Skólavarðan - 01.05.2013, Qupperneq 14

12 Skólavarðan 1. tbl 2013
netsiðareglurnetsiðareglur
nýr vettvangur
fyrir samskipti kenn-
ara og nemenda
hefur opnast með
nýjum samfélags-
miðlum, en huga
þarf að því hvernig
slíkum samskiptum
er best háttað.
Skólamálanefnd Félags framhalds­
skólakennara skoðaði netsiðareglur
sem erlend kennarasamtök settu sér.
Niðurstaða þeirrar vinnu var að beina
því til siðaráðs KÍ að sambandið setti
sér hliðstæðar reglur fyrir félagsmenn
sína. Þar væri hnykkt á hlutverki þeirra
sem fagmanna og gefnar leiðbein­
ingar um hvernig efla mætti umræðu
um heppilega notkun netsins. Einnig
skyldi fjallað um hvernig hægt væri
að bregðast við hugsanlegri áreitni og
einelti á samfélagsmiðlum.
Hér er það helsta sem skólamálanefnd
FF telur að ætti að standa í slíkum siða­
reglum:
LEIðBEININGAR FYRIR KENNARA UM
NOTKUN SAMFéLAGSMIðLA:
• Kennarar gæti að mörkum einkalífs
og vinnu í samfélagsmiðlum og að
samskipti séu eðlileg og fagleg.
• Kennarar mismuni hvorki nemend­
um né forráðamönnum þeirra.
• Kennarar ræði notkun samfélags­
miðla við nemendur.
• Kennarar ættu að lýsa þeim mörkum
sem þeir setja sér um notkun sam­
félagsmiðla. Í því felst til dæmis að
kennari geti ekki verið „vinur“ sumra
nemenda á samfélagsmiðlum en
ekki annarra.
• Kennari gæti trúnaðar við nem­
endur á samfélagsmiðlum.
• Kennari skrifi ekki um einstaka nem­
endur, viðbrögð þeirra eða verkefni
og birti ekki myndir af nemendum
eða úr skólastarfinu án samþykkis
allra hlutaðeigandi.
• Kennarar tjái sig af sanngirni um
vinnu sína á samfélagsmiðlum.
LEIðBEININGAR UM HVERNIG VINNA
MEGI GEGN ÁREITNI OG EINELTI Á
SAMFéLAGSMIðLUM:
• Kennarar hvetji til þess að í skólum
þeirra verði settar sameiginlegar
reglur fyrir stjórnendur, kennara,
nemendur og forráðamenn um
notkun samfélagsmiðla.
• Reglurnar ættu að vera skýrar og
augljóst hver ber ábyrgð á hverju.
Skólar ættu að setja sér reglur um
hvernig fyrirspurnum er svarað, t.d.
í tölvupósti, í gegnum síma eða á
fundum.
• Kennarar beiti sér fyrir því að settar
verði skýrar reglur um hvernig nem­
endur nota farsíma, myndavélar
og tónhlöður í skólanum. Kenn­
arar beiti sér einnig fyrir því að nem­
endur og forráðamenn þeirra verði
upplýstir um reglurnar og viðurlög
við brotum á þeim.
• Kennarar beiti sér fyrir því að skólar
vinni markvisst gegn áreitni og
einelti.
Þessu markmiði mætti ná með því að
útskýra fyrir nemendum að það sem
er skrifað á netið teljist opinber birting
og viðurlög séu samkvæmt því. Leggja
ber áherslu á að skólar umberi ekki
neins konar áreitni eða einelti á netinu.
aðgát skal höfð...
- netsiðareglur og rafræn samskipti.
Anna María Gunnarsdóttir.