Morgunblaðið - 13.10.2016, Qupperneq 16

16 FRÉTTIRInnlent
MORGUNBLAÐIÐ FIMMTUDAGUR 13. OKTÓBER 2016
Smáratorgi 1, 201 Kópavogi, sími 588 6090, vl@simnet.is
Verkfæralagerinn
Mán.-fim. kl. 9-18, fös. kl. 9-18:30, lau. kl. 10-18, sun. kl. 12-17
Miklu meira, en bara ódýrt
Fötur/Balar/tunnur/
stampar, mikið úrval
Vinnuvettlingar Pu-Flex
frá 295
Ruslatínur
Strákústar
frá 695
frá 395
Laufhrífur
frá 1.495
Lauf/ruslastampur
Laufsuga/blásari
8.985
Álskóflur
frá 1.995
Ruslapokar
10/25/50 stk.
Nokkrar stærðir
BAKSVIÐ
Sigtryggur Sigtryggsson
sisi@mbl.is
Miðað við farþegafjöldaspá Isavia
til ársins 2040 verða til 475 ný störf
að meðaltali á hverju ári á Kefla-
víkurflugvelli árin 2016 – 2040.
Þessi fjöldi samsvarar því að nýtt
álver væri gangsett á hverju ári á
flugvallarsvæðinu.
Gangi þessi spá eftir verða til yf-
ir 10 þúsund störf á Keflavík-
urflugvelli fram til ársins 2040.
Munu þau bætast við þau ríflega
5.600 störf sem tengjast starfsem-
inni á Keflavíkurflugvelli nú þegar.
Á þessu ári hafa orðið til 1.300 ný
störf.
Þessar upplýsingar koma fram í
skýrslu sem ráðgjafafyrirtækið
Aton vann fyrir fyrir Isavia og
kynnt var í gær. Skýrsluna kynnti
Huginn Freyr Þorsteinsson ráð-
gjafi.
Bein störf á flugvöllum teljast
þau störf sem eru vegna starfsem-
innar á flugvöllunum, segir í skýrsl-
unni. Þar ber hæst störf á vegum
flugfélaga; flugmenn og flugfreyjur.
Störf sem tengjast þjónustu við
flugvélar eru einnig mörg og fjöl-
breytt, þar má nefna starfsmenn á
vegum fyrirtækja sem losa og lesta
flugvélar, flugvirkja og fleiri. Með
beinum störfum á flugvöllum teljast
einnig störf í verslunum og veit-
ingastö ð um, öryggisgæslu, lög-
gæslu, tollgæslu auk starfa við
fólksflutninga og bílaleigur. Þessi
störf dreifast á mörg fyrirtæki sem
hafa starfsemi á flugvellinum.
Sækja þarf fólk út fyrir
atvinnusvæði Reykjaness
Skýrsluhöfundar segja að í ljósi
þess að atvinnuleysi er nú lítið á
Reykjanesi og raunar á Íslandi í
heild sé ljóst að stóran hluta þess
fólks sem manna þarf hin nýju störf
verði að sækja að talsverðu leyti út
fyrir atvinnusvæðið á Reykjanesi
og út fyrir landsteinana. Ljóst sé
að atvinnuástandið á Reykjanesi,
sem þegar er gott, verði mun betra
og það ætti að gera svæðið að
ákjósanlegum búsetukosti.
Til að gera sér almennilega grein
fyrir því hve vöxturinn á Keflavík-
urflugvelli hefur orðið mikill og hve
störfum hefur fjölgað ört, er gott
að skoða raunveruleg dæmi, segir í
skýrslunni.
„ Ef annars vegar er litið til ís-
lensku flugfélaganna tveggja, Ice-
landair og WOW air, og hins vegar
til flugafgreiðslufélaganna tveggja,
Airport Associates og IGS er
starfafjölgunin á einu ári gríðarlega
mikil eða úr rúmlega 1.500 í 2.100
þegar kemur að flugmönnum og
flugliðum. Enn meiri er hún í störf-
um flugþjónustufyrirtækjanna IGS
og Airport Associates, en þar hefur
starfsmönnum fjölgað úr 967 í 1.490
á milli sumranna 2015 og 2016.
Þetta eru aðeins dæmi um fjögur af
þeim fjölmörgu fyrirtækjum sem
starfa á Keflavíkurflugvelli og sett
hér fram til að sýna fram á hve
vöxturinn er mikill.“ Svo mikill
vöxtur getur verið áskorun, ekki
síst í ekki stærra samfélagi en því
sem Keflavíkurflugvöllur er, segir í
skýrslunni Þannig hafi bæði flug-
afgreiðslufyrirtækin, IGS og Air-
port Associates, ráðið starfsmenn
erlendis frá til að sinna vextinum
og fest kaup á húsnæði á Suð-
urnesjum til að hýsa þá starfs-
menn.
Ráðast þarf í framkvæmdir
Skýrsluhöfundar segja ljóst að
fara verði í umfangsmiklar fram-
kvæmdir á Keflavíkurflugvelli til að
mæta fjölgun farþega. Þegar hafi
fjölmargt verið gert og Isavia á síð-
ustu fimm árum hefur sett tæpa 37
milljarða króna í framkvæmdir. Á
árinu 2016 einu fari um 16 millj-
arðar í framkvæmdir við völlinn.
Skynsamlegt sé dreifa framkvæmd-
unum og fjármögnun þeirra sem
mest til að slá á þensluáhrif.
Þá þurfi hafa í huga að fram-
kvæmdirnar sjálfar muni skapa
fjölmörg störf og það geti hreinlega
reynst erfitt að ráða fólk á vinnu-
markaði sem sé í góðu jafnvægi
eins og hinn íslenski sé.
Nýtt „álver“ á hverju ári
 Gífurleg fjölgun farþega á Keflavíkurflugvelli kallar á fjölgun starfsfólks þar  Að meðaltali
verða til 475 ný störf á hverju ári á flugvellinum árin 2016 - 2040  Sækja þarf fólk út fyrir svæðið
Tölvuteikning/Nordic-Office of Architecture
Framtíðarsýn Gríðarlegur vöxtur hefur orðið í ferðaþjónustunni hérlendis undanfarin ár og gegnir Keflavík-
urflugvöllur þar lykilhlutverki. Um 96% allra ferðamanna til landsins koma í gegnum Keflavíkurflugvöll.
Ferðaþjónustan
» Ferðaþjónustan hefur vaxið
hröðum skrefum. Gjaldeyr-
istekjur greinarinnar eru orðn-
ar meiri en í útflutningi iðn-
aðarvara (þ.m.t. áls) og
útflutningi í sjávarútvegi.
» Áætlað er að gjaldeyr-
istekjur af greininni í heild
muni aukast verulega; fari úr
350 milljörðum króna árið
2015 í meira en 620 milljarða
2020 og líklega yfir 1.000
milljarða árið 2030.
„Keflavíkurflugvöllur er stóra gáttin inn í landið og mik-
ilvægt er að vandað verði til verka við þau stækkunar-
áform á flugvellinum sem nauðsynleg eru til þess að
hann geti staðið undir vaxandi farþegafjölda á komandi
árum,“ segir Elín Árnadóttir aðstoðarforstjóri Isavia.
„Við viljum eiga samtal við þjóðina og alla hags-
munaaðila um hvað þetta þýðir sem við sjáum í okkar
spám. Ef spárnar verða að veruleika hefur það gríð-
arlega mikil jákvæð áhrif fyrir þjóðarframleiðslu, at-
vinnulíf og ferðaþjónustu auðvitað. Við viljum sýna
þessa möguleika og tækifæri sem liggja í auknum umsvifum á flugvell-
inum. En til þess að við missum ekki af þessum tækifærum þarf allt að
haldast í hendur. Það á ekki bara við um fyrirtækin sem hafa starfsemi á
flugvellinum, heldur þarf að ráðast í mikla innviðauppbyggingu og fram-
lög stjórnvalda til þeirra þátta sem snúa að þeim þurfa að vera í takt við
farþegafjölda á Keflavíkurflugvelli,“ segir Elín.
„Stóra gáttin inn í landið“
FRAMLÖG VERÐI Í TAKT VIÐ FARÞEGAFJÖLDA
Elín Árnadóttir
Ranghermi var í frétt í blaðinu í gær
um deiliskipulag vegna lóða við
Lækjargötu, Vonarstræti og
Skólabrú. Texti og tölulegar upplýs-
ingar voru byggðar á skipulagi sem
samþykkt var árið 2008 en fellur úr
gildi með þeirri deiliskipulagsbreyt-
ingu sem nú er til kynningar.
Hið rétta er að dregið er úr bygg-
ingarmagni ofanjarðar um 518 m2 og
nýtingarhlutfall lækkar úr 3,25 í 2,98.
Auglýst skipulagstillaga gerir
grein fyrir hámarksumfangi og notk-
un þeirra bygginga sem heimilt verð-
ur að reisa á lóðunum. Tillagan er af-
rakstur náins samráðs lóðarhafa,
skipulagssviðs og -ráðs Reykjavíkur-
borgar sem og Minjastofnunar Ís-
lands. Tillagan tekur fullt tillit til
þeirra ítarlegu fornleifarannsókna
sem lóðarhafi lét framkvæma árið
2015.
Samkvæmt auglýstri deiliskipulag-
stillögu verður byggingarmagn ofan-
jarðar á lóðinni Lækjargata 12 /
Vonarstræti 4-4b, sameinuð lóð sam-
tals 6.150 m2, en þar af er húseignin
Vonarstræti 4 um 815 m2.
Áfram er heimilt að byggja hótel á
lóðinni en sú breyting gerð frá nú-
gildandi deiliskipulagi að fallið er frá
því að hafa bankaútibú í húsinu. Þess
í stað er gert ráð fyrir sýningu á forn-
minjum, bæði utandyra og innanhúss.
Sýning á fornminjum byggist á sam-
komulagi lóðarhafa og Minjastofn-
unar. Stofnaður hefur verið samráðs-
hópur um fornleifasýninguna sem í
eiga sæti fulltrúar Minjastofnunar,
Borgarsögusafns og lóðarhafa.
Hægt er að kynna sér framlagða
deiliskipulagstillögu á slóðinni:
http://reykjavik.is/skipulag-i-
kynningu
Morgunblaðið/Kristinn
Lækjargata Unnið af kappi að fornleifauppgrefttri sumarið 2015.
Fornleifarnar sýnd-
ar í nýja hótelinu