Fréttablaðið - 23.07.2016, Side 8

Útgáfufélag: 365 miðlar ehf. Stjórnarformaður: Ingibjörg Stefanía Pálmadóttir forStjóri: Sævar Freyr Þráinsson Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Fanney Birna Jónsdóttir fanney@frettabladid.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is. Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri.
Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSn 1670-3871 fréttaBlaðið Skaftahlíð 24, 105 reykjavík Sími: 512 5000,
ritstjorn@frettabladid.is ÞróunarStjóri: Tinni Sveinsson tinni@365.is helgarBlað: Ólöf Skaftadóttir olof@frettabladid.is og Viktoría Hermannsdóttir viktoria@frettabladid.is menning: Magnús Guðmundsson magnus@frettabladid.is
lífið: Gyða Lóa Ólafsdóttir gydaloa@frettabladid.is ljóSmyndir: Pjetur Sigurðsson pjetur@frettabladid.is framleiðSluStjóri: Sæmundur Freyr Árnason sfa@frettabladid.is ÚtlitShönnun: Silja Ástþórsdóttir siljaa@frettabladid.is
Gunnar
Kristín
Þorsteinsdóttir
kristin@frettabladid.is
Mín skoðun Logi Bergmann
Ég skrifaði pistil um daginn um hálftóm glös – um hvernig okkur hættir til að búast alltaf við hinu versta og láta algjör smáatriði pirra okkur. Hann
fékk fín viðbrögð og ég viðurkenni að ég var mjög
glaður. Margir vinir mínir deildu honum og líka fullt
af fólki sem ég þekki ekki neitt og lét falleg orð fylgja
með. Það gladdi mitt litla hjarta.
Kallið mig plebba en mér finnst alltaf gaman þegar
fólki líkar við mig og finnst ég geggjað skemmtilegur.
Það er bara svo miklu notalegra. Enda reyni ég að
vera ekki mjög leiðinlegur við fólk og finnst að það sé
almennt miklu betra að vera bara léttur.
En svo voru aðrir sem voru fúlir og notuðu ekki alveg
jafn falleg orð. Og þá kemur maður að þessari stöðu:
Hvað á ég að gera í því? Á ég í alvöru að fara að rífast
við fólk á netinu? Er gáfulegt að segja: „Nei, þú skilur
ekki. Ég var ekki að meina að fólk sem ætti ekki fyrir
mat mætti ekki hafa áhyggjur.“ Sennilega ekki.
En mig langar til að fara yfir nokkur ummæli sem
birtust. Af hverju? Af því að ég get það og ég er í sumar-
fríi og valið stendur á milli þessa og pistils: steríótýpur
á sólarströnd. Og af því að ég er í raun viðkvæmt blóm.
Ef Logi Bergmann Eiðsson er meðal okkar fremstu
vísdómsbrekkna er fokið í flest skjól … narsissisti frá
hexxxxxi.
Þetta er sennilega allt rétt. Skil samt ekki af hverju
það er hægt að segja að ég sé vitleysingur og narsissisti
en ekki skrifa helvíti. Var ekki orðið aðeins of seint í
þessari setningu að verða kurteis?
Bla, bla. Um hvað er þessi pistill herra Bakari? Ég held
að þú þurfir að ath. stafsetningu hjá þér. Þú getur bullað
með Gísla vini þínum, mér að meinalausu. Slepptu
athyglissýkinni á öðrum vettvangi.
Hér held ég að sé verið að vísa í útvarpsþáttinn Bak-
aríið sem ég er með á laugardagsmorgnum á Bylgjunni
með Rúnari Frey (sem er vissulega Gíslason). Og já, ég
er pottþétt athyglissjúkur. Haldið þið að ég sé í sjón-
varpinu út af vinnutímanum? En ég er eiginlega alveg
viss um að það er engin stafsetningarvilla í pistlinum
hjá mér (las hann þrisvar yfir).
Já, já, ekkert mál, lokum bara augunum höldum fyrir
eyrun, þá verður nauðgunin miklu þægilegri.
Hér er ég ekki alveg viss um hvað ég eigi að segja. En
ég er nokkuð viss að þessi hefur lagt aðeins of mikla
merkingu í þetta. Já, eiginlega bara alltof mikla. Eða
verið að lesa annan pistil.
Þetta,hljómar, eins,og,hann,sé, að,gera,grín, af,veik-
indum,annara,Engin,veit,hver,er,næstur,
Það var sko alls ekki meiningin. Það var bara notað
sem dæmi um það hvernig við getum miklað hluti fyrir
okkur. Og þó að það hafi verið gerð athugasemd við
stafsetningu hjá mér (og ég ætti því ekki að gefa ráð
um slíkt) þá er ég alveg viss um að þetta er ekki eðlileg
kommusetning.
Og uppáhaldið mitt.
Logi Bergmann er ekki góður penni sem er merkilegt
enda á hann langan feril að baki og er nú hampað tals-
vert …
Maður lifir ekki með fólki með því að fundastýra því.
Maður bara sættir sig við að sumir leggja mikla rækt
við neikvæðni sína. Alveg eins og ég lifi með því að Logi
leggur mikla rækt við eigið rassgat og að tala niður þá
sem ekki hafa verið jafn heppnir í lífinu – og átt jafn góða
vini – og hann sjálfur …
Logi er einmitt erkitýpan fyrir andverðleika sem pirrar
fólk svolítið.
Ég verð að viðurkenna að ég á í smá vandræðum
með þetta. Sérstaklega þetta með að vera erkitýpa fyrir
andverðleika. Ég er ekki alveg viss um að ég skilji þetta
orðasamband en það getur varla þýtt neitt gott.
En hér – svo ég haldi áfram á sömu nótum og um
daginn – á ég val. Ég get grátið í koddann yfir fólkinu og
hugsað um fólkið sem finnst ég vera illa skrifandi ógeð
sem gerir grín að veikindum annarra, hugsandi um
mitt eigið rassgat dagana langa í minni óþolandi, staf-
setningarafneitandi athyglissýki. Eða ég get lesið aftur
allt það fallega sem hitt fólkið sagði um mig.
Þið megið giska á hvort ég ætla að velja.
Athyglissjúk erkitýpa
Stundum heyrist að enginn munur sé á Íslandi og gerspilltum ríkjum í þriðja heiminum. Hér sé, líkt og þar, landlæg frændhygli og misbeiting opinbers valds. Þetta er rétt svo langt sem það nær. Benda má á mýmörg dæmi um klíkuskap og stór-
karlalega misneytingu opinbers valds á Íslandi.
Flestir hafa á tilfinningunni að íslensku dómsvaldi
hafi stundum orðið illa á í messunni. Æ oftar birtast
efasemdir um að dæmt sé eftir lögunum. En þótt
framkvæmdarvald og dómstólar hér eigi misjafna
daga verður að gæta sannmælis í samanburðinum.
Fólk sem þekkir harðstjórn í fátækum löndum
veit að það er eðlismunur á spillingunni hér og þeim
hörmungum sem viðgangast í skjóli siðlausra ein-
ræðisstjórna. Harðstjórar láta njósna um þegna sína,
jafnvel inni á þeirra eigin heimilum, mútuþægni er
landlæg, þeir siga lögreglu á stjórnarandstæðinga,
hernum á almenning og beita dómsvaldi til að losa
sig við þá sem sýna óæskilega hegðun. Þeir drepa
fólk. Himinn og haf er milli stjórnarfars hér og
ógnarstjórna í fjölda misspilltra landa nær og fjær.
Tyrkland er ekki þriðja heims ríki. Það á aðild að
mörgum burðugustu lýðræðisstofnunum heims og
skuldbindur sig samkvæmt því. Samt berast ömur-
legar fréttir af viðbrögðum stjórnvalda við meintri
valdaránstilraun hersins, sem forsetinn segir hróð-
ugur að tekist hafi að brjóta á bak aftur – hvað sem
er satt og hvað logið í þeim efnum.
Viðbrögð Erdogans forseta og æðstu stjórnvalda
eru ofsafengin. Boðuð er lögleiðing dauðarefsingar
með afturvirkum lagabálki til að ná fram réttlæti
gagnvart þeim sem eru á lista yfir meint landráða-
fólk. Þúsundir og aftur þúsundir hafa verið reknar
úr starfi fyrir skoðanir sínar. Nægilegt er að vera
grunaður um stuðning við valdaránsmenn.
Ofstopinn í Tyrklandi er okkur sem betur fer
framandi. Þó er hann þörf áminning um að mikið
reynir á yfirvöld að halda stillingu á erfiðum tímum.
Í skugga einhvers konar ringulreiðar má ekki dæma
eftir annars konar reglum en giltu þegar atvikin áttu
sér stað. Ákæruvaldi á ekki að beita til að slá á reiði
fólks. Ekki má í skugga ástands, sem skapast vegna
áfalla, fara á svig við mannréttindareglur. Þær eiga
að gilda jafnt fyrir alla, hvað sem líður andúð og
stílfimi háværra álitsgjafa, skoðunum mælskra ráð-
herra og óvinsældum sakborninga.
Mannréttindadómstóll Evrópu í Strassburg er
með til athugunar nokkur kærumál gegn íslenska
ríkinu. Við erum skuldbundin til að lúta reglum
dómstólsins. Hann hefur sent innanríkisráðuneyt-
inu áleitnar spurningar sem varða grundvallar-
mannréttindi sakborninga í hrunmálum. Það er
hollt aðhald.
Sennilega hefði stærstu afglöpum íslenska refsi-
kerfisins á seinni hluta síðustu aldar verið afstýrt
ef dómstóllinn í Strassburg hefði verið kominn til
sögunnar fyrir 40 árum. Samfélagið væri örugglega
betra ef við hefðum verið laus við þann draug og
sársaukann sem hann olli.
Aðhald að utan

VIÐ FLYTJUM ÞÉR
Fréttir Stöðvar 2, í opinni dagskrá alla daga vikunnar, alla daga ársins, kl. 18.30. FRÉTTASTOFA
FRÉTTIRNAR
ALLA DAGA VIKUNNAR Í OPINNI DAGSKRÁ KL. 18.30
2 3 . j ú l í 2 0 1 6 l A U G A R D A G U R8 s k o ð U n ∙ F R É T T A B l A ð i ð
SKOÐUN
Ákæruvaldi á
ekki að beita
til að slá á
reiði fólks.
Ekki má í
skugga
ástands, sem
skapast vegna
áfalla, fara á
svig við
mannrétt-
indareglur.
2
3
-0
7
-2
0
1
6

0
4
:0
9
F
B
0
6
4
s
_
P
0
5
7
K
.p
1
.p
d
f
F
B
0
6
4
s
_
P
0
5
6
K
.p
1
.p
d
f
F
B
0
6
4
s
_
P
0
0
8
K
.p
1
.p
d
f
F
B
0
6
4
s
_
P
0
0
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
A
1
1
-0
6
C
4
1
A
1
1
-0
5
8
8
1
A
1
1
-0
4
4
C
1
A
1
1
-0
3
1
0
2
7
5
X
4
0
0
.0
0
1
7
B

F
B
0
6
4
s
_
2
2
_
7
_
2
0
1
6
C
M
Y
K