Dagblaðið Vísir - DV - 06.03.2015, Blaðsíða 6

6 Fréttir Helgarblað 6.–9. mars 2015
Reyna að fá gögnin
gegnum Frakkland
S
kattrannsóknarstjóri hefur
enn ekki fengið gögnin sem
fransk/ítalski uppljóstrar­
inn Hervé Falciani var fyrir
þremur vikum reiðubúinn
að láta íslensk stjórnvöld fá án
endurgjalds „strax í dag“.
„Við erum ekki búin að fá þau
gögn. Þetta er í vinnslu,“ segir Bryn­
dís Kristjánsdóttir skattrannsóknar­
stjóri og bætir við að embættið hafi
þegar sett sig í samband við Falciani,
auk þess sem beiðni liggi fyrir hjá
frönskum skattyfirvöldum á grund­
velli samnings á milli ríkjanna um
að fá gögnin í gegnum þau. „Það er
tvísköttunarsamningur á milli land­
anna og ef annað ríkið óskar eftir
gögnum frá hinu ríkinu er það gert
á grundvelli þess samnings,“ segir
hún. „Þetta er þessi hefðbundna leið
sem skattyfirvöld nota til að skiptast
á upplýsingum.“
Þyngra í vöfum en talið var
Skattrannsóknarstjóri lætur því
reyna á tvær leiðir til að fá upp­
lýsingar frá svissneska bankanum
HSBC sem snúa að eigendum reikn­
inga sem tengjast Íslandi og skatt­
undanskotum þeirra.
Varðandi samskiptin við Falciani
segir Bryndís: „Ef við fáum þessi
gögn frá honum er það mjög gott.
Við settum okkur í sambandi við
hann í kjölfar þessara frétta en þau
eru ekki komin í hús.“
Spurð hvers vegna þau séu ekki
komin í hús segist hún ekki vilja
greina frá því að svo stöddu. „Þetta er
bara þyngra í vöfum en mátti skilja í
byrjun.“
Hún veit ekki hvenær göngin
verða birt. „Ég er orðin svo varkár í
að nefna tímasetningar. Það er ekki
hægt að segja neitt til um það að
sinni. Þetta er bara í vinnslu.“
Var tilbúinn „strax í dag“
Eva Joly, sérfræðingur í rannsóknum
fjármálaglæpa og fyrrverandi ráð­
gjafi sérstaks saksóknara, sagðist í
samtali við DV fyrir tveimur vikum
ekki vita hvenær almenningur mætti
vænta upplýsinga um eðli gagn­
anna. „Við verðum að gefa þeim smá
tíma til að gera það sem þau þurfa
að gera,“ sagði hún. Áður sagði hún
í viðtali við Kastljós að Falciani
væri tilbúinn að láta
gögnin af hendi
„strax í dag“.
Um er að ræða
vel á annan tug
reikninga og voru
um sjö milljónir
dollara,
rúmlega níu
hundruð millj­
ónir króna á
núverandi
gengi, á einum
þeirra.
DV hefur
boðist til
þess að
birta gögn­
in opin­
berlega,
beint í
gegnum
Falciani,
án
þess
að
ís­
lensk
stjórnvöld komi þar við sögu en það
hefur ekki gengið eftir enn sem
komið er.
Enginn samningur kominn
Hvað skattrannsóknargögnin
varðar, sem íslenskum stjórn­
völdum hefur verið boðið
gegn um 150 milljóna króna
gjaldi, segist Bryndís lítið get­
að sagt til um það mál. „Það er
ekki kominn neinn samning­
ur og gögnin eru ekki komin
í hús.“
Gögnin, sem eru yfir fjögur
hundruð talsins, eiga að sýna
undanskot Íslendinga í gegn­
um fyrirtæki erlendis. Bryn­
dís lét á sínum tíma hafa
eftir sér að fátt standi
í vegi fyrir því að
þau verði keypt
en svo virðist
sem frekari bið
muni verða á
því. n
n Gögnin frá Falciani ekki enn komin n Ræða við frönsk skattyfirvöld
Freyr Bjarnason
freyr@dv.is „Ef við fáum þessi
gögn frá honum er
það mjög gott. Við sett-
um okkur í samband við
hann í kjölfar þessara
frétta en þau eru ekki
komin í hús.
Bryndís
Kristjáns-
dóttir
Skattrann-
sóknar-
stjóri segir
að málið
sé enn í
vinnslu.
Hjálpsöm Joly
hefur unnið að því
að Íslendingar fái
gögnin frítt.
Grjótkast
og tilraun
til innbrots
Rétt fyrir klukkan ellefu á
fimmtudagskvöld fékk lög­
regla tilkynningu um mann í
Breiðholti sem var að reyna
að komast inn í íbúðarhús og
bifreiðar á svæðinu. Lögreglu­
menn fundu manninn, hand­
tóku hann og var hann vistaður
í fangageymslu þar til af hon­
um rann.
Þá segir í tilkynningu frá
lögreglu að rétt fyrir klukkan
tvö aðfaranótt föstudags hafi
hún fengið tilkynningu um há­
vaða, læti og grjótkast við gisti­
heimili í austurbænum. Þegar
lögreglumenn komu á staðinn
sáu þeir að búið var að brjóta
að minnsta kosti eina rúðu.
Hefjast handa eftir sólmyrkvann
Fyrsta skóflustungan að hofi ásatrúarmanna verður tekin 20. mars næstkomandi
F
ramkvæmdir við nýtt hof ása­
trúarmanna á Íslandi hefjast
20. mars næstkomandi.
„Við byrjum eftir sólmyrkv­
ann 20. mars. Við notum
hann sem viðmið því hann passar
svo vel. Okkur fannst sem astrónó­
mísk fyrir bæri væru að ýta við okk­
ur,“ segir Hilmar Örn Hilmarsson
allsherjargoði en þetta verður síð­
asti sólmyrkv inn hér á landi í langan
tíma.
„Það er almyrkvi fyrir austan land
sem flokkast sem deildarmyrkvi í
Reykjavík. Við eigum eftir að upplifa
að það myrkvast allt um stund og svo
allt í einu birtir til. Þá ætlum við að
byrja, akkúrat á þeirri stundu,“ segir
Hilmar Örn.
Hann hvetur sem flesta til að
mæta á athöfnina. „Við ætlum að
friða staðinn, því við verðum að flytja
gróður og hreinsa lóðina. Við vilj­
um gera þetta í sátt við allar verur á
þessum stað. Þannig að þarna verð­
ur ákveðin sáttagerð við svæðið. Við
viljum fá staðaranda til að vinna með
okkur.“ Fyrsta skóflustungan verður
tekin við sama tækifæri.
Hofið verður staðsett skammt
austan við Nauthól í Öskjuhlíð.
Fyrri áfanginn verður 380 fermetr­
ar og stefnt er að því að hann klárist
seinnipart sumars á næsta ári.
Kostnaðaráætlunin hljóðar upp á
130 milljónir króna. Meginverktaki
verður fyrirtækið Spöng og Verkís
annast verkfræðihönnun. Síðari
áfanginn verður byggður eftir 5 til 10
ár, þegar nægur peningur hefur safn­
ast, og verður hann aðeins stærri að
flatarmáli.
Spurður út í nafnið á hofinu seg­
ir Hilmar Örn að það sitji enn í ása­
trúarmönnum. „Bankar og einhverj­
ir fleiri eru búnir að taka öll góðu
nöfnin úr goðafræðinni, þannig að
við erum enn að leita.“ n freyr@dv.is
Byggja hof „Við ætlum að friða staðinn,“
segir allsherjargoði. Mynd StEFán KarlSSon
Helmingur
gróðans í
arðgreiðslur
Stjórn Eim skipa fé lags Íslands
leggur til að aðalfundur félags­
ins samþykki að hluthafar fái
greiddar 933 milljónir króna í arð
vegna ársins 2014. Arðgreiðslurn­
ar samsvara um 46 prósentum
af hagnaði ársins eða um fimm
krónum á hlut.
Samkvæmt ályktunartillögum
Eimskipa fyrir aðalfundinn, sem
haldinn verður 26. mars næstkom­
andi, leggur stjórnin til að arðurinn
verði greiddur út þann 21. apríl.
Árið 2014 námu arðgreiðslur Eim­
skipa 2,6 krónum á hlut eða um 30
prósentum af hagnaði ársins 2013.
Stjórn fyrirtækisins leggur einnig
til fimmtíu þúsund króna launa­
hækkun fyrir stjórnarformanninn
Richard Winston Mark d'Abo. Sam­
þykki aðalfundur tillögu stjórnar­
innar munu mánaðarlaun hans
nema 550 þúsund krónum.
Hólmaslóð 2 . 101 Reykjavík . www.tolli.is
Opið þriðjudaga til laugardaga frá kl. 13-17