Morgunblaðið - Sunnudagur - 01.11.2015, Blaðsíða 32

Þróun í sjónvarpstækni hefur verið nokkuðskýr á síðustu árum og áratugum; myndflöt-urinn verður sífellt betri, dílarnir minni og
minni og litastýring á þeim batnar og batnar. Úr
gamla túbusjónvarpinu fórum við í kristalla og raf-
gas og svo undanfarin ár hafa kristallatæki, LCD,
verið nánast allsráðandi. Næsta bylting í þeim efn-
um er í vændum, á næstu árum munu allir fram-
leiðendur skipta yfir í OLED-tækni, en svo er
annað í gangi sem skipti ekki minna máli og
meira málið reyndar að mörgu leyti, en það er
tölvuvæðing sjónvarpsins.
Með tölvuvæðingu er ekki átt við þá þráhyggju
sjóvarpssmiða að fólk vilji vera að vafra á netinu,
sýsla á samfélagsmiðlum og lesa vefsetur heldur
þá staðreynd að þegar aflmikil tölva er orðin
hluti af sjónvarpinu er hægt að auka myndgæði
eins og sjá má til að mynda á 7600-línu Philips-
sjónvarpstækja, en 55" tækið í þeim flokki var
einmitt valið bestu sjónvarpskaup ársins sjónvarps
af EISA, samtökum
tímarita sem fjalla um
margmiðlunartækni.
Galdurinn er að tölv-
an í tækinu vinnur
myndefnið jafnharðan
og því er streymt á
skjáinn og endurbætir
þannig myndina. Þetta
sést til að mynda vel
ef horft er á mynd það
sem rennt er yfir flæmi
með miklu af smáatriðum, kannski háhýsaröð með
skiltum og merkjum, því 7600-línan skilar miklu
betri og skýrari mynd en ella.
Stýrikerfið í 7600-tækjunum er Android 5.0
(Lollipop) og hægt að uppfæra yfir þráðlaust net,
nú eða yfir netsnúru því á tækinu er Ethernet-
tengi. Að sögn söluaðila verður hægt að uppfæra
í 6.0, Marshmallow, fljótlega eftir að sú útgáfa
kemur í almenna dreifingu.
Android-væðingin gefur náttúrlega meira en
bara aukin myndgæði, því stýring á tækjunum
verður sveigjanlegri og fleiri möguleikar bætast
við þó að notagildið sé ekki alltaf augljóst. Í
Philips 7600-tækjunum er þannig hægt að nota
raddstýringu til að leita, ef maður talar skýra
ensku (það er líka hægt að stafa leitarorðin).
Með alvöru stýrikerfi er líka hægt að gera alvöru
hluti, mun auðveldara að tengjast öðrum tækjum,
til að mynda síma eða spjaldtölu, en líka einfald-
ara að vafra um efni á USB-lykli, nú eða tengj-
ast Dropbox yfir netið og sækja þangað efni ef
vill.
Þeir sem keypt hafa Philips-sjónvarpstæki eða
séð á síðustu árum kannast við Ambilight-
tæknina, en hún byggist á ljóstvistaröð aftan á
tækjunum og lýsa á vegginn aftan við tækið
eftir því sem er að gerast á skjánum. Þetta er
reyndar eitthvað sem best er að sjá til að skilja
hvað er í gangi, en þetta virkar ótrúlega vel.
Líkt og í 8000-sjónvarpslínunni frá Philips, sem
getið var hér fyrir rétt rúmu ári, er hægt að
samstilla Ambilight-baklýsinguna á 7600-tækjunum
við Hue-snjallperur frá Philips, en þá lagar lýs-
ingin, til að mynda í stofunni, sig að því sem
fram fer á skjánum. Í 7600-línunni er ný gerð af
Ambilight, þriðja útgáfa þess kerfis og ljósunum
þannig komið fyrir að þau geta beint ljósinu til
fleiri átta, í stað þess að geta aðeins lýst beint
til hliðar.
Í Philips-tæki sem ég skoðaði í fyrra var hægt
að sækja allskyns hugbúnað úr Google Play-
forritasjoppunni og það þó mörg þeirra væri nán-
ast eða algerlega ónothæf í sjónvarpi, en nú
tengist tækið Google Play sem sjónvarp og fær
því bara upp þau forrit sem sniðin eru fyrir sjón-
varpsskjá. (Þeir sem vilja sækja ónothæf forrit í
tækið geta væntanlega sett apk-skrá á USB-lykil
eða í Dropbox og keyrt þaðan.) Af USB-lyklum
eða hörðum diski, nú eða úr Dropbox, er svo
hægt að spila AVI, MKV og fleiri staðla. 16 GB
gagnapláss er í tækinu en hægt að tengja tækið
við harðan disk og ef hann er nógu stór (250 GB
eða stærri) er hægt að nota hann fyrir forrit líka
og þá hægt að sækja sér leiki á Google play og
þá býsna stóra.
Í gegnum tækið er síðan hægt að streyma
Spotify og eins Google Play-kvikmyndum og tón-
list, en kostar náttúrlega sitt og mis-mikið eftir
því mynd er keypt eða leigð. Mynd sem er keypt
er síðan hægt að horfa á í öllum tækjum þar
sem maður er skráður inn í Google Play-
reikninginn sinn. Gæði á myndunum er nú ekkert
til að hrópa húrra fyrir, því þó að myndgæðin
séu nógu mikil, ef svo má segja, þá vantar nokk-
uð upp á að þau nýti þá gríðarlegu upplausn sem
tækið býður upp á. Það er aftur á móti Google
að kenna, ekki Philips.
Fjarstýringin er ansi vígaleg, ekki síst ef henni
er snúið við því þá kemur í ljós hnappaborð sem
auðveldar eðlilega til muna að slá inn leitarorð til
að mynda. Ofan á fjarstýringunni er svo OK-
hnappur í yfirstærð, en hann má líka nota sem
einskonar músarflot, hægt að fletta til hliðanna
og upp og niður með því að strjúka með fingr-
inum yfir flötinn. Að því sögðu þá er í raun
miklu þægilegra að stýra tækinu með far-
símanum, því hægt er að sækja ókeypis forrit til
þess arna hvort sem maður er með iPhone- eða
Android-síma.
Tækið sem ég skoðaði var 55", Philips
55PUS7600, og kostar 349.995 kr. í Heimilis-
tækjum. Sem stendur fylgir 8" Gigaset-spjaldtölva
og Philips Hue-pakki, tvær perur og stjórnbún-
aður.
* Ekki skortir tengimöguleika; á tækinu eru loftnetstengi,Ethernet-tengi (netsnúru), optical tengi fyrir hljóð og einnig
hliðrænt tengi (V / H), DVI tengi fyrir hljóð, heyrnar-
tólatengi, fjögur HDMI-tengi, SCART-tengi og þrjár USB-
raufar. Já, og svo er innbyggt þráðlaust net. Tækið styður
SimplyShare og Miracast.
* Skjárinn skilar Ultra HD 4K mynd sem er 3.840 x2.160 díla upplausn.
Tækið er annars 122,8 x 70,9 x 2 cm, 76 cm á hæð
með standi. Það er 17,9 kg að þyngd, 18,6 kg með
standinum. Já, og það er þrívíddartæki, styður 3D Max
og tvenn slík gleraugu fylgja.
* Tveir 30 W hátalarar eru á baki og skila góðum styrk,merkilega góðum reyndar þegar litið er til bassa, en áhuga-
samir um hljóð nota væntanlega hvort eð er heimabíómagn-
ara eða ámóta. Tveir DVB-C/T2/S2 móttakarar eru í tækinu
og því hægt að stinga í það tveimur CAM-kortum ef vill.
Einnig er innbyggður gervihnattamóttakari.
Græjan
ÁRNI
MATTHÍASSON
SJÓNVARPIÐ ER TÖLVA
SJÓNVARPSTÆKI VERÐA STÆRRI OG STÆRRI OG ÞYNNRI OG
ÞYNNRI OG SKJÁRINN BETRI OG BETRI, EN ÞAÐ ER LÍKA TALS-
VERT AÐ GERA INNI Í TÆKINU SJÁLFU SEM ERU AÐ VERÐA
ÖFLUGAR TÖLVUR Í BLAND. AUKIN TÖLVUVÆÐING SKILAR SÉR
SVO EKKI BARA Í FLEIRI MÖGULEIKUM Á NETINU HELDUR GERIR
HÚN SITT TIL AÐ AUKA MYNDGÆÐI UMTALSVERT. ÞETTA MÁ
GLÖGGT SJÁ Á NÝJU 55" 4K SJÓNVARPSTÆKI, PHILIPS 55PUS7600,
SEM SAMTÖK TÆKNITÍMARITA VÖLDU KAUP ÁRSINS 2015.
Græjur og tækni
32 MORGUNBLAÐIÐ SUNNUDAGUR 1.11. 2015
Ekki aðeins börnin eru í hrekkja-
vökustuði nú um helgina því leit-
arvélin Google hefur ákveðið að
efna til hrekkjavökuleika. Á leit-
arsíðunni verður hægt að taka
þátt í The Global Candy Cup
2015 um helgina og velja sér nor-
nalið til að spila með.
Google hrekkjavökuvæðist
Minjastofnun Íslands úthlutar styrkjum úr fornminjasjóði.
Hlutverk sjóðsins er að stuðla að varðveislu og rannsóknum á
fornminjum, sbr. reglur nr. 578/2014. Úthlutað er styrkjum til
eftirfarandi verkefna:
 Rannsókna á fornminjum (fornleifum og forngripum)
 Miðlunar upplýsinga um fornminjar
 Varðveislu og viðhalds fornminja
Sjóðnum er jafnframt heimilt að veita styrki til viðhalds annarra
menningarminja sem hafa menningarsögulegt, vísindalegt eða listrænt
gildi, t.d. minja sem njóta ekki friðunar á grundvelli aldurs en teljast
hafa varðveislugildi, svo sem skipa, báta og annarra samgöngutækja.
Umsóknir eru metnar með tilliti til vísindalegs– og menningarsögulegs
gildis og þeirrar stefnu sem mörkuð hefur verið í minjavernd, ásamt
gildi þeirra fyrir varðveislu þjóðararfleifðarinnar.
Umsóknareyðublað og nánari upplýsingar, m.a. úthlutunarreglur, er að
finna á heimasíðu Minjastofnunar Íslands, www.minjastofnun.is.
Umsóknarfrestur er til og með 5. janúar 2016. Umsóknir sem
berast eftir að umsóknarfresti lýkur koma ekki til álita við
úthlutun.
Minjastofnun Íslands hefur eftirlit með að styrkt verkefni séu unnin í
samræmi við lög nr. 80/2012 og reglur stofnunarinnar og í samræmi
við innsend umsóknargögn.
Suðurgötu 39, 101 Reykjavík
Sími: 570 1300
www.minjastofnun.is
fornminjasjodur@minjastofnun.is
Minjastofnun Íslands
auglýsir eftir umsóknum um styrki úr
fornminjasjóði
fyrir árið 2016