Orð og tunga - 01.06.2002, Qupperneq 9

Formáli ritstjóra
Orða og tunga kemur nú út í sjötta sinn. Síðasta hefti kom út í árslok 2001. Ritinu
er ekki ætlað að vera ársrit heldur kemur það út eftir því sem efni safnast og tilefni
gefast til. Þrjú af áður útgefnum heftum hafa verið ráðstefnurit, tvö með greinum um
ýmis efni er tengjast orðfræði og orðabókafræði.
Að þessu sinni verða í ritinu átta greinar. Allar snerta þær orðfræði eða orðabóka-
fræði á einn eða annan hátt. Tvær tengjast orðabókum og orðabókagerð. Guðrún Kvaran
kynnir hugmynd Jóns Ófeigssonar að lýsingu „stórra orða" í orðabók Sigfúsar Blöndals
og hún skrifar einnig um einn kafla í vasabókum Björns M. Ólsens og staðbundinn
orðaforða. Fjórar greinar fjalla um orðfræði og orðsifjar. Jón Axel Harðarson skrifar
greinina Fáránn rœingur mælti rán og regin, Jónína Hafsteinsdóttir fjallar um sérkenni
skaftfellskra örnefna, Stefán Karlsson um lýsingarorðin fagrlegr, farlegr, fallegr og
Veturliði Óskarsson veltir fyrir sér orðunum fóviti, fóveti og fógeti. Margrét Jónsdóttir
skrifar síðan um sagnirnar virka og verka.
Eiríkur Rögnvaldsson, Auður Þórunn Rögnvaldsdóttir, Kristín Bjarnadóttir og
Sigrún Helgadóttir skrifa saman grein um vélræna málfræðigreiningu með námfús-
um markara en þau fengu styrk úr Tungutæknisjóði til þess að vinna slíkt verkefni.
Allur undirbúningur undir prentun Orðs og tungu fór fram á Orðabók Háskólans
og var það verk í höndum Bessa Aðalsteinssonar. Háskólaútgáfan annaðist prentun og
dreifingu.
vii
Guðrún Kvaran