Morgunblaðið - 01.10.2016, Blaðsíða 7

FRÉTTIR 7Innlent
MORGUNBLAÐIÐ LAUGARDAGUR 1. OKTÓBER 2016
Opið söluferli
á Miðlandi ehf.
Hömlur ehf., dótturfélag Landsbankans
hf., býður til sölu allt útgefið hlutafé í
Miðlandi ehf., kt. 430579-0109.
Miðland er fjárfestinga- og fasteignafélag sem
stofnað var árið 1979 og hefur fjárfest í landi
á Neðra-Nikel svæðinu í Reykjanesbæ. Eign
félagsins er tvíþætt, annars vegar eignarland sem
samtals er um 34 hektarar og er skipulagt undir
byggingu á allt að 485 íbúðum ásamt atvinnuhús-
næði (1,4 hektarar) og hins vegar samningur við
Reykjanesbæ um að Miðland annist gatnagerð á
svæðinu og hljóti tekjur af.
Deiliskipulag fyrir hluta byggingarlandsins er
þegar samþykkt og gerir ráð fyrir byggingu á
samtals 300 íbúðum. Gatna- og holræsagerð hefur
verið unnin að hluta til á svæðinu og hægt er
að hefja framkvæmdir á hluta lóðanna nú þegar.
Samkvæmt gildandi Aðalskipulagi Reykjanes-
bæjar er gert ráð fyrir byggingu allt að 185 íbúða
til viðbótar.
Söluferlið fer fram í samræmi við stefnu Lands-
bankans um sölu eigna í eigu bankans. Áhuga-
Byggingarréttur á allt að 485 íbúðum í Reykjanesbæ
Svæði á mynd Hektarar
Reitur A 1,04
Reitur C 22,44
Reitur D 9,74
Reitur E (hluti Miðlands) 0,68
Samtals eignarland 33,89
Eignarland Miðlands ehf.
samir fjárfestar geta haft samband við Fyrirtækja-
ráðgjöf Landsbankans sem er umsjónaraðili sölu-
ferlisins með því að senda tölvupóst á netfangið
midland@landsbankinn.is. Fjárfestar geta
óskað eftir því að fá afhenta trúnaðaryfirlýsingu,
upplýsingar um hugsanlega hagsmunaárekstra
og eyðublað vegna hæfismats. Söluferlið er öllum
opið sem uppfylla hæfismat og geta sýnt fram á
fjárfestingargetu að fjárhæð 300 milljónir króna.
Þeir fjárfestar sem skila inn trúnaðaryfirlýsingu
og eyðublaði vegna hæfismats og uppfylla hæfis-
mat fyrir þátttöku í söluferlinu fá afhent kynn-
ingargögn um Miðland þann 10. október og gera
tilboð á grundvelli þeirra gagna. Einungis verður
hægt að gera tilboð í allt hlutafé í Miðlandi og
tilboð sem hljóða upp á minni eignarhluta verða
metin ógild.
Fjárfestum er bent á að frestur til að skila til-
boðum í 100% af hlutafé í Miðlandi ehf. rennur
út kl. 12:00 miðvikudaginn 26. október 2016.
Fyrir hönd Hamla ehf. sem seljanda, Fyrirtækja-
ráðgjöf Landsbankans hf.
„Það veiðist fiskur úti um allar
þorpagrundir en enginn veit hvaðan
hann kemur. Eðlilegt er að fram fari
opinber rannsókn á því,“ segir Jón
Helgi Björnsson, formaður Lands-
sambands veiðifélaga. Sambandið
hefur farið fram á það við sjávar-
útvegsráðherra og umhverfis-
ráðherra að gerð verði opinber rann-
sókn á því hvers vegna og hvernig
regnbogasilungur hefur sloppið í
miklu magni úr eldiskvíum á Vest-
fjörðum.
Staðfest hefur verið að regnboga-
silungur hefur veiðst í ám við Húna-
flóa, á Vestfjörðum og allt suður í
Faxaflóa. Matvælastofnun hefur eft-
irlit með sjókvíaeldisstöðvum og
Fiskistofa tekur við tilkynningum
um slysasleppingar. Ekkert fiskeld-
isfyrirtæki hefur tilkynnt slysa-
sleppingar, eins og þeim er skylt
lögum samkvæmt.
Regnbogasilungur er alinn af fjór-
um fyrirtækjum í fimm stöðvum í
þremur fjörðum Vestfjarða. Mat-
vælastofnun hefur yfirfarið gögn frá
fyrirtækjunum og hefur nú óskað
eftir frekari gögnum, samkvæmt
upplýsingum þaðan. Í upphafi beind-
ist athugunin að stöðvum í Dýrafirði
og Önundarfirði en nú nær athug-
unin einnig til stöðva í Ísafjarðar-
djúpi.
Skýr viðvörun um framhaldið
„Það virðist vera almennt ein-
kenni á þessum málum að það kem-
ur aldrei tilkynning um slysaslepp-
ingar. Upp kemst um málin þegar
menn fara að veiða fiskinn. Í annan
stað er þetta skýr viðvörun um það
sem framundan er, miðað við þau
áform sem eru um aukið laxeldi hér
á landi. Því miður virðist þetta sanna
það sem við höfum haldið fram að
lax mun sleppa í verulegum mæli úr
þessu eldi og valda miklum skaða í
náttúru Íslands,“ segir Jón Helgi. Í
tilkynningu Landssambandsins er
bent á að slíkt umhverisslys yrði
óafturkræft og því mikilvægt að tek-
ið sé í taumana strax.
Í kröfu Landssambands veiði-
félaga felst einnig að skoðað verði
hvort eftirlit með starfsemi sjókvía-
eldisfyrirtækja sé fullnægjandi og
standist kröfur.
helgi@mbl.is
Krefjast
opinberrar
rannsóknar
 Óljóst hvernig sil-
ungur slapp úr kvíum
Morgunblaðið/Einar Falur
Regnbogasilungur Eldisfiskur hef-
ur veiðst vestan- og norðanlands.
„Í heildina verður september að teljast nærri meðallagi
síðari ára – helst að úrkoma hafi verið óvenjumikil sums
staðar um landið norðan- og austanvert,“ segir Trausti
Jónsson veðurfræðingur, spurður um nýliðinn mánuð.
Þegar einn dagur lifði af september var staða hitans
þannig: Meðalhiti í Reykjavík er 8,8 stig, 1,3 stigum ofan
við meðallag 1961-1990, en -0,2 undir meðallagi síðustu
tíu ára. Á Akureyri er meðalhitinn 8,0 stig, 1,6 stigum
ofan meðallags 1961-1990, en -0,3 undir meðallagi síð-
ustu tíu ára.
Úrkoma í Reykjavík var 59 millimetrar og er það rétt
undir meðallagi áranna 1961-90, en um 60 prósent með-
alúrkomu síðustu tíu ára. Á Akureyri hefur úrkoman
mælst 114 mm og er það nærri þreföld meðalúrkoma ár-
anna 1961-90. Sólskinsstundafjöldi er rétt ofan meðal-
lags í Reykjavík.
Meðalhitinn í Reykjavík er nú í 10. sæti (af 16 á öld-
inni) og mánuðurinn sá næstþurrasti á öldinni. Þurrara
var í september 2005 og nánast jafnþurrt árin 2006 og
2011, segir Trausti.
September í fyrra var einnig hagstæður lands-
mönnum og hlýtt var í veðri. Á fáeinum stöðvum varð
mánuðurinn sá hlýjasti á árinu 2015. Úrkoma var lítil-
lega yfir meðallagi um landið sunnanvert, en víðast und-
ir meðallagi fyrir norðan. Á fáeinum stöðvum vestan til
á Norðurlandi var óvenjuþurrt. sisi@mbl.is
September var í meðallagi
Morgunblaðið/Eggert
September Miklar stillur voru syðra seinni hluta mánaðarins.
 Óvenjumikil úrkoma um landið norðan- og austanvert