Morgunblaðið - 08.10.2016, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 8. OKTÓBER 2016
STANGVEIÐI
Einar Falur Ingólfsson
efi@mbl.is
Laxveiðinni er víðast hvar lokið og
tölur komnar í hús eftir býsna sér-
kennilegt veiðisumar, þar sem lax
gekk afar snemma, mikið var af
stórlaxi – og meira af laxi yfir 100
cm en í manna minnum, en smálaxa-
göngur voru víðast hvar lélegar.
Eins og hafði verið spáð eftir kulda-
hretið í maí í fyrra, þegar sérfræð-
ingar sögðust sjá að seiðagöngur
hefðu farið illa. Enn er veitt í nokkr-
um hafbeitarám, Rangánum og Af-
fallinu, og má kalla kropp; vikan gaf
til að mynda 213 laxa í Ytri-Rangá
og 24 veiddust í Eystri.
Rangárnar eru í fyrsta og þriðja
sæti listans yfir gjöfulustu árnar í
sumar – veiðin í Ytri er talsvert yfir
meðaltali síðustu tíu ára sem er
6.860 laxar en í Eystri nokkuð undir
meðaltali sem er um 4.500 laxar. Á
milli Rangánna á listanum situr
Miðfjarðará þar sem var frábær
veiði í sumar, í kjölfar metveiðinnar
í fyrra þegar fleiri fiskar voru færð-
ir til bókar en nokkru sinni áður í á
með náttúrulegan laxastofn. 4.338
laxar veiddust í Miðfirðinum á
stangirnar tíu en meðalveiði síðasta
áratugar í ánum fjórum á vatna-
svæðinu er um 3.000 laxar. Veiðin í
Blöndu, 2.386, var einnig nokkuð yf-
ir meðaltali síðasta áratugar sem er
um 2.200 laxar á sumri.
Sumarveiðin í Þverá-Kjarrá var
1.902 laxar, en meðalveiði er tæp-
lega 2.300 laxar á stangirnar 14; í
Langá var 1.433 landað en meðal-
veiðin er um 1.940 laxar. Fyrir
norðan var veiðin í Aðaldal nokkuð
yfir meðaltalinu, sem er um 1.070
laxar; í Víðidalsá veiddust 1.137,
sem er rétt rúmlega meðalveiði og í
nágrannaánni, Vatnsdasá, var 853
landað en meðalveiðin þar er tæp-
lega 990. Eftir hina framúrskarandi
byrjun á veiðisumrinu dró víðast
hvar úr tökunni, enda kom í ljós að
smálaxagöngurnar voru ekki lið-
margar. Endar heildarveiði sumars-
ins á landinu sjálfsagt einhvers
staðar fyrir neðan meðaltalið.
Óhemju gott í Laxá í Dölum
En talandi um meðalveiði síðasta
áratugar, þá er hún um 1.160 laxar í
Laxá í Dölum. Í sumar var veiðin
hins vegar með allra besta móti þar
þegar 1.711 laxar voru færðir til
bókar. Í nágrannaánni Haukadalsá
veiddist einnig mjög vel, 1.056 laxar
á stangirnar fimm, en meðalveiði
síðustu tíu ára í ánni er 755 laxar.
Haraldur Eiríksson, sölustjóri
Hreggnasa, sem fer með sölu leyfa í
Laxá, segir veiðina í þessum tveim-
ur ám hafa verið undantekningu
hvað vesturhluta landsins varðar.
„Faxaflóasvæðið kom verst út af
öllum svæðum landsins, allt frá Ell-
iðaám og upp í Borgarfjörð var
veiðin sýni verst,“ segir Haraldur.
„Vonbrigðin hjá okkur í Hreggnasa
voru Grímsá og Laxá í Kjós. Mér
fannst samt vera meira af laxi í
Kjósinni nú en 2012 og 2014 en skil-
yrðin þar í þurrkinum voru þau
verstu þau 23 sumur sem ég hef
verið við ána.
En það sem kom mér mest á
óvart var þessi rosalega veiði í þess-
um tveimur Dalaám, Haukadalsá og
Laxá í Dölum. Þar var enginn skort-
ur á smálaxi. Ég veit ekki hver
ástæðan getur verið, hvort þessar
ár fari betur með seiðin en aðrar,
það er erfitt að segja. Eða hvort
endurkoma laxa, sem ganga út að
vori en snúa aftur, geti verið meiri
enn annars staðar. Við tókum tals-
vert af hreistursýnum í Laxá þegar
leið á sumarið, áður en við slepptum
löxunum, og það verður forvitnilegt
að sjá hvað kemur út úr því. En
þetta var óhemju gott sumar í Laxá.
Þetta minnti á gamla tíma, ég gæti
trúað því að sex til sjö hundruð stór-
laxar hafi verið færðir til bókar. Það
var svo mikið af stórum fiski í ánum
í sumar.“
Djúp niðursveifla var í Laxá í
Dölum á árunum 2011 til 2014 en
síðustu tvö sumur hafa göngurnar
heldur betur glæðst. „Það er engin
maðkveiði lengur og strangir kvót-
ar, það er einhver endurveiði, en
það var einfaldlega gríðarlegt magn
af laxi í ánni í sumar. Þessir laxar
veiddust á 498 stangardögum,“ sem
er mjög góð veiði á stöng.
Oddatalan gott veiðiár
„En þetta var eitt furðulegasta
veiðisumar sem ég hef upplifað,“
segir Haraldur. Um miðjan júní var
hann við veiðar í einn dag ásamt fé-
lögum í Blöndu, og þegar þeir höfðu
landað 38 löxum fóru þeir að tala
um að svona gæti þetta ekki gengið
langt inn í sumarið, laxinn hefði ein-
faldlega gengið óvenju snemma,
eins og kom í ljós þegar veiði hófst í
hverri ánni á fætur annarri. Þeim
þótti ekkert góðs viti að fá laxinn
svona „rosalega snemma. Og þá var
fiskurinn víða orðinn leginn! Manni
krossbrá við að sjá margar mynd-
irnar. Já, þetta var stórfurðulegt
veiðisumar.
Og eins og maður óttaðist klikk-
uðu smálaxagöngurnar.“
Haraldur er hugsi yfir því hvern-
ig tíðarfarið hefur haft áhrif á laxa-
göngur undanfarin ár. „Annað hvert
ár hefur verið kalt vor og við erum
komin í þá stöðu að frá 2012 er
oddatalan gott veiðiár en slétta tal-
an vont ár.
Við fáum frábær ár og léleg ár til
skiptis, því við erum alltaf að fá tvo
árganga í veiðina í einu. Nú í vor
fóru þannig tveir árgangar til hafs.
Þetta eru orðnar óþægilega miklar
öfgar; það væri gott að hafa þetta í
meðalveiði til að forðast of miklar
væntingar eða vonbrigði.“
Fantaveiði og svaka fiskar
Haustið er tími sjóbirtingsins og
að sögn Gunnars J. Óskarssonar,
formanns Stangaveiðifélags Kefla-
víkur, sem er með nokkur rómuð
veiðisvæði á helsta svæði stóra birt-
ingsins í Skaftafellssýslum, hefur
veiðin verið sérlega góð í haust.
„Birtingsveiðin hefur verið flott á
öllum svæðunum okkar, alls staðar
mjög góð,“ segir hann og telur upp
Grenlæk, Jónskvísl, Fossála og
Geirlandsá. Uppselt var á öll svæðin
og sjálfur hefur hann farið tvær
ferðir í Geirlandið ásamt félögum og
gengið vel: „Fyrst fengum við 35 og
svo 42. Það var fantaveiði og svaka
fiskar inn á milli, upp í 15 punda
fleka! Og ég veit að á öðrum svæð-
um, eins og í Edvatni, hefur líka
verið flott veiði.“
Gunnar hefur fylgst með birt-
ingnum um langt árabil og segir at-
hyglisvert að þau sumur þegar lax-
veiði er slök er birtingsveiðin
venjulega með besta móti. „Og birt-
ingurinn er ofboðslega feitur og fal-
legur í ár, og margir stórir. Þá er
mikið af stórum geldfiski.“
Morgunblaðið/Einar Falur
Vænn Breskur veiðimaður með 80 cm lax í háfnum við Hrafnatóftir í Ytri-
Rangá, aflahæstu á landsins. Veiðileyfasalar hafa áhyggjur af breska mark-
aðinum, því krónan hefur styrkst um allt að 25 prósent gagnvart pundi.
„Þetta var stórfurðu-
legt veiðisumar“
 Faxaflóasvæðið var verst  Mjög góð sjóbirtingsveiði
Veiðivatn (Stangafjöldi) Veiði
Loka-
tölur
2015
Loka-
tölur
2014
Ytri-Rangá & Hólsá (20) 8.803 3.063
Miðfjarðará (10)* 6.028 1.694
Eystri-Rangá (18) 2.749 2.529
Blanda (14)* 4.829 1.931
Þverá - Kjarrá (14)* 2.364 1.195
Laxá í Dölum (6)* 1.578 216
Langá (12) * 2.616 595
Haffjarðará (6)* 1.660 821
Norðurá (15)* 2.886 924
Laxá í Aðaldal (18)* 1.201 849
Víðidalsá (8)* 1.626 692
Haukadalsá (5)* 670 184
Vatnsdalsá (6)* 1.297 765
Selá í Vopnafirði (6) 1.172 1.004
Hítará (6)* 1.238 480
Aflahæstu árnar
Heimild: www.angling.is
Staðan 5. október 2016
*Lokatölur
1.902*
8.935
4.338
3.219
2.386*
1.711
1.433
1.305*
1.297
1.207
1.137
1.056
853
844
779
Pantaðu sæti á netinu: www.dale.is eða hringdu í síma 555 7080
VILTU MEIRA
SJÁLFSTRAUST
LÍÐA
BETUR
HELGARNÁMSKEIÐ FYRIR UNGT FÓLK
//DALE CARNEGIE FYRIR UNGT FÓLK
// INNIFALIÐ:
Handbók, Gullna reglubókin, bækurnar
Vinsældir og áhrif og Lífsgleði njóttu
eftir Dale Carnegie.
Bæklingarnir Eldmóður, Mundu nöfn og
Árangursrík tjáning. Útskriftarskírteini
frá Dale Carnegie & Associates.
Námskeiðið færir þér sterkari sjálfsmynd, hugrekki og meira sjálfstraust. Þú lærir
að fylgja eigin sannfæringu, standa á þínu og setja þér skýr markmið sem skila
betri árangri í námi og starfi. Jákvætt viðhorf og öruggari tjáning bætir samskipti
þín við fjölskyldu og vini.
// Námskeiðið verður haldið í Reykjavík dagana 21., 22. og 23. október frá
kl. 9:00 til 17:00 og er ætlað ungu fólki á aldrinum 16 til 20 ára.
• Nærð betri stjórn á eigin lífi
• Verður jákvæðari
• Átt auðveldara með að segja þína skoðun
• Hefur meiri metnað í námi og vinnu
• Færð skýrari framtíðarsýn
• Átt auðveldara með að opna samræður
og kynnast fólki
• Minnkar sjálfsgagnrýni og stress
• Líður betur þegar þú tjáir þig fyrir framan
hóp af fólki
// ÞINN ÁVINNINGUR
AF NÁMSKEIÐINU:
// Verð 99.000 kr.
Dæmi um skóla sem meta Dale Carnegie námskeið til eininga í framhaldsskóla:
Borgarholtsskóli, Fjölbrautaskólinn við Ármúla, Fjölbrautaskóli Suðurnesja,
Flensborgarskólinn, Kvennaskólinn í Reykjavík, Menntaskólinn við Sund,
Fjölbrautaskólinn í Breiðholti, Fjölbrautaskólinn í Garðabæ, Menntaskólinn í
Kópavogi, Menntaskólinn í Reykjavík og Menntaskólinn við Hamrahlíð.