Skólavarðan - 01.05.2013, Blaðsíða 43

Skólavarðan 1. tbl 2013
kjaramálkjara ál
41
Samningaviðræður um endurnýjun
kjarasamnings þurfa í síðasta lagi að
hefjast um miðjan desember 2013
m.v. tímafresti laga um gerð og fram­
kvæmd viðræðuáætlana, en þó eigin­
lega fyrr vegna tafa við samningavinnu
kringum jólin.
Samkomulagið við ríkið var fellt í at­
kvæðagreiðslu sl. haust og síðan þá
hafa hvorki menntamálaráðherra né
fjármálaráðherra sýnt áhuga á að taka
upp viðræður að nýju, eða að láta með
öðrum hætti fjármuni renna til fram­
haldsskólanna í sambærilegum til­
gangi og í samkomulaginu frá október
síðastliðnum. Margítrekaðar ábend­
ingar stéttarfélagsins um hættuástand
í framhaldsskólum vegna gegndar­
lauss niðurskurðar og hraklegrar
launastöðu félagsmanna KÍ miðað
við samanburðarhópa hafa að mestu
verið hunsaðar. Þetta vekur athygli
vegna þess að öll vinna við aðlögun
kjarasamninga að framhaldsskólalög­
unum stöðvaðist sjálfkrafa með höfn­
un samkomulagsins, en einnig vegna
augljósrar hættu á að upp úr sjóði á
næstu mánuðum vegna ósanngjarns
launamunar og erfiðra starfsskilyrða í
framhaldsskólum.
FéLag
tÓnLiStarSKÓLaKennara
Texti: Sigrún Grendal, formaður FT.
Undanfarin ár hafa verið óvenjuleg á
kjarasamningasviðinu. Kjarasamningar
tónlistarskólakennara í maí 2011 voru
fyrstu eiginlegu kjaraviðræðurnar sem
áttu sér stað frá samningi þeim sem
undirritaður var í október 2006 og gilti
til 30. nóvember 2008. Í kjölfar hrunsins
urðu þau félög sem höfðu lausa samn­
inga af gerð eiginlegra kjarasamninga
í þeirri lotu.
Árið 2005 var launasetning tónlistar­
skólakennara með BA próf því sem
næst sambærileg launum umsjónar­
kennara tvö í kjarasamningi grunn­
skólakennara. Samanburður á launum
skólastjóra á þessum skólastigum er
erfiðari þar sem launakerfin eru ólík,
en árið 2006 var launaspönnin ekki
ósvipuð.
Nú er staðan sú að tónlistarskólakenn­
arar hafa dregist aftur úr viðmiðunar­
hópum sem rekja má að einhverju leyti
til gildistíma kjarasamnings okkar frá
árinu 2008 og þess ástands sem hefur
ríkt undanfarin ár. Í kjarastefnu KÍ er
m.a. lögð áhersla á að:
• laun og önnur starfskjör félags­
manna KÍ standist ávallt samanburð
við kjör annarra sérfræðinga og
stjórnenda á vinnumarkaði,
• lélagsmönnum KÍ með sambæri­
lega menntun og reynslu sé ekki
mismunað í launum eftir því á
hvaða skólastigi þeir starfi.
• kjör félagsmanna KÍ verði eftirsókn­
arverð og samkeppnishæf miðað
við laun á vinnumarkaði.
Það eru forréttindi að vera hluti af
menntakerfi þjóðarinnar og það er eitt
brýnasta samfélagsverkefni okkar tíma
að tryggja eflingu þess til framtíðar.
Félag tónlistarskólakennara lítur svo á
að hlutverk tónlistarskóla og tónlistar­
fræðslu hafi aldrei verið mikilvægara
en einmitt nú. Það eru spennandi
tímar framundan þar sem aðildarfélög
KÍ þurfa að taka höndum saman um að
fylgja eftir sameiginlegri stefnumörk­
un svo ný og framsækin menntastefna
geti orðið að veruleika, okkur öllum til
hagsbóta.
Í fjármálageiranum hefur rökstuðn­
ingur fyrir nauðsyn þess að greiða
bónusa og ofurlaun jafnan falist í því
að einungis þannig náist fram hvati til
að fólk vinni störf sín vel, og að það sé
forsenda þess að fá gott fólk til starfa
og að halda því í krefjandi störfum.
ég vona að efnahagshrunið hafi opnað
augu fólks fyrir því að eitt það dýrmæt­
asta fyrir foreldra, börn og þjóðarbúið í
heild sé að standa vörð um menntun og
fá besta fólkið til starfa í skólum. Þetta
fólk kemur að uppeldi barna okkar og
menntar framtíðarþegna Íslands. Um
heim allan má greina stefnubreytingu
í þróun menntakerfa. Tónlistarfræðsla,
listir og menning vega þar æ þyngra.
Við í FT erum sannfærð um mikilvægi
okkar þáttar í uppbyggingu heilbrigðs
og skapandi samfélags. Við skorumst
ekki undan ábyrgð þegar að því kemur
að verja menntakerfið.
Myndir: Rán Bjargardóttir o. fl.