Skólavarðan - 01.05.2013, Síða 16
14 SKÓLaVarðan 1. tbl 2013
bíóbíó
Karlar og konur eru
góðar manneskjur.
Það eru örfáar
undantekningar.
Látum þær ekki
stjórna lífi okkar.
Lífið er línudans
Félagar í FL og FSL horfðu saman á dönsku kvikmyndina jagten.
Jagten, kvikmynd Thomasar Winter
berg, er þarft innlegg í umræðuna um
stöðu karla í skólum. Myndin segir sögu
Lúkasar sem starfar í leikskóla og er
ranglega ásakaður um kynferðislegt of
beldi. Félög leikskólakennara og stjórn
enda leikskóla á höfuðborgarsvæðinu
buðu félagsmönnum á myndina og
efndu til pallborðsumræðna á eftir.
Þar sátu Valgerður Janusdóttir, starfs
mannastjóri Skóla og frístundasviðs
Reykjavíkur, Kristján Ingi Kristjánsson
rannsóknarlögreglumaður, Guðrún
Jónsdóttir frá Stígamótum og Hörður
Svavarsson leikskólastjóri. Jóhannes Kr.
Kristjánsson dagskrárgerðarmaður hjá
RÚV stjórnaði umræðunum.
Lúkas er kennari í leikskóla í þorpi í
Danmörku. Lítil dóttir vinar hans leitar
til hans og hann sinnir henni vel, en
setur henni mörk þannig að henni
finnst hann hafna sér. Telpan lætur
orð falla í eyru leikskólastjóra síns,
sem hann túlkar þannig að hann verði
að fara áfram með málið. Í stuttu máli
verður úr því algjört klúður og allt fer
úr böndum með tilheyrandi múgæs
ingu. Jagten hefði vel getað gerst á
hvaða vettvangi og hvaða skólastigi
sem er, en að velja leikskóla undir
strikar varnarleysi skjólstæðinganna
þar. Samfélagið í myndinni er veikt að
því leyti að verkferlar skólakerfisins eru
ekki í lagi og stemmingin í samfélaginu
byggist á hópþrýstingi. Um leið er þó
styrkleiki samfélagsins sýndur, en hann
byggist á rótgróinni vináttu á meðal
íbúa þorpsins. Jarðvegur er fyrir sam
stöðu, spurningin er hvert sú samstaða
leiðir.
Markmið FL og FSL á höfuðborgar
svæðinu með því að bjóða í bíó var
að vekja umræðu um það hvernig við
getum sem best tryggt öryggi barna
og starfsmanna leikskóla gagnvart of
beldi, gruns um ofbeldi og ásökunum
sem ekki eru á rökum reistar. Börnin
verða að vera örugg, leikskólakennarar
og starfsmenn verða að geta sinnt sínu
starfi af alúð og kærleika og foreldrar
verða að vera vissir um að allt sé gert
til þess að tryggja þetta. Í umræðunum
kom fram að körlum í leikskólum líður
eðlilega ekki vel yfir því að hugsanlega
séu þeir tortryggðir. Fréttir frá Dan
mörku um að karlar megi ekki vera
einir með börnum á leikskólum sýna
að bylgja tortryggni gagnvart körlum í
kennslu yngri barna hefur farið af stað.
Í pallborðinu kom fram að enginn
dómur hefur fallið um kynferðislegt of
beldi í leikskóla á Íslandi, en allir verða
að vera viðbúnir því að grunur eða
vissa um óviðeigandi háttsemi gagn
vart börnum geti komið upp. Því er
nauðsynlegt að undirbúa fyrirfram við
brögðin ef slíkt mál kæmi upp, vanda
hvert skref og leita ráða þeirra sérfræð
inga sem best eru hæfir til að gefa þau.
Aldrei má sá fræjum sem fá að vaxa í
slúðri og leiða til dómstóls götunnar. Í
leikskólum eins og öðrum skólum á að
vera samfélag sem byggist á trausti og
virðingu.
Myndin Jagten skilur eftir miklu fleiri
spurningar en svör. Ein af þeim sem
er ögrandi að glíma við er hvernig við
hefðum brugðist við ef komið hefði
í ljós að Lúkas hefði verið sekur. Hún
vekur okkur til umhugsunar svo um
munar og undirstrikar að lífið er línu
dans. Við, sem vinnum með litlum
varnarlausum börnum, höldum áfram
að skapa þeim gleðiríkt og öruggt um
hverfi þar sem þau læra í leik undir
handleiðslu fagfólks. Við höldum áfram
og höfum fagmennsku og mannkær
leik að leiðarljósi. Karlar og konur eru
góðar manneskjur. Það eru örfáar und
antekningar. Látum þær ekki stjórna
lífi okkar.
Texti: Haraldur F. Gíslason og
Ingibjörg Kristleifsdóttir.
Mynd: Bíó Paradís.
Mads Mikkelsen á stjörnuleik í hlutverki Lúkasar.