Skólavarðan - 01.02.2008, Síða 14

14
íSLENSK MENNTUN, MENNTASTEFNA OG -FRAMKVÆMd
SKÓLAVARÐAN 1.TBL. 8. ÁRG. 2008
Um framhaldsskólafrumvarpið:
Frumvarpið felur í sér mörg nýmæli og áform
um aukna þjónustu við nemendur. Gert er ráð
fyrir að dregið verði úr miðstýringu í námi og
námsframboði og meiri ábyrgð verði færð til
skólanna. KÍ leggur áherslu á að efndir fylgi
orðum og fjárveitingar til skólanna breytist í
samræmi við þessa stefnu.
Um leikskólafrumvarpið:
KÍ fagnar fumvarpi til laga um leikskóla
og segir í umsögn um frumvarpið að
tímabært hafi verið orðið að endurskoða lög
um leikskóla í ljósi reynslu síðustu ára og
þróunar sem orðið hefur í samfélaginu.
Um grunnskólafrumvarpið:
KÍ hefur sent Alþingi umsögn um
frumvarp til laga um grunnskóla og gerir
athugasemdir við ýmis atriði þess. KÍ telur
þó að í frumvarpinu felist ýmis mikilvæg
nýmæli sem stuðlað geti að skilvirkara og
árangursríkara skólastarfi.
Um kennaramenntunarfrumvarpið:
KÍ fagnar frumvarpinu og tekur heilshugar
undir þau rök að tímabært sé að efla
kennaramenntun og gera meistaragráðu
eða sambærileg námslok að skilyrði
fyrir veitingu leyfisbréfa leik-, grunn- og
framhaldsskólakennara.

Kennarar! Lesið umsagnir KÍ um
menntafrumvörpin á www.ki.is
KÍ fagnar menntafrumvörpum
Kennurum krossbrá þegar frétt birtist á mbl.
is um miðjan febrúar þar sem fjallað var um
umsögn ASÍ um menntafrumvörpin. Þar rær
sambandið á sömu mið og SÍS og borgarráð
og gagnrýnir lengingu kennaramenntunar
auk þess sem gagnrýnd er lögbinding
kennaramenntunar hjá tveimur þriðju
hlutum starfsmanna í leikskólum.
Þetta og fleira sem gagnrýnt er getur fólk
kynnt sér á vef sambandsins www.asi.is en
umsagnir þess um frumvörpin eru þar að
finna. „Er ASÍ líka á móti aukinni menntun
líkt og SÍS?“ spyr Sigurður Haukur Gíslason
grunnskólakennari, formaður Kennarafélags
Mosfellsbæjar, Seltjarnarness og Kópavogs
og stjórnarmaður í FG á blogginu nýverið.
Þá segir Sigurður Haukur: „Hvernig stendur
á því að ASÍ tekur undir sjónarmið (og
þar með metnaðarleysi) SÍS? ... Er það
„Við verðum að hækka laun kennara“,
sagði menntamálaráðherra á fundi
sjálfstæðismanna ekki alls fyrir löngu.
Fjármálaráðherra var ekki sammála en það
var hins vegar bæjarstjóri Seltjarnarness í
Morgunblaðinu tveimur vikum síðar.
Kennarar eru allir sammála Jónmundi
bæjarstjóra og Þorgerði okkar Katrínu
sem sagði við sama tækifæri að kennara-
menntunarfrumvarpinu væri ætlað að
styrkja stöðu kennara og auka virðingu fyrir
stéttinni, leikskólinn væri fyrsta skólastigið
og því sjálfsagt að leikskólakennarar
þyrftu einnig meistaragráðu. Sem kunnugt
er hafa borgarráð, Samband íslenskra
sveitarfélaga og nú síðast ASÍ gagnrýnt
kennaramenntunarfrumvarpið, meðal annars
á þeim forsendum að þá verði erfiðara að
manna leik- og grunnskóla. Athygli vekur
að umsagnir SÍS og borgarráðs skuli vera
fullkomlega í blóra við afstöðu ráðherra,
kennaramenntunarstofnana í landinu og
síðast en ekki síst Kennarasambandsins
en þess má geta að varaformaður KÍ
rökstuddi lengingu kennaranáms á prenti
löngu áður en umsagnir þessara aðila og
sporgöngumannanna í ASÍ voru lagðar
fram.
Elna Katrín Jónsdóttir sat ásamt fleirum
í starfshópi menntamálaráðuneytis um
framtíðarskipan kennaramenntunar og í
desember sl. birtist eftir hana grein um
kennaramenntun í tímaritinu Uppeldi og
menntun sem gefið er út af Kennaraháskóla
Íslands í samvinnu við HÍ og HA. Í
greininni fjallar Elna Katrín um breytingar á
kennarastarfinu sem valdi því að nauðsynlegt
sé að efla kennaramenntun með lengingu
námsins. Hún vitnar þessu til stuðnings meðal
annars í tvær skýrslur framkvæmdastjórnar
Evrópuráðsins, Improving the quality of
teacher education frá 2007 og Common
European principles for teacher competences
and qualifications frá 2005. Þar er fjallað
um breyttar og auknar kröfur til kennara
og lögð áhersla á að auka þurfi gæði og
inntak kennaranáms ásamt því sem bent
er á slaka stöðu símenntunar kennara í
mörgum Evrópulöndum. Þá segir m.a. í
grein Elnu: „Meðallengd kennaramenntunar
í OECD löndunum er rúmlega fjögur ár
fyrir grunnskólakennara og um fimm ár
fyrir framhaldsskólakennara. Svokallað
kandídatsár bætist sums staðar við lokaprófið
áður en fullum kennsluréttindum er náð og í
sumum löndum þurfa kennaraefni að þreyta
sérstök kennarapróf. Kennaramenntun á
Íslandi er með því stysta sem þekkist í
Evrópu, eða þriggja ára háskólapróf, B.Ed
gráða fyrir leik- og grunnskólakennara
og þriggja ára háskólagráða, BA/BS
próf eða sambærileg próf, ásamt eins
árs kennslu- og uppeldisfræðimenntun,
eða fjögurra ára lágmarksmenntun fyrir
framhaldsskólakennara í bóklegum greinum,
en iðnmeistararéttindi ásamt kennslu- og
uppeldisfræðimenntun á háskólastigi
fyrir starfsmenntakennara.“ Starfshópur
um framtíðarskipan kennaramenntunar
lagði til að menntun leik-, grunn- og
framhaldsskólakennara yrði lengd „og
hún löguð að Bologna-ferlinu um skipan
háskólanáms í Evrópu sem Ísland tekur þátt
í. Kennaranám verði skipulagt sem þriggja
ára grunnnám og tveggja ára framhaldsnám
til meistaraprófs... Niðurstöður starfshópsins
um lengingu kennaramenntunar á Íslandi eru
studdar svipuðum rökum og sú samevrópska
menntaumræða og tillögugerð sem reifuð er
stuttlega hér að framan. Dýpkun faglegra
og fræðilegra viðfangsefna og meiri
breidd í menntun kennara er í samræmi
við auknar kröfur til kennarastarfsins,
breytt og fleiri viðfangsefni kennara og
nýja þekkingu á tengslum menntunar og
samfélagsþróunar.“
Víðtæk samstaða fagaðila, kennara-
menntunarstofnana og menntayfirvalda
landsins er um lengingu kennaramenntunar
og umsagnir borgarráðs og SÍS vekja furðu
bæði þess vegna og eins vegna þess að þær
ganga í berhögg við samevrópska þróun og
samræðu á þessu sviði.
Greinin Kennaramenntun í allra þágu
eftir Elnu Katrínu Jónsdóttur er í nýjasta
tölublaði Uppeldis og menntunar og hana er
einnig hægt að lesa á www.ki.is
keg
Kennaramenntun með því stysta sem þekkist í Evrópu
ASÍ á móti menntun
hlutverk ASÍ að draga úr metnaðarfullum
kröfum Menntamálaráðuneytis varðandi
framtíðarmenntun þjóðarinnar? Hvaða
tilgangi þjónar þetta? Ástæða þess að
erfiðlega gengur að manna grunn- og leikskóla
eru lág laun. Að halda öðru fram er rangt og
gert til þess að draga athyglina frá kjarna
málsins. Og er ASÍ í alvörunni á móti því að
hlutfall leikskólakennara í leikskólum verði í
framtíðinni að lágmarki 67%? Er ASÍ sömu
skoðunar varðandi heilbrigðiskerfið? Það er
kannski nóg að 67% af þeim sem starfa við
lækningar hafi tilskylda menntun?“
Hvernig ætli ASÍ bregðist við ef kennarar
reyna að standa í vegi fyrir aukinni menntun
og símenntun starfsmanna hjúkrunarheimila,
vélstjóra og rafvirkja?
keg