Skólavarðan - 01.02.2008, Blaðsíða 8

8
KjARAMÁL
SKÓLAVARÐAN 1.TBL. 8. ÁRG. 2008
Kennarar!
Munið eftir Spurt og svarað á
www.ki.is
Þar eru svör við öllum
mögulegum spurningum um
sjóði, kaup og kjör.
Ég hef áður skrifað um yfirvinnu grunnskóla-
kennara, framhaldskólakennara, leikskóla-
kennara og tónlistarskólakennara og
því er tímabært að fjalla um yfirvinnu
deildarstjóra, aðstoðarskólastjóra og skóla-
stjóra grunnskóla. Ákvæði kjarasamn-
ingsins um yfirvinnu stjórnenda grunnskóla
eru talsvert ólík ákvæðum um yfirvinnu
grunnskólakennara og verður hér farið yfir
helstu atriðin.
Deildarstjórar
Deildarstjóri stigs raðast í launaflokk
m.v. stigafjölda, viðkomandi deildar, þ.e.
nemendafjöldi x 1,5, en deildarstjórum
1 og 2 er raðað m.v. stjórnunarumfang
(50-100%). Leyfileg hámarkskennsla
deildarstjóra umfram skyldu gildir eingöngu
um töflusetta kennslu og fær deildarstjórinn
hana greidda m.v. sinn launaflokk.
Öll yfirvinna umfram þetta þak, þ.e.
hámarkskennslu umfram skyldu, greiðist
m.v. launaflokk 237 – 3. þrep samkvæmt
launatöflu Félags grunnskólakennara, og
á það við um forfallakennslu sem og alla
aðra yfirvinnu. Í kjarasamningi gr. 14.4 er
tilgreint hver sé leyfileg hámarkskennsla
deildarstjóra umfram kennsluskyldu m.v.
stigafjölda. Hámarkskennsla deildarstjóra 1
og 2 umfram skyldu fylgir deildarstjóra stigs
sem raðast í sama launaflokk og eru nú 3 og
2 kennslustundir.
Deildarstjóri má taka að sér tilfallandi
forfallakennslu umfram kennsluyfirvinnu-
þakið sem og aðra yfirvinnu. Ef það vantar
aftur á móti upp á að deildarstjóri fullnýti
hámarkskennslu umfram kennsluskyldu,
t.d. ef eingöngu eru nýttar 2 kennslustundir
af 8 kennslustundum sem heimilar eru
umfram kennsluskyldu þá er forfallakennsla
greidd m.v. launaflokk og þrep viðkomandi
deildarstjóra upp að kennsluyfirvinnuþakinu
og svo í launaflokk 237 – 3 eftir það.
Skólastjórar, aðstoðarskólastjórar
Í kjarasamningi gr. 14.2.2. og 14.3.2.
er tilgreint hver sé leyfileg hámarks-
kennsla skólastjóra og aðstoðarskólastjóra
umfram kennsluskyldu m.v. stigafjölda.
Þar sem kjarasamningur skólastjóra og
aðstoðarskólastjóra er fastlaunasamningur
fá þeir umsamin laun allt árið án mats á
vinnuframlagi í hverjum mánuði. Kjara-
samningurinn tekur því eingöngu til
stjórnunar grunnskóla og annarra faglegra
starfa og fá skólastjórar/aðstoðarskólastjórar
því ekki greidda tilfallandi yfirvinnu,
nema ef um forfallakennslu er að ræða.
Samkvæmt bókun 11 í kjarasamningi eru
takmarkanir á forfallakennslu skólastjóra/
aðstoðarskólastjóra þar sem helsta við-
fangsefni skólastjórnenda er stjórnun og
því óæskilegt að þeir sinni forfallakennslu.
Þar sem skóli er undirmannaður og ekki
tekst að fá kennara í forföll er heimilt að
greiða skólastjóra/aðstoðarskólastjóra allt
að 12 kennslustundir á mánuði vegna for-
fallakennslu. Í tilvikum sem þessum ber
skólastjóra að senda rökstuðning sinn til
næsta yfirmanns sem staðfestir heimild
til greiðslu. Skólastjóri/aðstoðarskóla-
stjóri sem hefur enga kennsluskyldu þarf
samt að hafa skilað 4 kennslustundum á
mánuði í forfallakennslu áður en til greiðslu
kemur. Forfallakennsla þessi er greidd
m.v. launaflokk 237 – 3. þrep samkvæmt
launatöflu Félags grunnskólakennara.
Ef sveitarstjórn telur nauðsynlegt að
fela skólastjóra/aðstoðarskólastjóra meiri
kennslu en tilgreint er í bókun 11 þarf að
leita samþykkis samstarfsnefndar . Sé
frekari kennsla samþykkt af samstarfsnefnd
skal hún greidd m.v. launaflokk 237 – 3.
þrep samkvæmt launatöflu Félags grunn-
skólakennara.
Bókun 1 með kjarasamningum fjallar
um húsnæði grunnskóla sem er einnig nýtt
til annars reksturs, t.d. tónlistarskóla eða
leikskóla. Erfiðlega gekk að ná samkomulagi
um túlkun bókunarinnar en samkvæmt
niðurstöðu samstarfsnefndar frá því í
maí 2007 skal sveitarstjórn í samráði við
skólastjóra leggja mat á umfang þeirrar
vinnu og heimilt er að greiða fyrir hana
1. október og 1. febrúar ár hvert. Miða
skal við að greiða yfirvinnu að hámarki 18
klukkustundir í hvort sinn m.v. launaflokk
237 – 3. þrep samkvæmt launatöflu Félags
grunnskólakennara.
Ef sveitarstjórn ræður skólastjóra til
þess að sinna einhverjum öðrum störfum
en skólastjórnun/kennslu samkvæmt bókun
5 er ekki greitt fyrir þau störf samkvæmt
SÍ hluta kjarasamnings KÍ og LN, heldur
er greitt fyrir þessi störf samkvæmt þeim
kjarasamningi sem þau falla undir.
Grunnröðun stjórnenda í launaflokka
og þrep breytist ekki þó nemendum fækki
á meðan sami aðili gegnir stöðunni en
kennsluskylda getur breyst ef nemendafjöldi
breytist og þá einnig leyfileg hámarkskennsla
umfram skyldu.
Ef þið hafið einhverjar spurningar
varðandi þetta eða annað er ykkur velkomið
að hringja til mín í síma 595 1111 eða senda
mér tölvupóst á netfangið ingibjorg@ki.is
Ingibjörg Úlfarsdóttir
Launafulltrúi KÍ
Ingibjörg Úlfarsdóttir
launafulltrúi KÍ
Lj
ós
m
yn
d
:
S
te
in
un
n
Jó
na
sd
ót
ti
r
Yfirvinna skólastjóra, aðstoðarskólastjóra
og deildarstjóra