Morgunblaðið - 28.05.2016, Side 30
30 UMRÆÐAN
MORGUNBLAÐIÐ LAUGARDAGUR 28. MAÍ 2016
Síðastliðinn fimmtu-
dag skrifar rannsókn-
arblaðamaðurinn
Agnes Bragadóttir all-
langa grein í Morgun-
blaðið um stjórn-
málaaflið Viðreisn. Í
undirfyrirsögn er haft
eftir Grétari Þór Ey-
þórssyni, prófessor í
stjórnmálafræði, að
það „hafi á sér yfir-
bragð félagshyggju og flokkurinn
stilli sér augljóslega upp til vinstri
við Sjálfstæðisflokkinn, við hlið
Samfylkingar“.
Þau Agnes og Grétar fundu
hvorki frjálslyndi né Evrópustefnu
hjá Viðreisn eftir viðamiklar rann-
sóknir. Prófessorinn hefur reyndar
látið hafa það eftir sér að hann hafi
gefið umsögn sína á „hálfgerðum
hlaupum“. Það sé í raun PR-klúður
Viðreisnar að hann hafi ekki kynnt
sér flokkinn eða stefnu hans áður en
greiningin birtist í Morgunblaðinu.
Agnes segir: „Mesta athygli
vekur, þegar hin stutta stefnuskrá
nýstofnaðs stjórnmálaflokks, Við-
reisnar, er lesin, að ekki er minnst
einu orði á nauðsyn þess að Ísland
gangi í Evrópusambandið, né heldur
á nauðsyn þess að leggja krónuna
niður og taka upp evru. Hver skyldi
skýringin vera?“
Síðar er haft eftir Grétari Þór:
„[Hann] benti á að hvergi væri
minnst á frjálslynda stefnu og eins
og hann hefði áður sagt væri ekki
minnst á Evrópumálin.“
Á heimasíðu flokksins eru fjórir
meginpunktar settir í forgrunn und-
ir fyrirsögninni Hvað er Viðreisn?
Nýtt, frjálslynt stjórnmálafl á Ís-
landi. Punktarnir eru:
Réttlátt samfélag: Allir skulu hafa
rétt til góðrar heilbrigðisþjónustu,
menntunar og félagslegrar þjón-
ustu. Lífskjör á Íslandi verði svipuð
og í nágrannalöndum og gróska í
menningarlífi.
Jafnvægi: Stöðugt efnahagslíf og
fjölbreytt atvinnutækifæri. Sköpun
verðmæta með hugviti
og skynsamlegri nýt-
ingu auðlinda til fram-
tíðar. Hallalaus fjárlög
og skuldir ríkisins
lækkaðar.
Viðskiptafrelsi:
Markaðslausnir þar
sem við á, gjaldeyris-
höft felld niður, engar
samkeppnishindranir.
Frelsi, jafnrétti, lýð-
ræði og jafn atkvæðis-
réttur fyrir alla.
Vestræn samvinna:
Þjóðin kjósi strax um hvort ljúka
skuli viðræðum um fulla aðild að
Evrópusambandinu til þess að ná
megi aðildarsamningi sem borinn
verði undir þjóðina.
Á undirsíðum má svo kynna sér
stefnuskrá flokksins í einstökum
málaflokkum. Í efnahagskaflanum
kemur fram; „Gengi krónunnar
verði fest og tekið upp myntráð. Til
lengri tíma skal stefnt að upptöku
evru með stuðningi Seðlabanka
Evrópu.“
Rétt er að halda því til haga að
Grétar skrifar í færslu á Facebook
að orðalagið „við hlið Samfylking-
arinnar [sé] nú viðbót blaðamanns“.
Fyrir lesendur Morgunblaðsins,
sem hafa rýmri tíma en blaðamaður-
inn knái og prófessorinn, er rétt að
benda á að ítarlega stefnu Við-
reisnar má lesa á heimasíðunni
www.vidreisn.is. Einnig má sjá upp-
töku af stofnfundinum á Facebook-
síðu flokksins. Það er útilokað að
menn komist að svipaðri niðurstöðu
og blaðamaður Morgunblaðsins og
viðmælandi hans eftir að hafa kynnt
sér Viðreisn og stefnuna af eigin
raun.
Óvönduð
blaðamennska
Eftir Benedikt
Jóhannesson
Benedikt Jóhannesson
» Þau Agnes og Grétar
fundu hvorki frjáls-
lyndi né Evrópustefnu
hjá Viðreisn eftir viða-
miklar rannsóknir.
Höfundur er formaður Viðreisnar.
Spurningarnar,
hvort Guð sé til og
hvernig hann sé þá,
hafa fylgt mannkyn-
inu frá örófi alda.
Flestir fæðast inn í
eitthvert trúar-
samhengi og halda
trú forfeðra sinna.
Aðrir leita á önnur
mið og reyna að leysa
gátuna um Guð upp á
eigin spýtur. Eitt er víst að til þess
að trú verði sterk og persónuleg
hlýtur að þurfa að fylgja einhver
trúarreynsla sem staðfestir fyrir
viðkomandi að það sé eitthvað
meira á bak við trúna en orðin tóm.
Helsta gagnrýni sem ég hef
fengið á framboð mitt til forseta er
að ég sé trúuð og leiti ráða hjá
Guði. Það þykir alls ekki nógu gott.
En hvað ef Guð væri til og væri
eins og Biblían lýsir honum, ein-
hver sem hlustar og talar, er alvit-
ur, almáttugur og kærleiksríkur
faðir sem lætur sér annt um vel-
ferð og líðan fólks, hvernig sneri
málið þá? Væri þá ekki betra að
hafa hann í liði, svona eins og bak-
hjarl sem hægt væri að leita til,
sem er alltaf á vakt og bregst aldr-
ei? Væri maður þá ekki sterkari
heldur en ef maður
stæði einn með sína
takmörkuðu vitneskju
og sýn á málin? Jú, við
hljótum að vera sam-
mála um að ef Guð er
til þá er miklu betra að
hafa hann í liði, ekki
síður í embætti for-
seta.
Ég naut þeirra for-
réttinda að vera alin
upp í kristinni trú
þannig að ég hafði
grundvöll til að standa
á þegar vindar lífsins
fóru að blása. Ég þurfti samt sem
áður að velja fyrir mig, hvort ég
ætlaði að fylgja Guði eða ekki. Sem
betur fer hafði ég vit til þess um
fermingaraldur. Það var svo ekki
fyrr en í mjög svo ævintýralegri
hnattferð fyrir 30 árum að verulega
reyndi á trúna. Í gegnum reynslu
af ýmsum toga getur ekkert lengur
haggað þeirri fullvissu minni að
Guð er til og að hann er persónu-
legur, kærleiksríkur, máttugur og
er alltaf til staðar þegar ég þarf á
hjálp hans að halda og leita til
hans. Ég spyr því, er það styrkleiki
eða veikleiki að leita visku og ráða
hjá Guði? Fyrir mér er það mikill
styrkur að hafa þann möguleika
sem forseti, því starfið getur oft á
tíðum verið margslungið og því
mikilvægt að hafa góða ráðgjafa.
Eitt af mínum uppáhaldsversum
úr Biblíunni sem ég trúi að eigi er-
indi við íslenska þjóð í dag er í Je-
remía 6.16: Nemið staðar við veg-
ina og litist um, spyrjið um gömlu
göturnar, hver sé hamingjuleiðin
og farið hana svo þér finnið sálum
yðar hvíld.
Við sem þjóð höfum leitað langt
yfir skammt. Gamla góða trúin sem
forfeður okkar höfðu og hefur mót-
að samfélag okkar fram á þennan
dag er eins og vandlega falinn fjár-
sjóður sem þó er enn í fullu gildi
og stendur öllum til boða. Ég veit
ekkert betra fyrir íslenska þjóð en
þennan fjársjóð sem veitir frið í
sálina. Þarna eru rætur okkar,
gömlu göturnar sem vísa okkur
hamingjuleiðina. Sem forseti mun
ég leggja mitt af mörkum til að
þessi dýrmæti fjársjóður verði
grafinn upp og að þjóðin fái að
njóta hans.
Hvað ef Guð væri til?
Eftir Guðrúnu
Margréti
Pálsdóttur
Guðrún Margrét
Pálsdóttir
» Væri þá ekki betra
að hafa hann í liði,
svona eins og bakhjarl
sem hægt væri að leita
til, sem er alltaf á vakt
og bregst aldrei?
Höfundur er hjúkrunarfræðingur og
forsetaframbjóðandi.
Vegna mikillar sölu vantar okkur
fasteignir á höfuðborgarsvæðinu,
á söluskrá.
Ef þú ert í söluhugleiðingum,
endilega hafðu samband sem fyrst, í
síma 5334200 eða : arsalir@arsalir.is
Ef þú vilt selja, kaupa eða leigja fasteign,
hafðu samband í síma 533-4200
eða arsalir@arsalir.is
Ágæti fasteigna
eigandi !
Björgvin Björgvinsson,
löggiltur fasteignasali
Örugg og traust þjónusta í
fasteignaviðskiptum í áratugi.
Laugavegi 7 | 101 Reykjavík | Sími: 551 3033 Flottir
í fötum
Frábært úrval af herrafatnaði fyrir útskriftina
frá BERTONI & CARL GROSS
Fyrir nokkrum ár-
um leyfði ég mér að
benda á hversu nauð-
synlegt það væri að
koma upp fjölbreyttu
afþreyingarsvæði fyr-
ir börn í borginni og
benti á í því sambandi
hversu heppilegt
Nauthólsvíkursvæðið
væri til þess.
Í Nauthólsvík er að
vísu viss aðstaða fyrir börn og
unglinga, en þar mætti koma upp
mun fjölbreyttara fjölskyldusvæði
til leikja og útiveru sem næði að
Öskjuhlíð.
Jafnframt benti ég á að
Húsdýragarðurinn þyrfti nauðsyn-
lega á enduruppbyggingu að halda
þar sem margt á svæðinu væri
orðið hálflaskað, leiktæki sem ann-
að.
Úr þessu var bætt nokkru síðar,
en sl. sumar sýnist mér ástandið
hafa dalað á ný. Sem fyrr er að-
staða fyrir dýrin til fyrirmyndar í
garðinum og viðmót starfsfólks
mjög gott. Mikilvægt
er að börn geti
kynnst dýrum og um-
hverfi þeirra þar sem
borgarbörn komast
lítið í sveit núorðið.
Fyrri hluta sl. sum-
ars fór ég í nokkur
skipti með átta ára
sonardóttur mína í
garðinn eins og svo
oft áður. Fiskasafnið
var lokað, var reynd-
ar orðið til vansa sem
og tæki sem þar voru.
Ég efast ekki um að sjáv-
arútvegsfyrirtæki væru tilbúin að
styrkja þarna uppbyggingu á
fiskasafni og fleiru.
Sum tækin í garðinum voru ekki
í umferð, t.d. vatnabátar og fleira,
og önnur tæki inni á milli að sjá
heldur þreytt, a.m.k. í útliti. Úti-
grillin hefðu mátt vera betur þrif-
in og tjarnirnar hreinni.
Mér heyrðist að bætt hefði verið
úr þessum þáttum nokkru síðar að
hluta og vonandi verður ástandið
varðandi þessa þætti gott í sumar
og áfram.
Ég held að það hljóti að vera
metnaðarmál hjá borginni hverju
sinni, þ.e. eins og til var stofnað í
upphafi, að hafa þarna glæsilegt
útivistar- og afþreyingarsvæði
með fjölbreyttu tækjavali fyrir
börn.
Segja má að þetta sé eina úti-
vistarsvæðið með afþreyingu fyrir
börn í borginni, þ.e. fyrir utan
sund- og íþróttasvæði.
Hópur fólks sækir garðinn heim
með börn og unglinga, jafnt inn-
lendir sem erlendir aðilar.
Það er nokkuð dýrt fyrir barna-
fjölskyldur að fara í garðinn, t.d.
mega ekki aðrir en foreldrar
fylgja barni inn á svæðið með
fjölskyldukort/árskort, ekki ömm-
ur og afar sem gjarnan fylgja
börnum í garðinn meðan foreldr-
arnir vinna.
Það er talað um, a.m.k. í hátíð-
arræðum, hversu nauðsynlegt það
sé að börn og foreldrar/fjölskyldur
haldi hópinn til leikja og sam-
verustunda.
Þarna er upplagður staður til
þess með bættum tækjakosti o.fl.
Ég treysti borgaryfirvöldum til
að koma þarna myndarlega að
verki þannig að garðurinn verði
áhugaverður fyrir börn sem fyrr.
Sem fyrr hafa margir áhuga á
að komið verði upp víðtæku
barna- og unglingasvæði við Naut-
hólsvík, alla vega yfir sumartím-
ann þegar vantar afþreying-
arsvæði til leikja.
Svæðið er kjörið til þess þar
sem það er mjög aðgengilegt með
frábærum göngu- og hjólastígum
og bílastæðum.
Þar mætti jafnframt koma upp
flugvéla- og tæknisafni sem ungir
sem eldri hefðu gaman af að
skoða.
Þess skal getið í lokin að margir
leikvellir hafa verið aflagðir í
borginni á undanförnum árum,
þvert á það sem sumir borg-
arfulltrúar töluðu um í kosninga-
baráttunni 2006.
Töluðu um að gera leiksvæði
barna í borginni til jafns við þau
bestu í Evrópu. Mér sýnist að eitt-
hvað hafi gleymst í þeim áformum.
Bæta þarf leik- og útivistar-
svæði fyrir börn í borginni
Eftir Ómar G.
Jónsson »Ég treysti borgaryf-
irvöldum til að koma
þarna myndarlega að
verki.
Ómar G. Jónsson
Höfundur er fulltr./adst. og
talsmaður sjálfstæða framfara-
hópsins fyrir betri borg.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Að senda grein
Kerfið er aðgengilegt undir Morgunblaðslógóinu efst í hægra horni forsíðu
mbl.is. Nánari upplýsingar veitir starfsfólk Morgunblaðsins alla virka daga í
síma 569-1100 frá kl. 8-18.