Morgunblaðið - 23.07.2016, Page 46
46 MENNING
MORGUNBLAÐIÐ LAUGARDAGUR 23. JÚLÍ 2016
Laufey Rún Ketilsdóttir
laufey@mbl.is
„Ég er kominn heim aftur og farinn
að gera það sem er náskylt við það
sem ég gerði í gamla daga,“ segir Sig-
urður Örlygsson myndlistarmaður,
sem opnar myndlistarsýningarnar
Málaðar klippimyndir annars vegar í
Gallerí Gróttu á Seltjarnarnesi 28.
júlí og hins vegar í Listhúsi Ófeigs 29.
júlí en báðar hefjast þær kl. 17.
„Sýningarnar kallast á en það eru
sömu formin sem koma fyrir í mynd-
unum á báðum stöðum og myndirnar
eru sömu stærðar í hvoru galleríi,“
segir Sigurður en þrettán verk verða
til sýnis í Gróttu en tólf myndir í List-
húsinu.
Heldur upp á sjötugsafmælið
„Ég er að verða sjötugur og þá
verður maður að gera eitthvað,“ segir
Sigurður léttur í bragði, en hann hafi
langað til að halda upp á tímamótin
með myndlistarsýningu. Hann hefur
áður haldið upp á merk tímamót í lífi
sínu með sýningum, en þegar hann
varð fimmtugur bauð hann upp á yf-
irlitssýningu í Gerðarsafni og þegar
hann fyllti sextíu árin hélt hann sýn-
ingu í Listhúsi Ófeigs.
Sigurður hefur málað frá unga
aldri og eru 45 ár síðan hann hélt sína
fyrstu myndlistarsýningu. Innblást-
urinn að sýningunni nú eru einmitt
fyrri verk frá því fyrir um fjörutíu ár-
um. „Ég er búinn að fara í langt
ferðalag en er aftur kominn heim.“
Sigurður hefur farið um víðan völl í
listsköpun sinni í gegnum árin en
myndirnar eru ávallt geometrískar.
„Það eru bara stærðfræðilegar upp-
setningar á formum og svo vel ég lit-
ina meira eftir tilfinningum,“ segir
hann en arkitektúr hefur ávallt vakið
mikinn áhuga hjá honum og því lýsir
hann myndunum einnig sem arkitek-
tónískum. Hann fór þó oft í aðrar átt-
ir í listinni og á tímabili málaði hann
fígúratífar myndir og um aldamótin
málaði hann einnig myndir af fjöl-
skyldu sinni.
Klippimyndir í sterkum litum
Myndirnar á sýningunni eru klippi-
myndir sem Sigurður svo málar. „Ég
bý til skapalón og stækka þau upp og
mála svo eftir skapalónunum,“ segir
hann en litirnir eru óblandaðir, til
dæmis hreinn rauður, gulur og blár
en hann notast ekki við svartan,
hvítan eða gráan. „Ég hef kannski
orðið svona glaðari í litunum með ár-
unum,“ segir Sigurður en hann
spenni litina mjög hátt en þá verði
þeir sterkari.
Verkin í Gallerí Gróttu eru stærri
en þau sem finna má í Listhúsi Ófeigs
eða um 2 fm. „Ég hugsaði það þannig
að allar myndirnar eru jafn stórar í
hvorum sal og það eru sömu formin
sem koma aftur og aftur,“ segir hann
en um sé að ræða innsetningu.
Spenna og streita fylgir opnun
Sigurður hefur haft þann háttinn á
í gegnum tíðina að búa á vinnustofu
sinni. „Ég vinn á öllum tímum og er
alltaf að kíkja á myndirnar,“ segir
hann en ekki myndi ganga að vinna
einungis frá kl. 8-17 á daginn. „Ég hef
það þannig að ég get horft á sjón-
varpið og svo lít ég til vinstri og þá sé
ég myndirnar mínar.
Ég er svo spenntur að sjá þetta í
heild sinni en þegar ég er á vinnustof-
unni þá sé ég bara eina og eina,“ segir
Sigurður, aðspurður hvernig sé að
leggja lokahönd á sýningarnar tvær
og opinbera verkin. Heildarmynd
sýningarinnar breytist alltaf eitthvað
þegar farið er að hengja verkin upp í
galleríinu.
„En það er ofboðsleg streita í
kringum þetta,“ bætir hann við en
hann sé að setja saman efnisskrá fyr-
ir sýningarnar en það sé þó gott að
eiga góða að í verkefni eins og þessu
þar sem strákarnir sínir hjálpi mikið
til.
Aftur að upphafinu
Sigurður Örlygsson myndlistarmaður opnar mynd-
listarsýningarnar Málaðar klippimyndir 28. og 29. júlí
Morgunblaðið/Ófeigur
Tímamót Sigurður Örlygsson myndlistarmaður fagnar sjötugsafmæli sínu með tveimur myndlistarsýningum í lok
júlí. Hann segist vera kominn aftur heim en verkunum svipar til þeirra sem hann málaði við upphaf ferils síns.
Málaðar klippimyndir Sýningarnar kallast á en sömu formin koma fyrir í
myndunum á báðum stöðum og þær eru sömu stærðar í hvoru galleríi.
Tónlistarmaðurinn Brent Knopf
spilar í Gym & Tonic á KEX Hos-
tel í kvöld klukkan 21:00.
Brent Knopf kemur fram undir
nafninu Ramona Falls og hefur
hann gefið út tvær breiðskífur
undir því nafni.
Hann hefur komið víða við en
Brent var áður í Menomena sem
hann stofnaði árið 2000 og er
sömuleiðis helmingur tvíeykisins
El Vy ásamt Matt Berninger úr
The National. Brent er í stuttu
stoppi hér á landi og langaði hann
að taka stutta ókeypis tónleika
hér á Íslandi að eigin sögn og
gefst gestum og gangandi því ein-
stakt tækifæri til að kynnast tón-
listarmanninum og njóta verka
hans.
Brent var að ljúka við sína
þriðju breiðskífu sem kemur út á
næstu mánuðum hjá útgáfufélag-
inu Barsuk í Bandaríkjunum en
meðal þess sem útgáfan hefur gef-
ið út eru breiðskífur Death Cab
For Cutie, Phantogram, Nada Surf
o.fl. mæts tónlistarfólks.
Tónlist Brent Knopf kemur fram und-
ir nafninu Ramona Falls.
Brent Knopf spilar á KEX Hostel í kvöld
Lettneski organistinn Ligita Sneibe
er gestalistamaður Orgelsumarsins
í Hallgrímskirkju um helgina. Á
efnisskrá helgarinnar er fjöldinn
allur af sænskum og lettneskum
orgelverkum sem forvitnilegt verð-
ur að kynnast, þar á meðal tvö sem
fjalla um sólina. Pastorales for a
Summer Flute eftir Imants Zemz-
aris lýsir gangi sólarinnar á sum-
ardegi og Solkraft eftir Håkan
Sundin fjallar um lífið, hlýjuna og
ljósið sem sólin færir jarðarbúum.
Sannarlega við hæfi á íslensku org-
elhásumri.
Ligita Sneibe er búsett í Svíþjóð
þar sem hún starfar bæði sem kon-
sert- og kirkjuorganisti. Hún lærði
orgelleik við Lettneska tónlistar-
háskólann og Sænska tónlistar-
háskólann í Piteå og hefur sinnt
kennslu í báðum löndum. Hún hefur
unnið til verðlauna fyrir leik sinn,
meðal annars fyrir túlkun sína á
verkum Messiaëns, og ferðast um
Evrópu og Japan þar sem hún hefur
haldið tónleika.
Efnisskrá Ligitu prýða einnig sí-
gild og glæsileg orgelvek. Má þar
nefna Fantasíu og fúgu í g-moll og
Tokkötu og fúgu í F-dúr eftir J.S.
Bach, kafla úr hinu þekkta orgel-
verki Fæðingu frelsarans eftir
Messiaen og Prelúdíu og fúgu um
BACH eftir Liszt.
Lettneskir orgeltónar frá Svíþjóð
Orgel Ligita Sneibe spilar í
Hallgrímskirkju um helgina.
Söfn • Setur • Sýningar
Þjóð verður til – Menning og samfélag í 1200 ár
grunnsýning Þjóðminjasafnsins
Með kveðju – Myndheimur íslenskra póstkorta í Myndasal
Dálítill sjór – Ljósmyndir Kristínar Bogadóttur á Vegg
Hvað er svona merkilegt við það? Störf kvenna í 100 ár í Bogasal
Bláklædda konan - Ný rannsókn á fornu kumli í Horni
Norðrið í norðrinu á 3. hæð
Safnbúð fjölbreytt úrval gjafavöru
Kaffitár ljúfar veitingar í fallegu umhverfi
LISTASAFN ÍSLANDS
BERLINDE DE BRUYCKERE 21.5 - 4.9.2016
LJÓSMÁLUN – LJÓSMYNDIN OG MÁLVERKIÐ Í SAMTÍMANUM 7.5 - 11.9.2016
UDSTILLING AF ISLANDSK KUNST
UPPHAF KYNNINGAR Á ÍSLENSKRI MYNDLIST Í KAUPMANNAHÖFN
21.1 - 11.9 2016
PABLO PICASSO Í SAFNEIGN LISTASAFNS ÍSLANDS;
JACQUELINE MEÐ GULAN BORÐA (1962) 21.7. 2015 - 11.9. 2016
HRYNJANDI HVERA 17.6 - 11.9 2016
Gagnvirk videó-innsetning eftir Sigrúnu Harðardóttur
Leiðsagnir á ensku alla þriðjudaga og föstudaga kl. 12:10
SAFNBÚÐ - Listrænar gjafavörur • KAFFISTOFA - Ljúffengar veitingar
Fríkirkjuvegi 7, 101 Reykjavík, sími 515 9600, www.listasafn.is. Opið daglega í sumar kl. 10-17
LISTASAFN SIGURJÓNS ÓLAFSSONAR
GYÐJUR 5.2. - 4.9.2016
Opið alla daga kl. 14-17, lokað mánudaga. Laugarnestanga 70, sími 553 2906, www.lso.is
KAFFISTOFA heimabakaðar kökur - Sumartónleikar næsta þriðjudagskvöld kl. 20:30
SAFN ÁSGRÍMS JÓNSSONAR
UNDIR BERUM HIMNI - MEÐ SUÐURSTRÖNDINNI 5.2.-16.9.2016
Opið þriðjudaga, fimmtudaga og sunnudaga kl. 14-17.
Bergstaðastræti 74, sími 561 9616, www.listasafn.is
Sýningin Sjónarhorn Ferðalag um íslenskan myndheim fyrr og nú
Jónsbók, kirkjulist, skjöl, samtímalist, alþýðulist, plötuumslög,
ljósmyndir, landakort, vaxmynd og margt fleira
Geirfugl †Pinguinus impennis Aldauði tegundar – Síðustu sýnin
Fræðslurými og skemmtilegt fræðsluefni fyrir alla fjölskylduna.
Safnbúð Bækur og gjafavörur í úrvali
Kaffitár nú einnig í Safnahúsinu
Safnahúsið er hluti af Þjóðminjasafni Íslands
ÞJÓÐMINJASAFN ÍSLANDS
Þjóðminjasafn Íslands, Suðurgötu 41, s. 530 2200,
www.thodminjasafn.is • www.facebook.com/thjodminjasafn
Opið daglega frá kl. 10-17.
Listasafn Reykjanesbæjar
MANNFÉLAGIÐ
4. júní – 21. ágúst
ÍSLENSK NÁTTÚRA, verk úr safneign
15. janúar – 21. ágúst
Byggðasafn Reykjanesbæjar
ÞYRPING VERÐUR AÐ ÞORPI
SÖGUR ÚR BÆNUM
Bátasafn Gríms Karlssonar
Opið alla daga 12.00-17.00
Duusmuseum.is
DUUS SAFNAHÚS
DUUS MUSEUM
Hverfisgötu 15, 101 Reykjavík s: 530 2210
www.safnahusid.is Sýningin opin daglega frá 10-17
Kaffitár opið mánudaga til föstudaga frá 8-17, 10-17 um helgar
SAFNAHÚSIÐ VIÐ HVERFISGÖTU
Opið kl. 12-17. Lokað mánud.
Verslunin Kraum í anddyri
Garðatorg 1, Garðabær
www.honnunarsafn.is