Skólavarðan - 01.02.2008, Side 15

15
RÁÐSTEFNA
Í undirbúningi er ráðstefna þar sem
samstarf skóla og stofnana sem annast
kennaramenntun verður í brennidepli og
fjallað um tengsl kennaramenntunar og
skólaþróunar frá ýmsum sjónarhornum.
Í málstofum og á fyrirlestrum ætla menn
að velta fyrir sér spurningum eins og: Hvað
læra nemendur í kennaraháskólum? Hvað
og hvernig læra þeir á vettvangi? Hvernig
er ábyrgð á menntun kennaranema deilt
og hvernig er hægt að efla samstarf milli
aðila? Hvernig geta kennaraháskólar stutt
þróunarstarf? Hvernig geta skólarnir haft
áhrif á kennaramenntunina?
Kennaraháskóli Íslands stendur fyrir
ráðstefnunni. Hún er opin öllum sem starfa
að kennaramenntun á Norðurlöndunum,
jafnt á háskólastigi sem í almennum skólum
og æfingaskólum þar sem þeir eru við lýði.
Landsbankinn er bakhjarl ráðstefnunnar
og styrkir hana veglega. Styrkurinn er m.a.
notaður til að greiða niður ráðstefnugjöld
og hvetja þannig til þátttöku kennara á
öllum skólastigum. Ráðstefnugjaldið er
9000 krónur fyrir íslenska þátttakendur
sem skrá sig tímanlega en 15000 krónur
eftir það. Vettvangsnám er mikilvægur
þáttur í menntun kennaranema og kennarar
sem leiðbeina kennaranemum til dæmis í
æfingakennslu eru sérstaklega hvattir til að
taka þátt. Skráning og nánari upplýsingar
eru á heimasíðu ráðstefnunnar www.
yourhost.is/khi2008
Þema ráðstefnunnar, tengsl kennara-
menntunar og skólaþróunar, er ofarlega á
baugi í skólamálaumræðunni nú. Kennara-
háskóli Íslands er að efla samstarf sitt
við vettvanginn, hefur m.a. gert samninga
við leik- og grunnskóla um að vera
heimaskólar kennaranema á námstíma
þeirra og verið er að endurskipuleggja
allt vettvangsnám. Þessi tengsl eru líka til
skoðunar í nágrannalöndunum þar sem
eðli og gildi vettvangsnáms er mjög til
umræðu. Í málstofum mun fjöldi íslenskra
og erlendra þátttakenda kynna athyglisverð
rannsóknarverkefni. Fjallað verður um nýjar
leiðir í samvinnu þeirra skólastiga sem
sjá um menntun kennara, þróunarstarf í
ýmsum námsgreinum á vettvangi skóla og
kennaramenntunar, stuðning við kennara
á fyrstu árum í starfi, hvernig samvinna
stuðlar að nýtingu rannsókna í skólastarfi,
tækni í kennaranámi og starfi, þróun
kennaramenntunar á Norðurlöndunum,
í Evrópu og á heimsvísu og margt fleira.
Dagskráin verður birt á vef ráðstefnunnar.
Fólk í fremstu röð mun halda aðalfyrirlestra
ráðstefnunnar. Það eru Anne Edwards,
prófessor við Oxfordháskóla, Hannu Simola,
SKÓLAVARÐAN 1.TBL. 8. ÁRG. 2008
prófessor við Helsinkiháskóla, Ragnhildur
Bjarnadóttir, dósent við Kennaraháskóla
Íslands og þær Sanne Lillemor Hansen og
Hanne Schneider, lektorar við N. Zahles
Seminarium í Kaupmannahöfn. Ráðstefnan
verður fjöltyngd, fyrirlestrar og erindi
á málstofum verða ýmist á ensku eða
skandinavískum málum.
Þetta er í fyrsta sinn sem samnorræna
ráðstefnan um kennaramenntun verður
hér á landi. Slíkar ráðstefnur hafa verið
haldnar annað hvert ár og þessi verður sú
tíunda í röðinni. Í undirbúningsnefnd KHÍ
fyrir ráðstefnuna eru Kristín Jónsdóttir,
formaður, Gunnhildur Óskarsdóttir, Þórunn
Erna Jessen og Þuríður Jóhannsdóttir. Þær
svara gjarnan fyrirspurnum um ráðstefnuna
en skráning og upplýsingar um dagskrána,
fyrirlesara, skemmtan og skoðunarferðir eru
á www.yourhost.is/khi2008
keg
d. 21. – 24. maj 2007 i Islandsk Pædegogosk Universitet, IPU, Reykjavik, Island
Tengsl kennaramenntunar
og skólaþróunar
21. – 24. maí 2008 í Kennaraháskóla Íslands
10. norræna ráðstefnan
um kennaramenntun:
Stefnumót um kennaramenntun
Velkomin á 10. norrænu ráðstefnuna um kennaramenntun. Markmið
ráðstefnunnar er að skoða tengsl kennaramenntunar og skólaþróunar.
Samstarf skóla og stofnana sem annast kennaramenntun er í brennidepli:
Hvað læra nemendur í kennaraháskólum? Hvað og hvernig læra þeir á
vettvangi? Hvernig er ábyrgð á menntun kennaranema deilt og hvernig er
hægt að efla samstarf milli aðila?
Kennaraháskóli Íslands verður 100 ára á þessu skólaári og mun
í júlí 2008 sameinast Háskóla Íslands. Í tilefni þessa efnum við til
ráðstefnunnar og vonumst eftir gefandi og gagnlegum umræðum um
þemað: Tengsl kennaramenntunar og skólaþróunar.
Ólafur Proppé
Rektor KHÍ
Aðalfyrirlesarar
Anne Edwards, prófessor, Oxfordháskóla
Hannu Simola, prófessor, Helsinkiháskóla
Ragnhildur Bjarnadóttir, dósent,
Kennaraháskóla Íslands
Sanne Lillemor Hansen, lektor, og
Hanne Schneider, lektor, N. Zahles Seminarium
í Kaupmannahöfn
Kennaraháskóli Íslands v/Stakkahlíð 105 Reykjavík khi.is
Nánari upplýsingar á
heimasíðu ráðstefnunnar:
www.yourhost.is/khi2008
Ráðstefnuskrifstofa:
Undirbúningsnefnd KHÍ
Kristín Jónsdóttir, lektor, formaður
Gunnhildur Óskarsdóttir, dósent
Þórunn Erna Jessen, aðjúnkt
Þuríður Jóhannsdóttir, lektor
Erindi, skráning og ráðstefnugjald
Framlag þátttakenda í formi stuttra erinda
er mikilvægt sem og þátttaka í umræðum á
málstofum. Þeir sem vilja senda tillögur að
erindum skrái þær á heimasíðu ráðstefnunnar
www.yourhost.is/khi2008
Ráðstefnugjaldið er 9000 krónur fyrir íslenska
þátttakendur sem skrá sig fyrir 20. febrúar
2008 en 15000 krónur eftir það.
Landsbankinn er meginstyrktaraðili
ráðstefnunnar. Styrkurinn er m.a. notaður til
að greiða niður ráðstefnugjöldin og hvetja
þannig til þátttöku kennara á öllum skóla-
stigum sem starfa að kennaramenntun.
Tilkynningu um þátttöku í ráðstefnunni á að
skrá á heimasíðunni
www.yourhost.is/khi2008
Tímamörk
Síðustu forvöð til að skrá ágrip af erindi eru
20. desember 2007
Tilkynning um hvort erindi hafa verið
samþykkt berst í síðasta lagi
20. janúar 2008.
Tengsl kennaramenntunar og skólaþróunar
Samnorræn ráðstefna í KHÍ 21.-24. maí 2008
Samningur um stuðning Landsbankans við ráðstefnuna var undirritaður þann
14. febrúar sl. Undir hann skrifuðu Kristín Jónsdóttir lektor og formaður
skipulagsnefndar ráðstefnunnar, Ólafur Proppé rektor Kennaraháskóla Íslands,
Elín Sigfúsdóttir framkvæmdastjóri fyrirtækjasviðs Landsbankans og Viggó
Ásgeirsson forstöðumaður markaðs- og vefdeildar Landsbankans.
Lj
ós
m
yn
d
f
rá
K
H
Í