Morgunblaðið - 12.09.2015, Qupperneq 34

34 MINNINGAR
MORGUNBLAÐIÐ LAUGARDAGUR 12. SEPTEMBER 2015
✝ Páll HermannSigurðsson
fæddist í Sauðhaga
á Völlum 22. júlí
1926. Hann lést á
hjúkrunarheim-
ilinu á Egilsstöðum
2. september 2015.
Foreldrar hans
voru hjónin Magn-
ea Herborg Jóns-
dóttir, fædd á
Ormsstöðum á
Völlum 1892, d. 1967, og Sig-
urður Björnsson frá Vaði í
Skriðdal, f. 1886, d. 1939. Systk-
ini Páls: Anna Björg, f. 1920, d.
2003; Ingibjörg Sigríður, f.
1924, d. 2014; Björn, f. 1927, d.
2007; Magnús, f. 1928; Jón Bene-
dikt, f. 1931, d. 2013. Páll ólst
upp í Sauðhaga hjá foreldrum
sínum og syskinum. Þegar faðir
hans féll frá hélt Magnea áfram
búskap með stuðningi barna
sinna. Jörðinni var síðar skipt
upp í Sauðhaga I, Sauðhaga II
og Lund og tók Páll þá við búi í
Sauðhaga I.
Páll giftist 3. ágúst 1950
Ragnhildi Björgu Metúsal-
emsdóttur Kjerúlf, f. 22. janúar
1923, d. 6. mars 1999, frá Hrafn-
kelsstöðum í Fljótsdal. For-
eldrar hennar voru hjónin Metú-
salem J. Kjerúlf, f. 1882, d. 1970,
og Guðrún Jónsdóttir, fædd á
Hólum í Hornafirði 1884, d.
1956. Páll og Ragnhildur stund-
Brynjar, f. 1978, búsettur á
Seyðisfirði, maki Margrét Guð-
jónsdóttir, f. 1981. Börn; Ka-
milla Kara, f. 2005, Bjarki Nóel,
f. 2007, og Baldur Myrkvi, f.
2012. b) Davíð, f. 1982 búsettur
á Egilsstöðum, maki Kolbrún
Hólm Þórleifsdóttir, f. 1986. c)
Andri, f. 1989, búsettur á Egils-
stöðum. 4) Sigríður, f. 1956, bú-
sett á Egilsstöðum, maki Einar
Birkir Árnason, f. 1947. Börn
þeirra; a) Árni Páll, f. 1976, bú-
settur á Egilsstöðum, maki Að-
alheiður Árnadóttir, f. 1980.
Börn; Árni Veigar, f. 2007,
Tjörvi Páll, f. 2010, og Brynjar
Snær, f. 2013. Barn Árna Páls;
Unnar Birkir, f. 2003. b) Ragn-
hildur Íris, f. 1976, búsett á Eg-
ilsstöðum, maki Jóhann Óli Ein-
arsson, f. 1970. Börn; Einar Þór,
f. 1995, d. 2014, Sævar Elí, f.
2002, og Ívar Logi, f. 2007. c)
Birna Kristín, f. 1982, búsett á
Egilsstöðum, maki Árni Jón Ar-
inbjarnarson, f. 1972. Börn; Ey-
þór Atli, f. 2008, og Egill Orri, f.
2010.) Eyrún Björk, f. 1985,
maki Hafþór Valur Guðjónsson,
f. 1984. Barn Eyrúnar; Móeiður
Mist, f. 2009.
Árið 2004 kynntist Páll vin-
konu sinni, Karen Ragn-
arsdóttur frá Ísafirði, f. 1937, og
bjuggu þau saman þar um 10
ára skeið. Karen lést 6. febrúar
2013 og fluttist Páll þá aftur á
heimili sitt að Miðvangi 22 á Eg-
ilsstöðum. Síðustu mánuðina
dvaldi hann á hjúkrunarheim-
ilinu á Egilsstöðum.
Útför Páls fer fram frá Egils-
staðakirkju í dag, 12. september
2015, og hefst athöfnin kl. 11.
Jarðsett verður í Vallanesi.
uðu búskap í Sauð-
haga um 50 ára
skeið. Dætur þeirra
eru: 1) Guðrún
Magnea, f. 1951,
búsett í Reykjavík,
maki Guðmundur
Hjálmarsson, f.
1947. Synir þeirra;
a) Kjartan Sölvi, f.
1969, búsettur í
Vestmannaeyjum,
maki Anna Lilja
Tómasdóttir, f. 1974. Börn;
Tómas Aron, f. 1997, Eyþór
Daði, f. 2000, Kristján Ingi, f.
2005, og Sóldís Sif, f. 2010. b)
Arnar Páll, f. 1970, búsettur á
Akureyri, maki Einrún Ósk
Magnúsdóttir, f. 1974. Börn;
Ágúst Bjarni, f. 1993, Svava
Rún, f. 1997, og Alma Rós, f.
2004. 2) Pálína Aðalbjörg, f.
1952, búsett á Egilsstöðum,
maki Örn Friðriksson, f. 1953.
Synir þeirra; a) Sigurþór Örn, f.
1973, búsettur á Egilsstöðum,
maki Halldóra Björk Ársæls-
dóttir, f. 1973. Börn; Kolbrá
Arna, f. 2000, Valdís Alla, f.
2001, Ársæll Mar, f. 2004, og
Fannar Már, f. 2010. b) Huginn
Rafn, f. 1987, búsettur í Kópa-
vogi, maki Hugrún Lukka Guð-
brandsdóttir, f. 1983. Barn;
Ragnhildur Bríet, f. 2015. 3)
Þórhildur, f. 1956, búsett á Eg-
ilsstöðum, maki Skúli Hann-
esson, f. 1954. Synir þeirra; a)
Í dag kveðjum við Palla afa
okkar, eins og við systkinin köll-
uðum hann alltaf. Margar góðar
minningar koma upp þegar við
horfum til baka og margs er að
sakna. Palli afi var einstaklega
góður og skemmtilegur maður
með húmorinn í lagi. Hann var
mjög hnyttinn, pínu stríðinn og
alger töffari. Hann var alltaf
fínn í tauinu, átti superman-bol,
litríkar skyrtur, speglagleraugu
og skrautlega sokka. Það eru
ekki allir sem geta státað af
svona flottum afa. Það var alltaf
gaman að koma í Sauðhaga til
Góu ömmu og Palla afa þegar
við vorum lítil. Allir fengu koss
frá afa, sem þá hafði mikið
skegg. Einhvern veginn er sú
minning okkur skýr þegar hann
smellti á kinnina á okkur svo
skeggið stakk og virtist afi hafa
sérstaklega gaman af viðbrögð-
um okkar systkinanna. Há-
punktur heimsóknanna var að
skoða safnið hans afa, sem fyllti
heilt herbergi af alls konar ger-
semum. Pennar, frímerki, spil,
egg, skeiðar, lyklakippur, mynt,
umslög og margt fleira bæði
skrítið og skemmtilegt, sem við
nefnum ekki frekar hér. Safnið
var afa hjartans mál, enda hafði
hann byrjað að safna ungur að
aldri. Hann gekk alltaf vel um
safnið sitt, flokkaði og raðaði eft-
ir kúnstarinnar reglum og pass-
aði að allir hlutir ættu sinn stað.
Við systkinin lærðum fljótt að
ganga um safnið af virðingu og
frá unga aldri tilheyrði það
ferðalögum okkar að kaupa spil
eða skeiðar, sníkja penna eða
bara að horfa eftir sniðugum
hlutum sem hægt væri að færa
afa. Aðrir hjálpuðu líka til, því að
oftar en ekki var afi kominn með
fulla vasa af dóti sem fólk var að
gauka að honum eða menn komu
færandi hendi í heimsóknum sín-
um. Víst var að margir hugsuðu
til hans, hvort sem menn voru
heima eða að heiman.
Þegar fram liðu stundir og við
fullorðnuðumst heimsóttum við
afa í Miðvangi og síðar á sjúkra-
deildina á Egilsstöðum. Þá fengu
okkar börn að kynnast safninu
hans afa. Allt fram á síðasta dag
hélt hann áfram að bæta í safnið.
Síðustu mánuði dvaldi afi á
sjúkrahúsinu á Egilsstöðum og
viljum við þakka starfsfólkinu
sérstaklega þann hlýhug og þá
góðu umönnun sem hann fékk
þar. Við biðjum afa blessunar og
kveðjum hann með þökk og virð-
ingu.
Ég fel í forsjá þína,
Guð faðir sálu mína,
því nú er komin nótt.
Um ljósið lát mig dreyma og
ljúfa engla geyma
öll börnin þín, svo blundi rótt.
(Matthías Jochumsson)
Árni Páll, Ragnhildur
Íris, Birna Kristín
og Eyrún Björk.
Elsku besti Palli afi, stundin
er komin sem ég vissi að kæmi
en ég var alls ekki tilbúin og
kannski er maður það aldrei
þegar Guðs vilji er að fá fólkið
sitt til sín, sama hversu veik-
burða það er. Eftir sitjum við
með sorgina en ómetanlegar
minningar sem munu ylja okkur
um hjartarætur alla okkar ævi-
göngu. Þú ert einstakur, allra
besti, fallegasti og skemmtileg-
asti maður sem ég hef kynnst,
það var meiri góðmennska í ein-
um putta á þér en flestir hafa í
öllum sínum líkama og hjarta.
Elsku afi, hlátur þinn, hann lag-
aði öll sár og ekki var það sjald-
an sem ég kom og grét hjá þér
þegar lífið var mér erfitt. Alltaf
var það hlátur þinn sem bræddi
hjartað og var ég farin að hlæja
áður en ég vissi af enda fannst
þér svo fyndið að ég ætti öll tal-
skilaboð frá þér í símanum mín-
um þar sem bullið og hláturinn
réði ríkjum. Stundum þegar lífið
var erfitt og þú langt í burtu
þurfti ég bara að hlusta á það og
þá var allt orðið gott. Mikið á ég
eftir að sakna þess að fá hring-
ingu frá þér og þú að biðja mig
að koma því þér leiðist, værir
einmana og vantaðir mig bara.
Þetta var svo einfalt á milli okk-
ar, bara ein hringing, ég kom og
þá gafstu mér alltaf vítamín í
hjartað með fallegum orðum.
Það var alveg sama hversu
ómerkilegt mér fannst ég gera
fyrir þig, þér fannst þetta alltaf
vera meira en allt og það var
gagnkvæmt, elsku hjartans vin-
ur minn. Strax heltókuð þið
nafna mín í mér hjartað þegar
ég steig fyrst inn á Sauðhaga,
strax hófst mikil vinátta.
Ég tel mig einstaklega
heppna og þakklætið er mikið,
ekkert orð gæti mögulega sagt
hversu þakklát ég er, takk er
orð með þúsund enda og allir
tengjast þeir þér á einhvern
hátt. Þú ert og verður alltaf í lífi
mínu og mikið óskaplega er sárt
að sakna þín og vita að okkar
tímar verða ekki fleiri í bili. Síð-
asti tími okkar var þegar ég kom
heim frá sjúkrahúsi þar sem ég
var búin að dvelja nokkra daga,
og þú búinn að hringja með
miklar áhyggjur. Þegar ég kom
heim fórum við „rúnt“ á hjóla-
stólnum og spjölluðum. Tíminn
sem fór í það gladdi okkur og
það fannst okkur nóg, fullt af
hlátri, nærveru og blaðri, þar er
okkur best lýst. Þú knúsar mína
fjölskyldu, Karen, elsku nöfnu
sem er pottþétt búin að bíða með
elsku Einar Þór ykkar eftir þér.
Núna ertu frjáls, elsku afi, laus
undan þjáningunum og hefur
fengið langþráða hvíld eftir erf-
iða baráttu. Nú finnur þú hinn
eilífa frið, létti og ást í faðmi
hins almáttuga og fallinna ætt-
ingja, vina og vandamanna. Mig
dreymdi þig eina nóttina eftir að
þú kvaddir okkur og mikið var
sárt að vakna við raunveruleik-
ann því eins og er sagt í einu
lagi: „Það er sárt að sakna ég sé
það er ég vakna, að draumur
minn hann gaf þér lengra líf.“
Takk fyrir hlýjuna, ástina, vin-
áttuna, gleðina, sorgina og ómet-
anlega ást til barna minna sem
elska þig og sakna þín sárt.
Takk fyrir að kalla mig hjartað
þitt, því Guð einn veit hversu
mikið þú áttir mitt hjarta. Elsku
hjartans vinir, Gunna, Alla,Tóta,
Sigga, barnabörn, barnabarna-
börn og allir vinir Palla afa, mín-
ar innilegustu samúðarkveðjur.
Ég elska þig.
Þín,
Ragnhildur Sveina (Ragga
Sveina).
Elsku hjartans Palli afi, takk
fyrir allt það yndislega sem þú
gafst okkur, alla hlýjuna, ástina
og allar stundirnar sem við átt-
um saman að skoða safnið þitt.
Við eigum eftir að sakna þín
mikið.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Elskum þig og munum aldrei
gleyma þér!
Þín,
Jón Aðalsteinn og
Árný Birna.
Fallinn er frá aldinn höfðingi
sem ég kynntist fyrst fyrir 11
árum síðan. Palli kom eins og
himnasending inn í fjölskyldu
konu minnar þegar hann og
Karen tengdamóðir mín gerðust
koddavinir, eins og hún kallaði
það. Þrátt fyrir háan aldur Palla
byrjaði nýtt líf hjá honum með
henni.
Karen var alls ekki þekkt fyr-
ir að vera lengi kyrr á sama stað
og hentist hún um allt land með
Palla í eftirdragi. Fyrir okkur
sem stóðum næst Karenu var
gott að vita að Palli passaði vel
upp á hana og virkaði svolítið
eins og rekakkeri á hana. Verður
honum seint þakkað fyrir fram-
lag hans til að gleðja hana á
hennar síðustu árum, en hún lést
í febrúar 2013. Mikið reyndi á
Palla síðustu mánuðina sem
Karen lifði vegna veikinda henn-
ar. Palli, og síðan Alla dóttir
hans, stóðu eins og klettar við
hlið hennar í þeirri baráttu og
hafi þau kærar þakkir fyrir það.
Því miður hefur verið allt of
langt á milli okkar eftir að Palli
flutti austur aftur, en við Helga
fórum austur bæði í maí 2014 og
aftur núna í maí 2015. Gaman
var að fara með honum um
svæðið sem hann þekkti svo vel
og sagði skemmtilega frá. Eftir
heimsóknina í vor gerði ég mér
grein fyrir að dauðinn var farinn
að verða eftirsóknarverður í
hans huga.
Verulega var farið að draga af
honum, en gott var að sjá hvað
vel var um hann hugsað á nýja
hjúkrunarheimilinu á Egilsstöð-
um og hvað dæturnar snerust í
kringum hann. Þrátt fyrir veik-
indi hans var gaman að rífast um
pólitík við hann enda kom maður
ekki að tómum kofa þegar sú tík
var til umræðu. Þurfti maður
ekki annað en að tala vel um
Davíð Oddsson til þess að hann
fuðraði upp og skellti á mann
einhverjum vinstri frösum.
Eins og sést vorum við ekki
alltaf sammála en heldur ýktum
við skoðanir okkar þegar við töl-
uðumst við og höfðum báðir
gaman af. Já, Palla verður sárt
saknað hérna á Lómsstöðum.
Sem betur fer náði hann að
koma í hingað til okkar fyrir
tveimur árum. Sagði ég honum
þá frá áformum um byggingu
reykkofa, en ekki veit ég hvern-
ig ég fer að þegar reykkofinn
verður klár. Hann var, jú, búinn
að lofa að kenna mér að reykja
kjöt. Nú verð ég víst að notast
við minni spámenn í því sam-
bandi.
Kæru ættingjar og vinir, ég
samhryggist innilega, en minn-
ingin um góðan mann lifir áfram
með okkur.
Friður Guðs blessi þig, hafðu
þökk fyrir allt og allt.
Þinn fósturtengdasonur,
Sigvaldi K. Jónsson.
Páll Hermann
Sigurðsson
HJARTAVERND
Minningarkort
535 1825
www.hjarta.is 5351800
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Þökkum auðsýnda samúð og vinhug við
andlát og jarðaför ástkærs eiginmanns,
föður, afa og langafa,
TRAUSTA AÐALSTEINSSONAR,
Mýrum 18,
Patreksfirði.
Sérstakar þakkir til starfsfólks
gjörgæsludeildar Landspítalans við Hringbraut.
.
Laufey Böðvarsdóttir,
Skúli Theodór Haraldsson, Ýr Harris einarsdóttir,
Halldór Traustason, Eydís Þórsdóttir,
barnabörn og barnabarnabörn.
Innilegar þakkir fyrir auðsýnda samúð,
hlýhug og vinsemd við andlát okkar
ástkæra föður, bróður, tengdaföður, afa og
langafa,
ÁRSÆLS ÞORSTEINSSONAR,
matreiðslumeistara og fv. bryta,
Skúlagötu 20.
.
Guðlaug Ársælsdóttir, Eyþór Vilhjálmsson,
Þóra Ársælsdóttir, Páll Hjálmur Hilmarsson,
Ragna Ársælsdóttir, Haraldur R. Gunnarsson,
Björg Ársælsdóttir, Arnar Ólafsson,
Guðný Þorsteinsdóttir Þorleifur Hávarðarson,
afabörn og langafabörn.
Ástkæri eiginmaður minn, faðir okkar,
tengdafaðir, afi og langafi,
JÓHANN N. ÁGÚSTSSON,
fv. stórkaupmaður,
Kristnibraut 87,
Reykjavík,
sem lést þann 3. september, verður jarðsunginn frá
Guðríðarkirkju, Grafarholti, þriðjudaginn 15. september kl. 11.
.
Þóra Stefánsdóttir,
Halldór Jóhannsson, Fanney Ingvadóttir,
Stefán Jóhannsson, Sólrún Viðarsdóttir,
Birgir Þ. Jóhannsson, Astrid Lelarge,
barnabörn og barnabarnabörn.
Kæru vinir og ættingjar, við þökkum
innilega sýndan hlýhug við andlát og útför
móður minnar og tengdamóður,
ÞÓRU AÐALHEIÐAR JÓNSDÓTTUR.
Starfsfólk deildar V2 á Grund fær sérstakar
þakkir fyrir góða umönnun. Starfsfólk
Þorrasels, Vitatorgs og Hrafnistu fær
einnig þakkir fyrir gott viðmót og ómælda aðstoð.
.
Birgir Jóhannesson,
Birna María Þorbjörnsdóttir.
Innilegar þakkir fyrir auðsýnda samúð og
hlýhug við andlát og útför elskulegrar
eiginkonu, móður, ömmu og langömmu,
KRISTÍNAR ÓSKARSDÓTTUR,
frá Dæli,
Skíðadal,
sérstakar þakkir fær starfsfólk á
dvalarheimilinu Dalbæ á Dalvík fyrir hlýhug og góða umönnun.
Guð blessi ykkur öll.
.
Gunnar Rögnvaldsson,
börn, tengdabörn, barnabörn og barnabarnabörn.