Morgunblaðið - 08.10.2016, Blaðsíða 12

12 DAGLEGT LÍF
MORGUNBLAÐIÐ LAUGARDAGUR 8. OKTÓBER 2016
Vinnan Boff vinnur á Íslensku húðflúrstofunni og þar er nóg að gera. Hér er hann að störfum.
Kristín Heiða Kristinsdóttir
khk@mbl.is
Þessir stafir eru satíra á gamla hefð-bundna íslenska galdra, en þeir erulíka háðsádeila á nútímalífið, þessvegna eru þarna galdrastafir sem eiga
að færa fólki fleiri vini á feisbúkk, betra gengi á
Tinder, hraðari nettengingu og fleiri læk á In-
stagram, svo fátt eitt sé nefnt. Og þar sem kyn-
líf er fyrirferðarmikill hluti af nútímalífi var
óhjákvæmilegt að hafa Greddustaf og Gönd-
ulstaf,“ segir Boff Konkerz, breskur húðflúrari
sem búsettur er á Íslandi og er höfundur nýút-
kominnar bókar, Icelandic magic for modern li-
ving, eða Íslenskir galdrastafir fyrir nútímalíf.
„Flestir íslenskir galdrar eru frá fornum
tíma og tengjast því að tapa ekki kindunum sín-
um, villast ekki í óveðri og öðru slíku sem við
höfum takmarkaða þörf fyrir á tuttugustu og
fyrstu öldinni. Mér fannst að einhver ætti að
hanna nútíma galdrastafi, svo ég gerði það, mér
til gamans,“ segir Boff sem tók þá fornu galdra-
stafi sem honum fannst flottastir og braut þá
upp, blandaði saman og bætti við, svo úr urðu
nýir stafir.
Ruglukollur fann stafina fyrir vestan
Boff starfar á Íslensku húðflúrstofunni og
segir að þar sé flúraður íslenskur galdrastafur á
húð einhvers á hverjum einasta degi.
„Helmingur viðskiptavina okkar eru er-
lendir ferðamenn og þeir sækja mikið í að láta
flúra á sig íslenska galdrastafi og rúnir. Okkur
langaði að bjóða upp á fleiri valmöguleika en
gömlu stafinu svo við höfum líka sýnt þeim nú-
tímastafina og nokkrir hafa fengið sér slíka,“
segir Boff og bætir við að tilkoma nýju bókar-
innar sé nokkuð skondin.
„Hingað kom hún Sigrún, einn af eig-
endum bókaforlagsins Lesstofunnar, til að láta
mig flúra á sig galdrastafinn Vegvísi og hún rak
augun í nýju galdrastafina sem við vorum með á
lausum blöðum. Hún spurði hvort ég væri ekki
til í að búa til fleiri slíka stafi svo hægt væri að
gefa út bók með þeim, og ég sagði að sjálfsögðu
já. Og nú er bókin komin út.“
Boff segist ekki óttast að yfir hann hvolfist
ógæfa, þar sem hann sé að brjóta upp gömul
galdratákn. „Reyndar sagði eldri manneskja að
ég ætti ekki að rugla með stafina, því enn væri
til fólk sem trúir á mátt þeirra. En galdrar inni-
halda mikinn húmor og þeir eru til að leika sér
með. Þetta er fyrst og fremst grín, og í mínum
huga má gera grín að öllu.“
Bókin er á ensku enda er hún ætluð ferða-
mönnum, en galdrastafirnir heita íslenskum
nöfnum. „Okkur fannst það skipta máli til að
tengja þetta við Ísland. Í innganginum segir að
Ruglukollur hafi fundið þessa stafi á Vest-
fjörðum í trékistu undir gólffjölum í kirkju sem
ekki er til, því hún er úti á hafi. Bókin er full af
svona kerskni, líka í leiðbeiningunum sem fylgja
stöfunum um hvernig skuli nota þá. Þarna má
meðal annars finna staf til að losna við spillta
stjórnmálamenn, við reyndum semsagt að gera
þetta líka áhugavert fyrir Íslendinga,“ segir
Boff og hlær.
Bjó með flúraðasta manni heims
Boff hefur verið búsetur á Íslandi unanfar-
ið eitt ár, en hann hefur komið við á Íslensku
húðflúrstofunni undanfarin fjögur ár til að
vinna, eða frá því hann hætti starfi sínu á húð-
flúrstofu í London.
„Ég hef ferðast um heiminn undanfarin ár
og komið við í ólíkustu löndum og unnið við húð-
flúrun tímabundið á hverjum stað, meðal ann-
ars í Reykjavík. Ég og íslenska kærastan mín,
sem líka er flúrari, Habba Nero, eða Hrafnhild-
ur Inga Guðjónsdóttir, við fórum saman á þessu
ári til Frakklands, Írlands og Englands til að
vinna við húðflúr og við munum fara í sömu er-
indagjörðum til Bandaríkjanna í lok
október. En á næsta ári vil ég
ferðast minna,“ segir Boff og bætir
við að þrjár ástæður séu að baki því
að hann kjósi að búa á Íslandi.
„Vinnustað-
urinn minn, Ís-
lenska húðflúrstofan,
er afar faglegur en
frjálslegur vinnustaður.
Ég ræð mínum
vinnu-
tíma og
kann af-
skaplega
vel við samstarfs-
fólk mitt, þau eru fagleg
en ofursvöl á sama tíma,
sem er í raun mjög ís-
lensk blanda. Ég
kann líka ein-
staklega vel við
Reykjavík, sem í mínum
huga er bær frekar en borg. Mér
finnst kostur hvað miðbærinn er lítill og allt af-
slappað, ég get gengið til og frá vinnu, en í
London tók það mig einn og hálfan tíma að fara
að heiman til vinnu.
Ég vil ekki búa í stórborg. Hér í Reykjavík
sé ég til hafs og fjalla, loftið og vatnið er hreint
og það er stutt í allt. Svo er íslenska kærastan
mín auðvitað líka ástæða þess að ég flutti hing-
að. Núna störfum við bæði á Íslensku húðflúr-
stofunni og það er frábært.“
Boff ólst upp í litlum bæ á Englandi þar
sem var engin húðflúrstofa. „Þegar ég var ung-
lingur var ekkert internet og því gat ég ekki
skoðað húðflúr á netinu. Og enginn í minni fjöl-
skyldu var með húðflúr, mamma vildi ekki leyfa
pabba að fá sér slíkt þó hann hafi langað til þess.
Þá sjaldan ég sá húðflúr þá var ég alveg heill-
aður. Ef ég fór í sund eða á strönd og sá ein-
hvern með húðflúr, sem var mjög sjaldgæft þá,
sérstaklega ef einhver var nánast allur flúraður,
þá stóð ég bókstaflega á öndinni, það var svo
rosalega framandi. Ég var nánast með húðflúrs-
þráhyggju, ég var uppreisnargjarn og ákveðinn
í að þegar ég hefði aldur til þá fengi ég mér húð-
flúr.“ Boff fór snemma að hanna sín eigin húð-
flúr, og þannig var það með hans fyrsta húðflúr,
sem hann fékk sér þegar hann var 18 ára.
„Á árunum milli tvítugs og þrítugs fór öll
mín orka í tónlist, því ég spilaði í hljómsveit. En
meðfram því hélt ég áfram að teikna eigin húð-
flúr. Upp úr þrítugu leystist hljómsveitin upp og
þá sneri ég mér alfarið að húðflúrinu. Strax í
byrjun lærði ég vélarfríu aðferðina, (handpok-
ing technique), og hef haldið mig við hana síð-
an,“ segir Boff sem deildi húsi með frægum
húðflúrara, Lucky Diamond Rich, þegar hann
bjó í London.
„Allur líkami hans er algerlega þakinn húð-
flúrum og hann er í heimsmetabók Gunnes, sem
flúraðasti maður heims. Fyrsta húðflúrið sem
ég gerði á annan mann, var á hann. Hann átti
auðvitað ekki óflúraðan blett til, svo ég gerði
það yfir annað húðflúr sem var fyrir.“
Boff segist stundum fara til Englands til að
bæta á sig flúrum, en hann er að vinna að því
sem kallað er „full body“.
„Þetta er langtímaverkefni og sennilega
klára ég á næstu tveimur árum. Ég vil ekki
flúra mig eftir fimmtugt,“ segir Boff og hlær.
Kærustupar Boff og Habba saman að flúra.
Viltu auka
vinsældir þínar í
Tinderheimum?
Á Íslensku húðflúrstofunni er flúraður íslenskur galdrastafur á húð
einhvers á hverjum einasta degi. Húðflúrarinn Boff Konkerz vildi
bæta við úrvalið og hannaði nýja galdrastafi sem hæfa nútímafólki
sem m.a sækist eftir betra gengi í netheimum.
Morgunblaðið/Ófeigur
Kór eldri félaga Karlakórs Reykjavík-
ur var stofnaður á vordögum 1965,
en þá boðaði stjórn kórsins til fundar
þar sem Sigurður Þórðarson, fyrsti
stjórnandi Karlakórs Reykjavíkur,
hvatti mjög til þess að stofnað yrði
félag eldri félaga, því nauðsynlegt
væri að hnýta öll bönd kórfélaga
saman. Var það gert og hefur kórinn
farið í fjölmargar söngferðir, t.d. til
Gautaborgar í Svíþjóð, um Suður-
land, til Stykkishólms, Skagafjarðar,
Búðardals, Hólmavíkur og Ísafjarðar.
Í tilefni 50 ára afmælisins voru tón-
leikar s.l. haust í Guðríðarkirkju. Til
að enda afmælisárið heldur kórinn
tónleika á morgun, sunnudag 9. okt.,
í Hveragerðiskirkju kl. 14 og Þorláks-
kirkju kl. 17. Til gamans má geta þess
að fjórir meðlimir kórsins koma til
tónleikanna úr sveitunum á Suður-
landinu, úr Biskupstungum, frá Laug-
arvatni, úr Þingvallasveit og frá Sel-
fossi.
Eldri félagar í Karlakór Reykjavíkur með tvenna tónleika
Syngja í Hveragerði og í Þorlákshöfn
Morgunblaðið/Kristinn
Söngur Friðrik stjórnar köppunum.
Eyvindur Erlendsson ætlar að flytja
ljóð Steins Steinars í Breiðholtskirkju
á morgun sunnudag kl. 20. Eyvindur
kann ljóð Steins spjaldanna á milli.
Hann hefur samt lagt nótt við dag að
undirbúa sig sem best. Það verður
skemmtilegt og fróðlegt að vita hvaða
tökum hann tekur þetta krefjandi við-
fangsefni. Það fer vel á því að Eyvind-
ur flytji hárbeittan texta Steins Stein-
ars í Breiðholtskirkju því hann átti
mörg handtök við byggingu þessa
hógláta Guðshúss á sínum tíma. Á
myndinni er Eyvindur með Erni bróður
sínum, sem var yfirsmiður við bygg-
ingu kirkjunnar. Nú koma þeir aftur
saman á þennan stað og hafa snúið
hlutverkum sínum við: Eyvindur í hlut-
verki hins aldna grand maestros en
Örn í hlutverki handlangarans.
Gaman verður í Breiðholtskirkju á morgun sunnudag
Bræður Örn og Eyvindur Erlendssynir á góðri stund í Tungnaréttum.
Eyvindur kann ljóð Steins utanbókar
Láttu flúra þennan
galdrastaf á rassinn á
þér. Notaðu mynd af
húðflúrinu sem þína
aðalmynd á Tinder.
Fjarlægðu sjálfsvirðinguna með
ryðguðu skóhorni. Gerðu minni
kröfur. Til hamingju, nú ertu vin-
sæll.
(Þýtt úr ensku úr bókinni)
Bókin Boff stoltur með bókina.
Greddustafur