
brúm á Vest-
fjarðavegi í
Múlasveit. Ólöf
Nordal innanríkisráðherra klippti á
borða til merkis um það með aðstoð
Hreins Haraldssonar vega-
málastjóra.
Vestfjarðavegur er aðalsam-
gönguæð sunnanverðra Vestfjarða
og tenging við stofnvegakerfið. Nýi
vegurinn sem nú hefur verið form-
lega tekinn í notkun liggur um
Kerlingarfjörð og Kjálkafjörð. Nýr
uppbyggður og breiður vegur kem-
ur í stað gamals malarvegar sem lá
um botn fjarðanna. Vegurinn lá um
snjóþungt svæði þar sem hætta var
á snjóflóðum, eins og Ingvi Árna-
son, svæðisstjóri Vegagerðarinnar,
bendir á.
Gott fyrir íbúa og atvinnulíf
Nýi vegurinn liggur á vegfyll-
ingum og brúm yfir Kjálkafjörð og
Mjóafjörð sem liggur inn úr Kerl-
ingarfirði. „Þetta breytir miklu fyr-
ir íbúana og atvinnulífið. Með þess-
ari framkvæmd höfum við losnað
við að aka eftir gömlum og hol-
óttum malarvegum og fáum í stað-
inn tæknilega góðan og öruggan
veg,“ segir Friðbjörg.
Heildarlengd nýja vegarins er 16
kílómetrar og leysir hann af hólmi
veg sem var 24 kílómetrar. Styttir
hann því leiðina á milli þorpanna á
sunnanverðum Vestfjörðum og
Reykjavíkur um 8 kílómetra.
„Verktakinn staðið sig vel“
Vegagerðin samdi við Suðurverk
um að leggja veginn, að afloknu út-
boði. Hófst verktakinn handa í júní
2012. Suðurverk notaði að hluta til
óhefðbundnar aðferðir við verkið.
Prammi var notaður til að flytja
fyllingarefnið í vegfyllingar og gröf-
ur til að kasta efni út á þær, svo
dæmi séu tekin. ÞG Verk ehf. var
undirverktaki við brúarsmíði. Ýms-
ar deildir Vegagerðarinnar önn-
uðust undirbúning og eftirlit með
framkvæmdinni.
„Verkið hefur gengið vel í öllum
aðalatriðum og verktakinn staðið
sig vel,“ segir Ingvi Árnason. Byrj-
að var að nota nýja veginn síðla síð-
asta haust, þótt varanlegt slitlag
hafi ekki verið komið á nema að
hluta. Síðan hefur tíminn verið not-
aður í að leggja slitlag og ganga frá
veginum.
Skriða sem féll á vinnuvél og yfir
veginn í mikilli úrkomu í apríl 2014
setti strik í reikninginn um tíma.
Loka þurfti veginum vegna hættu á
frekari skriðuföllum. Ingvi segir að
hluti af efninu úr skriðunni hafi
nýst í vegfyllingar. Gengið var frá
veginum með breiðri rás ofan veg-
ar, til að draga úr hættunni á að
skriður valdi tjóni.
4 milljarðar kr.
Endurbætur á þessum kafla
Vestfjarðavegar hafa verið eitt
stærsta vegagerðarverkefni síðustu
ára, fyrir utan gangagröft.
Talið er að heildarkostnaður við
veginn verði innan við fjórir millj-
arðar króna.
Morgunblaðið/Guðlaugur Albertsson
Vegabætur Hreinn Haraldsson og Ólöf Nordal klippa á borða á nýjum Vestfjarðavegi á Barðaströnd í gær.
Framkvæmdin er
góður áfangi á leiðinni
 Nýr kafli á Vestfjarðavegi er mikil samgöngubót
Fyrirsögn hérVegabætur á Vestfjarðavegi
Litlanes
Skeiðnes
Vattarfjall
Kj
ál
ka
fjö
rð
ur
Ke
rli
ng
ar
fjö
rð
ur
M
jóifjörður
Grunnkort/Loftmyndir ehf.
Friðbjörg
Matthíasdóttir
Stefnt er að því að fjölga stöðugild-
um sálfræðinga í heilsugæslu um
átta á næsta ári og verður tæpum 69
milljónum króna varið til þess sam-
kvæmt fjárlagafrumvarpinu. Gangi
þetta eftir verður unnt að bjóða sál-
fræðiþjónustu í heilsugæslu í öllum
heilbrigðisumdæmum landsins á
næsta ári, segir í tilkynningu frá vel-
ferðarráðuneytinu.
Liður í áætluninni Betri heilbrigð-
isþjónusta, sem heilbrigðisráðherra
ýtti úr vör í byrjun síðasta árs, er að
efla þverfaglegt samstarf innan
heilsugæslunnar og stuðla að
breiðari sérfræðiþekkingu. Stöðu-
gildi sálfræðinga í heilsugæslu á
landsvísu eru nú 15 en verður fjölgað
um átta á næsta ári og þar með verða
stöðugildi sálfræðinga í heilsugæslu
orðin 23 á landsvísu.
Þá stefnir ráðuneytið að því að
fjölga námsstöðum í heimilislækn-
ingum og heilsugæsluhjúkrun og
veita heilsugæslunni aukið fjármagn
til að ráða í fleiri sérfræðingsstöður í
heimilislækningum eða aðrar stöður
heilbrigðisstarfsfólks. Til þessa
verður varið rúmum 220 milljónum
kr. samkvæmt fjárlagafrumvarpinu.
Framlög til heilsugæslu á lands-
vísu voru aukin um 50 m.kr. í fjár-
lögum þessa árs, í því skyni að efla
sérnám í heimilislækningum og
heilsugæsluhjúkrun. Í fjárlagafrum-
varpinu er framlagið aukið um 36
milljónir til að fjármagna fjórar nýj-
ar stöður námslækna í heilsugæslu.
Með auknum fjárveitingum árið
2015 og áformaðri aukningu á næsta
ári fjölgar námsstöðum heimilis-
lækna úr 13 í 20 á tveimur árum.
Sálgæsla aukin
í heilsugæslunni
 220 milljónir króna í fleiri námsstöður
og sérfræðinga í heimilislækningum
Enn er versti kaflinn á Vest-
fjarðavegi, á milli Patreksfjarðar
og Reykjavíkur, eftir. Hann liggur
um hálsana í Gufudalssveit. Þar
hefur strandað á deilum vegna
vegarlagningar um Teigsskóg í
Þorskafirði. Friðbjörg Matthías-
dóttir segir að enn sé hægt að sjá
á drullugum bílum, þegar ekið er
inn á höfuðborgarsvæðið, að fólk
sé að koma af sunnanverðum Vest-
fjörðum.
Málið var lengi í pattstöðu. Nú
er unnið að nýju umhverfismati
eftir að Skipulagsstofnun heim-
ilaði endurupptöku fyrra mats.
Ingvi Árnason, svæðisstjóri Vega-
gerðarinnar, segir að við þá vinnu
séu teknar inn breytingar sem
gerðar hafi verið á veglínum frá því
fyrra matið var gert. Umhverfis-
matið er gert samkvæmt nýjum
lögum. Það þýðir að endanleg
ákvörðun um framkvæmdina er
ekki hjá Skipulagsstofnun heldur
sveitarstjórn sem gefur út fram-
kvæmdaleyfi. Sveitarstjórn Reyk-
hólahrepps setti veginn um Teigs-
skóg á aðalskipulag en ekki
jarðgöng eins og önnur tillaga
Vegagerðarinnar gerði ráð fyrir.
„Við erum enn að bíða eftir loka-
áfanganum á leiðinni til Reykja-
víkur. Ég veit ekki annað en að
málið sé í góðum árangri og skili
okkur árangri í vetur,“ segir Frið-
björg.
Ingvi segir vonast til að hægt
verði að ljúka umhverfismati á
næsta ári. Ekki sé þó víst að hægt
verði að hefja framkvæmdir á því
ári. Það ætti hins vegar að verða á
árinu 2017. Þá sé veruleg fjárveit-
ing til verksins.
Versti kaflinn er enn eftir
UNNIÐ AÐ UMHVERFISMATI FYRIR VEG UM TEIGSSKÓG