Morgunblaðið - 01.10.2016, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 1. OKTÓBER 2016
Funahöfði 1 | 110 Reykjavík | Sími 567 4840 | www.bilo.is | bilo@bilo.is
AUDI A6 2.0 TDI S-LINE
nýskr. 08/2014, ekinn 16 Þ.km, diesel, sjálfskiptur,
S-line innan og utan.VERÐ AÐEINS 6.990.000
Raðnr. 254356
M.BENZ G 350 CDI BLUETEC nýskr. 9/2014,
ekinn 39 Þ.km, dísel, sjálfskiptur (7 gíra). Mjög vel
búinn aukahlutum og lítur út sem nýr!
Verð 21.900.000 kr. Raðnr. 254866
M.BENZ C 220d AVANTGARDE nýskr.
09/2015, ekinn 8 þkm, 170 hö diesel, sjálfskiptur
(7 gíra). VERÐ AÐEINS 6.990.000 kr.
Raðnr.255217
M.BENZ E 200 BLUETEC AVANTGARDE
nýskr. 03/2015, ekinn 19 Þ.km, dísel, sjálfskiptur
(7 gíra). Verð 6.690.000 kr.
TILBOÐ AÐEINS 5.999.000 kr. stgr. Raðnr. 255421
RENAULT MASTER DCI100 L2H2
nýskr. 2013, 4 stk. eknir 44-54 Þ.km, dísel, 6 gíra.
Verð frá 2.999.000 kr.+ vsk.
Raðnr. 255424
Þú finnur bílinn á bilo.is Auglýstir bílar eru á staðnum Skráðu bílinn á bilo.is
FRÉTTASKÝRING
Agnes Bragadóttir
agnes@mbl.is
Enn virðist allt í járnum með það
hvor þeirra Sigmundar Davíðs Gunn-
laugssonar, formanns Framsóknar-
flokksins, og Sigurðar Inga Jóhanns-
sonar, varaformanns Framsóknar-
flokksins og forsætisráðherra, verður
kjörinn formaður flokksins á flokks-
þingi Framsóknarflokksins á morgun
og deilur milli fylkinga hafa bara
harðnað undanfarna daga.
Af samtölum við framsóknarfólk út
um land allt í vikunni, svo og þing-
menn flokksins og fyrrverandi áhrifa-
menn í Framsóknarflokknum, er ekki
hægt að draga aðra ályktun en þá, að
líklega verði mjótt á munum í for-
mannskjörinu, og framsóknarfólk
veðjar ýmist á Sigmund Davíð eða
Sigurð Inga.
Flokksþingið stendur í dag og á
morgun í Háskólabíó. Líkt og fram
hefur komið hér í Morgunblaðinu,
eiga um 1.000 framsóknarmenn rétt
til setu á flokksþinginu, sem verður
sett kl. 9.30 í dag.
Kl. 11 flytur Sigmundur Davíð
Gunnlaugsson yfirlitsræðu sína sem
formaður flokksins og í kjölfar ræðu
hans verða almennar umræður.
Kl. 16 hefjast nefndastörf og verð-
ur unnið í málefnahópum fram á
kvöld, samkvæmt dagskrá á heima-
síðu Framsóknarflokksins.
Líkt og að framan segir verður for-
mannskjör kl. 11.30 í fyrramálið og
síðan verða varaformaður, ritari,
laganefnd og siðanefnd kosin. Þingslit
eru áætluð kl. 17.30.
Mikill stuðningur við Lilju
Flestir þeir sem rætt hefur verið
við virðast því fylgjandi að Lilja Dögg
Alfreðsdóttir utanríkisráðherra verði
kjörin varaformaður flokksins, og þá
er slík afstaða ekki bundin við það
hvort framsóknarmenn styðja Sig-
mund Davíð eða Sigurð Inga til for-
manns. Eygló Harðardóttir, félags-
og húsnæðismálaráðherra, hefur
ákveðið að sækjast eftir varafor-
mennsku í flokknum, verði Sigurður
Ingi kjörinn formaður.
Lilja Dögg sagði í samtali við
Morgunblaðið að hún væri ekki búin
að gera upp hug sinn til þess hvort
hún býður sig fram í varaformanns-
sætið. „Það eru miklar líkur á því að
ég bjóði mig fram í varaformanninn.
Ég hef verið að leita eftir stuðningi
þessa dagana, en á eftir að taka end-
anlega ákvörðun,“ sagði Lilja Dögg.
Viðmælendur úr röðum framsókn-
armanna í vikunni hafa verið ófúsir að
tjá sig um hverjar séu líkurnar á nið-
urstöðu í formannskjörinu og virðast
enn vera þeirrar skoðunar að kjörið
geti farið á hvorn veginn sem er.
Vildu að menn slíðruðu sverðin
Miðað við yfirlýsingar um og eftir
síðustu helgi, sérstaklega frá þeim
Gunnari Braga Sveinssyni og Vigdísi
Hauksdóttur, sem bæði styðja Sig-
mund Davíð, töldu ákveðnir viðmæl-
endur að þess hefði verið farið á leit
við stuðningsmenn beggja að dregið
yrði úr gífuryrðum og árásum, svo
líkur á því að flokkurinn gæti gengið
samstiga inn í kosningabaráttuna, að
loknu flokksþingi, myndu aukast.
Slíkt þagnarbindindi var þó ekki lengi
við lýði, því Karl Garðarsson alþingis-
maður gagnrýndi framkvæmdastjórn
Framsóknarflokksins og Sigmund
Davíð Gunnlaugsson, formann flokks-
ins, harðlega í Facebook-færslu í
fyrradag, líkt og greint var frá í
Morgunblaðinu í gær, og fékk miklar
ákúrur fyrir á síðu sinni frá stuðn-
ingsmönnum formannsins, þar sem
Sveinn Hjörtur Guðfinnsson, formað-
ur Framsóknarfélags Reykjavíkur,
var sýnu harðastur.
Báðar fylkingar í smölun
Fullyrt hefur verið að stuðnings-
menn þeirra Sigmundar Davíðs og
Sigurðar Inga hafi verið iðnir við kol-
ann í úthringingum í liðinni viku, með
það fyrir augum að hvetja þá sem
eiga seturétt á flokksþinginu til að
mæta og ekki síður að hvetja fulltrúa
til þess að „styðja sinn mann“.
„Smölun stuðningsmanna Sig-
mundar Davíðs hefur verið mun
ágengari og harðari en hjá stuðnings-
mönnum Sigurðar Inga. Það veit ég
af samtölum mínum við mjög marga
framsóknarmenn,“ sagði þingmaður
Framsóknarflokksins í gær.
Sigurður Ingi Jóhannsson skrifaði
færslu á Facebook-síðu sína í fyrra-
dag, þar sem hann sagði m.a.:
„Traust milli almennings og kjörinna
fulltrúa er grunnforsenda farsællar
stjórnunar. Þegar traustið hverfur
eða laskast, eykst tortryggnin, aukin
tortryggni leiðir til aukins óróa.
Ég er þakklátur fyrir það traust
sem nýlegar kannanir gefa til kynna
að ég njóti í samfélaginu, bæði hjá
flokksmönnum og almenningi. Hag-
vaxtarskeiðið sem við lifum núna, er
eitt það lengsta í sögu landsins. Höld-
um áfram á þeirri braut. Ég óska
okkur öllum góðs flokksþings og hvet
alla fulltrúa til að mæta og hafa áhrif.
Samstaðan mun skila okkur best
fram veginn, hér eftir sem hingað til.“
Af samtölum við framsóknarmenn
um allt land má ætla að mjótt verði á
munum í formannskjöri milli þeirra
Sigmundar Davíðs og Sigurðar Inga.
Augljóslega hafa margir úr grasrót-
inni miklar áhyggjur af því hvað verð-
ur um þennan tæplega hundrað ára
flokk (stofnaður 16. desember 1916),
gangi menn sárir og vígamóðir af
flokksþinginu síðdegis á morgun.
Svartsýni og bjartsýni
Gamall flokkshestur, sem hefur
verið framsóknarmaður allt sitt líf,
lýsti þessu kannski ágætlega þegar
hann sagði: „Ég óttast að þetta verði
flokksþing hinna löngu hnífa, og það
muni taka flokkinn langan tíma að
vinna sig út úr þessum persónulegu
átökum. Ég er mjög svartsýnn á
gengi okkar í kosningabaráttunni og
kosningunum, því flokkur sem ekki
gengur sameinaður og sterkur til
kosninga á ekki skilið að vinna góða
sigra. Þetta er enn sorglegra fyrir
þær sakir að málefnalega höfum við
svo sterka stöðu.“
Ekki eru þó allir jafn svartsýnir á
framhaldið og ofangreindur viðmæl-
andi. „Það má einfaldlega ekki gerast
að við göngum af þinginu síðdegis á
sunnudag sem tvær andstæðar fylk-
ingar. Ágreiningurinn snýst að engu
leyti um málefni, heldur um val á milli
manna. Við kjósum milli manna á lýð-
ræðislegan hátt og sá sem verður
undir og stuðningsmenn hans verða
bara að taka niðurstöðunni af karl-
mennsku og hugsa svo á ný um hag
flokksins,“ sagði framsóknarkona.
Allt enn í járnum í Framsókn
 Jafnvel flokkshestar í áratugi tala um flokksþing „hinna löngu hnífa“  Flokkurinn gæti klofnað í
tvær fylkingar  Bjartsýnni framsóknarmenn segja flokkinn verða að vera samstiga að loknu þingi
Morgunblaðið/Kristinn
Stóðu saman Nýir ráðherrar Framsóknarflokksins í ríkisstjórn Sigmundar Davíðs Gunnlaugssonar stóðu þétt saman vorið 2013. Spurningin er hvort eftir
flokksþingið nú um helgina verði til tvær andstæðar fylkingar þeirra Sigmundar Davíðs og Sigurðar Inga í Framsóknarflokknum og hann verði klofinn.
Flokksstjórn Framsóknarflokksins
kom saman til fundar kl. 13 í gær, til
þess að ganga frá endanlegri dag-
skrá flokksþingsins. Einungis drög
að dagskrá hafa verið á heimasíðu
flokksins undanfarna daga og fram
hefur komið krafa um að forsætis-
ráðherra og varaformaður flokksins
fái ræðutíma í dagskrá þingsins.
Sigmundur Davíð Gunnlaugsson,
formaður Framsóknarflokksins, er
formaður framkvæmdastjórn-
arinnar. Niðurstaða liðlega klukku-
tíma fundar framkvæmdastjórnar-
innar varð sú, samkvæmt
heimildum Morgunblaðsins, að
báðir formannsframbjóðendurnir
fái ræðutíma fyrir formannskjörið í
fyrramálið og að lokinni ræðu for-
mannsins, kl. 12 í dag, flytji for-
sætisráðherra yfirlitsræðu sína og
fái til þess 15 mínútur. Aðrir ráð-
herrar flokksins fá svo 10 mínútur
hver til þess að flytja ræðu.
Deilur um dagskrá þingsins
FLOKKSÞING FRAMSÓKNARFLOKKSINS Í DAG OG Á MORGUN