Morgunblaðið - 13.10.2016, Blaðsíða 19

FRÉTTIR 19Erlent
MORGUNBLAÐIÐ FIMMTUDAGUR 13. OKTÓBER 2016
Bogi Þór Arason
bogi@mbl.is
Stjórnvöld í Kreml gagnrýndu í gær
Boris Johnson, utanríkisráðherra
Bretlands, fyrir að saka Rússa um
stríðsglæpi í Sýrlandi og sögðu um-
mæli hans til marks um „sjúklegan
Rússaótta“.
Johnson hafði daginn áður haldið
ræðu á þingi Bretlands og hvatt til
mótmæla fyrir utan sendiráð Rúss-
lands í Lundúnum vegna hernaðar
Rússa til stuðnings einræðisstjórn
Bashars al-Assads, forseta Sýrlands.
Utanríkisráðherrann spurði hvers
vegna samtök breskra hernaðarand-
stæðinga, Stop the War Coalition,
efndu ekki til mótmæla við sendiráð-
ið. Samtökin voru stofnuð skömmu
eftir hryðjuverkin í Bandaríkjunum
11. september 2001 og börðust gegn
innrásinni í Afganistan og stríðinu í
Írak. Þau hafa svarað Johnson og
sagt að mótmæli fyrir utan rúss-
neska sendiráðið myndu ekki hafa
nein áhrif, að því er fram kemur á
fréttavef breska ríkisútvarpsins.
Johnson sagði á þinginu að enginn
vafi léki á því að Rússar hefðu gerst
sekir um stríðsglæpi með misk-
unnarlausum loftárásum á óbreytta
borgara í austurhluta borgarinnar
Aleppo í Sýrlandi.
Ígor Konashenkov, talsmaður
rússneska varnarmálaráðuneytisins,
sagði að Johnson hefði sakað „Rússa
um allar dauðasyndir“ en ásakanirn-
ar væru „ekkert annað en stormur í
tebolla“. „Sjúklegi Rússaóttinn, sem
ákveðnir ráðamenn í Bretlandi hafa
kynt undir, hefur ekki verið tekinn
alvarlega í langan tíma,“ sagði hann.
Pútín sagður skammast sín
John Kerry, utanríkisráðherra
Bandaríkjanna, sagði í vikunni sem
leið að hefja þyrfti alþjóðlega rann-
sókn á því hvort Rússar og sýrlensk
stjórnvöld hefðu gerst sek um stríðs-
glæpi með árásum á óbreytta borg-
ara í Sýrlandi. Hann sagði árásirnar
gerðar af ásettu ráði til að valda
skelfingu meðal íbúa á yfirráðasvæð-
um uppreisnarmanna og knýja þá til
uppgjafar.
Deilan um Sýrland varð til þess að
Vladímír Pútín, forseti Rússlands,
aflýsti fyrirhugaðri ferð sinni til Par-
ísar. Pútín hugðist fara til borgar-
innar í næstu viku til að opna trúar-
miðstöð í nýrri kirkju rússnesku
rétttrúnaðarkirkjunnar nálægt
Eiffel-turninum. Francois Hollande,
forseti Frakklands, vildi nota tæki-
færið til að eiga fund með Pútín um
ástandið í Sýrlandi og hernað Rússa
til stuðnings einræðisstjórninni.
Jean-Marc Ayrault, utanríkisráð-
herra Frakklands, sagði í gær að
Pútín hefði aflýst ferðinni vegna
þess að hann skammaðist sín fyrir
harðar loftárásir sem Rússar hófu að
nýju á austurhluta Aleppo í fyrra-
dag. Að minnsta kosti 25 manns létu
þá lífið, þeirra á meðal börn.
Ayrault sagði að það hefði verið
„fáránlegt“ ef Pútín hefði farið til
Parísar án þess að samþykkja fund
um lofthernaðinn og neyð íbúa
Aleppo. „Raunin er sú að Vladimír
Pútín hefur hert loftárásirnar á
Aleppo, þannig að ég tel að það hefði
verið mjög óþægilegt og vandræða-
legt fyrir hann að koma til Parísar án
þess að ræða átökin.“
Hvatti til mót-
mæla vegna
stríðsglæpa
 Kremlverjar saka utanríkisráðherra
Bretlands um „sjúklegan Rússaótta“
5 km
Harðar loftárásir og skelfilegt ástand í Austur-Aleppo
Rússar hófu að nýju harðar loftárásir á yfirráðasvæði uppreisnarmanna í austurhluta borgarinnar í fyrradag
250.000-275.000 manns búa
í borgarhlutanum
Meira en 100.000 börn
komast ekki í burtu
SETIÐ UM AUSTUR-ALEPPO
Íbúarnir hafa takmarkaðan
aðgang að drykkjarvatni
Sjúkrahús var lagt í rúst
í loftárás 3. október
Matvælabirgðir eða hjálpar-
gögn hafa ekki verið flutt
á svæðið frá 22. ágúst
17. júlí
Stjórnarherinn
náði mikilvægum
vegi í norðurhlutanum
á sitt vald
8. september
Stjórnarherinn
náði úthverfinu
Ramussa á sitt vald
og mikilvægum vegi
sunnan við svæði
uppreisnarmanna
Yfirráðasvæði
fylkinganna í stríðinu
27. september
Stjórnarherinn náði
hverfinu Farafira á sitt
vald og komst í fyrsta
skipti inn í miðborgina
Vatnsdælustöð
BorgarvirkiAleppoCa
st
el
lo
-v
eg
ur
Aleppo
DAMASKUS
SÝRLAND
Stjórnarherinn Uppreisnarmenn Kúrdar Samtökin Ríki íslams
Heimild: ISW/CarnegieMiddleEast/ConflictNews/SavetheChildren/UNOCHA
AFP
Hryllingur Barni bjargað úr rústum
í Aleppo eftir loftárás í fyrradag.
Grimmilegar loftárásir
» Aleppo-borg er orðin að
tákni um hrylling miskunnar-
lausra loftárása stjórnarhers
Sýrlands og Rússa og úrræða-
leysi ráðamanna á Vestur-
löndum.
» Embættismenn Sameinuðu
þjóðanna segja að meira en
300 óbreyttir borgarar hafi lát-
ið lífið síðustu tvær vikur í loft-
árásunum á yfirráðasvæði
uppreisnarmanna. Fimm
sjúkrahús hafi annaðhvort
stórskemmst eða eyðilagst.
» Þeir óttast að borgarhlutinn
verði algerlega lagður í rúst á
næstu tveimur mánuðum.
Suðurlandsbraut 20, Reykjavík, sími 588 0200, eirvik.is
Innréttingar
Íslensk hönnun – þýsk gæði
EIRVÍK Innréttingar
Eirvík innréttingar eru hannaðar af íslenskum innanhússarkitektumog sérsmíðaðar
í fullkominni verksmiðju í Þýskalandi. Einingarnar koma samsettar til landsins sem
sparar tíma í uppsetningu og tryggirmeiri gæði.
Sérstaða okkar fellst í því að bjóða heildarlausn fyrir eldhúsið. Höfuðáhersla er
lögð á persónulega þjónustu og lausnir sem falla að þörfumog lífsstíl hvers og eins.
Líttu við hjá okkur og fáðu tilboð í innréttinguna og eldhústækin og tryggðu þér
raunveruleg gæði á réttu verði.
Hönnun og ráðgjöf á staðnum.
Vikunámskeið 6.-13. nóvember
Úr fjötrum kvíðans
Kvíði er eðlileg mannleg tilfinning sem knýr okkur til að vera á varðbergi,
tilbúin að bregðast við yfirvofandi hættu.
Hjá mörgum verður þó kvíðaviðbragðið of virkt, þ.e. hættuástandið er ofmetið og
manneskjan finnur oftar fyrir kvíða en tilefni eða aðstæður eru til. Markmið námskeiðsins
er að draga úr einkennum, auka skilning á kvíða, læra að beita eigin hugsunum til að líða
betur og róa hugann.
Verð 154.000 kr. á mann
146.300 kr. á mann í tvíbýli
- berum ábyrgð á eigin heilsu
Heilsustofnun
Náttúrulækningafélags
Íslands
Nánari upplýsingar og skráning á heilsustofnun.is
eða í síma 483 0300.
Námskeið
6.-13.
nóvember