Morgunblaðið - Sunnudagur - 01.11.2015, Blaðsíða 8
8 MORGUNBLAÐIÐ SUNNUDAGUR 1.11. 2015
Allir sem fást við stjórnmál fjalla um hags-muni í starfi sínu, hagsmuni skattgreið-enda, hagsmuni sjúklinga, fatlaðs fólks,
fjárfesta, launafólks, atvinnurekenda, meðlagsgreið-
enda, fjármagnseigenda, landbúnaðar, sjávar-
útvegs, stóriðju, smáiðnaðar, lántakenda, bygging-
ariðnaðar, lista og menningar, námsfólks, öryrkja,
aldraðra, íþróttafólks, barnafólks, fjármálakerfisins,
lífeyrissjóða, …
Þessir hagsmunir skarast iðulega við persónulega
hagsmuni stjórnmálamannanna sjálfra. Augljóst er
að þingmenn og bæjarfulltrúar greiða skatta, kaupa
bensín á bílinn, aka á vegunum, nota heilbrigðis-
þjónustuna og borga af húsnæðis- og námslánum.
Um þessa skörun er ekkert nema gott eitt að
segja. Varla vildum við þingmenn eða bæjarfulltrúa
sem væru geymdir í formalíni, með öllu ótengdir
umhverfi sínu; með reglustiku eina að vopni en öllu
sem út af stæði væri skotið til úrlausnar hjá Sam-
keppnisstofnun eða ESA í Brussel. Ekki heillar sú
sýn. Betra að vettvangur ákvarðana sé lifandi og vel
tengdur lýðræðislegum naflastrengjum út í þjóðfé-
lagið.
Það þýðir ekki sátt við sérhagsmunapot. En ef við
gefum okkur að stjórnmálamenn séu ekki beint eða
óbeint á mála hjá hagsmunaöflum, sem þýddi að ut-
anaðkomandi hagsmunir væru tengdir ofan í vasa
þeirra, þá er vandséð að þeir megi ekki tala máli til-
tekinna hagsmuna.
En þá þurfa líka öll hagsmunatengsl stjórnmála-
manna að vera sýnileg og gagnrýnir fjölmiðlar til
staðar að varpa ljósi á pólitísk markmið sem kynnu
að vera annarleg.
Á nýafstöðnu þingi Sjálfstæðisflokksins fóru
tengsl forstjóra Mjólkursamsölunnar við land-
búnað ekki á milli mála. Starf hans hjá MS hefur
vafalaust veitt honum innsýn í íslenskan landbún-
aðarheim og með hliðsjón af þeirri vitneskju leyfði
hann sér að efast um að íslenskur landbúnaður
stæðist afnám allra verndartolla, nokkuð sem
kveikir á okkur sem er umhugað um að standa vörð
um innlenda matvælaframleiðslu.
En fyrir þetta fékk þessi landsfundarfulltrúi og
sjálfstæðismaður til margra ára, bágt. Virtur vef-
miðill sagði að það væri ekki oft sem maður sæi
„jafn tæra hagsmunabaráttu … í hinu pólitíska
starfi miðju.“
Þetta var sem sagt hlutskipti ræðumanns á
landsfundi stjórnmálaflokks í almennri umræðu
um landbúnað: Afgreiddur sem ómarktækur. Við-
komandi var þó merktur í bak og fyrir, tengslin við
landbúnaðarframleiðslu öllum augljós. Það er
meira en sagt verður um ýmsa sem ég trúi að hafi
einnig setið þennan landsfund og án efa tjáð sig um
sín hugðarefni, allt frá verðtryggingu og verndar-
tollum til banns við áfengissölu ríkisins. Horfi ég þá
til dæmis til þeirra sem tengjast Bónus, Högum,
Granda, Félagi fjárfesta og N1.
Hvernig skyldi standa á því að nú um stundir er
landbúnaður sagður meira sér en aðrir sérhags-
munir? Gæti það verið vegna þess að sterkir hags-
munir í innflutningsverslun vilji verndina sem hann
nýtur feiga, að ógleymdu áhugafólkinu um Evrópu-
sambandið, sem finnst ekkert eins hallærislegt og
að vilja verja íslenskan landbúnað, hvað þá að verj-
ast dýrasjúkdómum frá meginlandi Evrópu?
Sumir sérhagsmunir meira sér en aðrir
*Hvernig skyldi standa áþví að nú um stundir erlandbúnaður sagður meira
sér en aðrir sérhagsmunir?
ÚR ÓLÍKUM ÁTTUM
Ögmundur Jónasson
ogmundur@althingi.is
Söngkonan og dansarinn Unnur
Eggertsdóttir er ferlega fyndin á
Twitter og þess virði að fylgjast
með. Ein nýjasta færslan hennar er
á þessa leið: „Það
er svo sorglegt
hvað það eru
mörg nöfn sem ég
mun aldrei geta
skírt börnin mín
því það er svo leiðinleg manneskja
sem heitir nafninu.“
Séra Hildur Eir Bolladóttir
skrifar á Facebook um sígilt um-
ræðuefni í þjóðfélaginu: „Satt best
að segja er ég bara nokkuð hlynnt
aðskilnaði ríkis og
kirkju, það eru
bara nokkur atriði
í okkar samfélagi
sem ég tel að þurfi
að vera fyrir hendi
áður en af fullum
aðskilnaði verður: Í fyrsta lagi þarf
ríkið að greiða niður sálfræðiþjón-
ustu þannig að allir geti farið til sál-
fræðings óháð búsetu og efnahag, í
öðru lagi þarf að koma á laggirnar
sólarhrings sálgæsluþjónustu þann-
ig að hægt sé að hringja út fagfólk
þegar andlát verður, eftirlifendum
að kostnaðarlausu, í þriðja lagi þarf
ríkið að sjá til þess að hjón eigi
möguleika á stuðningi og áheyrn
við brotsjó og skilnað, í fjórða lagi
þarf að eyða öllum biðlistum barna
og ungmenna sem þurfa á geðlækn-
ingum að halda. Ég er sannfærð um
að þetta er hægt ef vilji er fyrir
hendi, þá er líka passlegt að aðskilja
ríki og kirkju.“
Fréttamaðurinn Helgi Seljan
vitnar í samtal sem hann átti við
starfsfélaga sinn Baldvin Þór
Bergsson á Facebook en það var
á þessa leið:
„Ég: Hvernig er
það Baldvin, er
Fjallraven ekki
norskt?
Baldvin: (löng
þögn, sem skyndi-
lega er rofin með því að hann hrist-
ir hausinn, fussar og segir svo: Í
fyrsta lagi segir maður ekki „rei-
ven“ þetta er ekki enska. Maður
segir Reeeeven.“
AF NETINU
gert á Facebook-viðburðinum Flóamarkaður
Hins hússins 7. nóvember.
Flóamarkaðir Hins hússins við Pósthússtræti
hafa notið mikilli vinsælda en á markaðnum
gefst ungu fólki, á aldrinum 16-25 ára kostur á
að selja fatnað, muni og annað úr fórum sínum
en vitaskuld eru kaupendur svo á öllum aldri.
Um næstu helgi, laugardaginn 7. nóvember,
fer markaður fram í kjallara hússins og hefst
kl. 13 og lýkur kl. 17.
Airwaves fléttast inn í þennan skemmtilega
markað og á efri hæð hússins verður off-
venue-dagskrá í gangi.
Mikil ásókn er í sölupláss á markaðnum og
er nú þegar fullbókað á hvert svæði. Áhuga-
samir geta þó skráð sig á biðlista og vonað að
pláss losni í vikunni. Markaðurinn er hins veg-
ar haldinn nokkrum sinnum yfir veturinn svo
að það er um að gera að fylgjast með á Face-
book-síðu Hins hússins og bíða eftir næsta
markaði ef einhver vill fá smá aur í budduna
fyrir dótið sitt. Til að skrá sig á biðlista er það
Það hefur verið hægt að gera afar góð kaup á
flóamarkaðnum, sérstaklega á fatnaði.
Morgunblaðið/Golli
Flóamarkaður unga fólksins í
Hinu húsinu
Vettvangur
Peysa, að öllum líkindum fremur sjaldgæf, er
til sölu á uppboðsvefnum ebay.com. Hún hef-
ur óvenjulega Íslands-tengingu en hún var
útbúin í litlu upplagi og seld í verslun hér-
lendis árið 1986, í tilefni leiðtogafundar Ron-
alds Reagan, forseta Bandaríkjanna og
Mikhaíls Gorbatsjev, leiðtoga Sovétríkjanna í
Höfða þar sem meðal annars var rætt um tak-
mörkun á vígbúnaði ríkjanna.
Seljandinn, bandarískur, segist hafa verið
staddur hér á landi af þessu tilefni, keypt
peysuna en svo aldrei notað og geymt í góðu
plasti svo að hún sé jafnt sem ný að því er
hann staðhæfir. Peysan kostaði á sínum tíma
um 4.500 krónur á verðlagi ársins 1986 en
upphafstilboð í peysuna hljómar upp á 32.000
krónur.
Þeir sem vilja skoða peysuna nánar geta
sett leitarorðin sweater, rare og icelandic í
leitargluggann og þá kemur hún strax upp á
síðunni en peysan er úr ull og í stærð L og er
framleidd af Iceknit.
Gorbatsjov- og Reagan-peysa
Leiðtogafundarpeysan sem er núna til sölu á
ebay.com var framleidd í takmörkuðu upplagi.