Morgunblaðið - 23.07.2016, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 23. JÚLÍ 2016
Jóhannes Tómasson
johannes@mbl.is
Barnahátíðin Kátt á Klambra verð-
ur haldin í fyrsta sinn á Klambra-
túni á morgun frá klukkan 2 til 5.
Hátíðin er ókeypis og er hún ætluð
börnum á öllum aldri og fjölskyldu
þeirra.
Morgunblaðið ræddi við Valdísi
Helgu Þorgeirsdóttir, sem skipu-
leggur hátíðina ásamt Jónu El-
ísabetu Ottesen, í gær.
Afslöppuð og skemmtileg
barnahátíð
„Jóna Elísabet fékk þessa hug-
mynd þegar hún var með stelpuna
sína á Secret Solstice í fyrra á
sunnudegi. Það voru mörg börn á
svæðinu að leika sér, reggae-tónlist
í gangi og bara góð stemning. Þá
fékk hún þá hugmynd að það væri
gaman að útfæra eitthvað svipað
sérstaklega fyrir börn. Síðan hafði
hún samband við mig síðasta haust
og við ákváðum að gera þetta saman
tvær,“ sagði Valdís Helga. Hún
sagði að markmið hátíðarinnar væri
að hafa afslappaða og skemmtilega
barnahátíð fyrir alla fjölskylduna.
Á dagskrá er fjöldi viðburða og
mun Friðrik Dór meðal annars stíga
á svið. Einnig verður boðið upp á
kennslu í ungbarnanuddi, barna-
jóga, húllasýningu, barnadiskó, and-
litsmálningu og sögustund ásamt
ýmsum fleiri uppákomum.
Listasmiðja á Kjarvalsstöðum
Jóna og Valdís fengu styrk frá
hverfisráði Reykjavíkurborgar til
þess að halda hátíðina og hefur þeim
þannig tekist að fjármagna hana.
Hátíðin er í samstarfi með Kjarvals-
stöðum og verður listasmiðja á safn-
inu. „Listasmiðjan heitir Náttúra og
vegglist og fer fram á Kjarvals-
stöðum. Það verður gengið með
börnin í gegnum safnið til þess að
kynna þeim verkin hans Jóhannesar
Kjarvals. Síðan nota þau verkin
hans og náttúruna sem innblástur
þegar þau mála,“ sagði Valdís Helga
við Morgunblaðið í gær. „Við erum í
fullu samstarfi með Kjarvalsstöðum
og það verður tilboð á kaffihúsi
safnsins í tilefni dagsins.“
Reist verða þrjú indíánatjöld á
svæðinu þar sem meðal annars er
boðið upp á kennslu í ung-
barnanuddi fyrir foreldra og sögu-
stund með börnunum. Á svæðinu er
ljósmyndabás þar sem hægt er að
láta taka mynd af sér í búningum og
með alls kyns dýragrímur. „Það
verður grímugerð þar sem krakkar
geta búið sér til grímur,“ sagði Val-
dís.
Valdís telur það líklegt að há-
tíðin verði haldin aftur á næsta ári.
„Við höfum fengið mjög góð við-
brögð við Facebook-viðburðinum
þannig að ég sé ekki fram á annað
en að við munum gera þetta aftur.“
Karnivalstemning
á Klambratúni
Morgunblaðið/Freyja Gylfa
Klambratún Jóna Elísabet Ottesen og Valdís Helga Þorgeirsdóttir skipuleggja skemmtunina á Klambratúni.
 Friðrik Dór tekur lagið á barnahátíðinni Kátt á Klambra
Viðar Guðjónsson
vidar@mbl.is
Það sem af er ári hafa verið færri
útköll hjá Slysavarnafélaginu
Landsbjörg en síðustu tvö ár.
Fjölgun ferðamanna hefur ekki
haldist í hendur við fleiri útköll líkt
og við mætti búast. „Tölfræði okkar
sýnir það,“ segir Guðbrandur Örn
Arnarson, björgunarsveitarmaður
hjá Landsbjörg.
„Tíðin er búin að vera tiltölulega
róleg frá áramótum þó að inni á
milli komi gusur,“ segir Guð-
brandur og bætir við: „Það er mest
álag á stöðum þar sem saman fer
fámenni og mikill fjöldi ferðamanna,
t.a.m. svæðið á milli Kirkjubæjar-
klausturs Hornafjarðar. Þar eru
talsvert alvarlegir atburðir sem
eiga sér stað en að sama skapi þarf
að fara langar vegalengdir. Þar er
engum til að dreifa nema heima-
mönnum sem eru viðbragðsaðilar á
Höfn og Klaustri,“ segir Guð-
brandur en bætir við að álagið í
heild sé ekki mikið.
Forvarnir hafa skilað miklu
Þakkar hann færri útköll vegna
erlendra ferðamanna bættum upp-
lýsingum til þeirra. „Við höfum ver-
ið mjög virk í forvörnum og notum
margar leiðir til þess að tala við
ferðamenn. Við erum með um 60
upplýsingaskjái víða um land auk
þess sem við notum netið og bækl-
inga til þess að koma upplýsingum
á framfæri. Svo erum við með
mannaða upplýsingamiðstöð í
miðbæ Reykjavíkur. Eins eru upp-
lýsingarmiðstöðvar víða um land.
Þá leggjum við mikla áherslu á að
setja upp skilti,“ segir Guðbrandur.
Hann segir að Íslendingar séu í
miklum meirihluta þeirra sem þurfi
að sinna. „Það er helst að við þurf-
um að hjálpa erlendu ferðamönn-
unum á vorin og á haustin þegar
vetrarfærðin byrjar. Þess á milli
eru þetta að mestu leyti Íslend-
ingar. En svo má ekki gleyma því
að hálendisvaktin tekur á sig mikið
af því álagi sem myndi lenda á
björgunarsveitunum öðru jöfnu.“
Öll útköll björgunarsveita
400
350
300
250
200
150
100
50
0
Jan JúníFeb JúlíMar ÁgústApr Sept NóvMaí Okt Des
2013 2014 2015 Meðaltal 2001-2012
Fleiri ferðamenn
en færri útköll
Útköll björgunarsveita
» Björgunarsveitir hafa farið í
færri útköll en undanfarin ár.
» Íslendingar eru í miklum
meirihluta þeirra sem þarf að
sinna.
» Tíðni útkalla hefur ekki hald-
ist í hendur við aukinn ferða-
mannafjölda.
» Hálendisvakt að Fjallabaki, á
Sprengisandi og norðan Vatna-
jökuls hefur tekist vel.
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Taktu
bílinn með
til Færeyja og Danmerkur 2016
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500
Bókaðu
snemma til aðtryggja þér pláss.Þegar orðið fullt ísumar ferðir
í sumar.
Bókaðu
núna!
Sigríður Eyþórsdóttir,
leikstjóri og kennari,
andaðist á Landspít-
alanum í gærmorgun,
22. júlí, á 76. aldursári.
Sigríður var fædd í
Torfabæ í Selvogi 21.
ágúst 1940, dóttir
hjónanna Bergljótar
Guðmundsdóttur kenn-
ara og Eyþórs Þórð-
arsonar bónda. Hún var
áður gift Jóni Laxdal
Arnalds og eru börn
þeirra Eyþór og Berg-
ljót.
Að loknu leiklistar-
námi stundaði Sigríður leiklistar-
kennslu og leikstjórn víða, auk þess
sem hún sá um barna- og unglinga-
þætti í Ríkisútvarpinu.
Sigríður starfaði sem leikkona og
lék í fjölmörgum leikritum. Um ára-
tugaskeið kenndi hún börnum og ung-
lingum leiklist og leikræna tjáningu á
námskeiðum og í uppsetningu á leik-
verkum.
Þá stofnaði Sigríður
leikhópinn Perluna árið
1982 og hefur hann
starfað samfleytt í 33 ár
og hefur Perlan sett upp
fjölda leikrita og flutt
leiksýningar víða um
heim. Sigríður stjórnaði
Perlunni alla tíð og tók
virkan þátt í alþjóða-
starfi Very Special Arts
frá 1990, nú VSA í John
F. Kennedy Center.
Hún flutti fyrirlestra
víða um heim þar sem
fjallað var um frum-
herjastarf Perlunnar á
Íslandi. Fyrir störf sín hlaut Sigríður
margvíslegar viðurkenningar, bæði er-
lendis og hérlendis. Hún fékk ridd-
arakross fálkaorðunnar árið 1997.
Auk Perlunnar stofnaði Sigríður
ýmsa leikhópa svo sem með áhuga-
fólki, eldri borgurum og unglingum.
Hún var kirkjuvörður í Strandarkirkju
í Selvogi um áratugaskeið fram á síð-
asta ár.
Andlát
Sigríður Eyþórsdóttir