Dagblaðið Vísir - DV - 06.03.2015, Blaðsíða 47

Helgarblað 6.–9. mars 2015 Sport 47
Þrif ehf. | Lækjasmári 86 | 201 Kópavogur | Sími: 8989 566 | www.thrif.net
Fyrirtæki og húsfélög, gerum
tilboð ykkur að kostnaðarlausu
Bjóðum sérhæfða þjónustu fyrir
íbúðir sem eru í túristaleigu
Hefur þú þörf fyrir
þrif
JEPPADEKK
Kletthálsi 3 | 110 Reykjavík | 540 4900 | www.arctictrucks.is
Vönduð og endingargóð
vetrardekk sem koma þér
örugglega hvert á land sem er
Simeone gæti tekið við City
Lygileg spenna
Barist um Lacazette
F
orsvarsmenn Spánarmeistara
Atletico Madrid hafa boðið
Diego Simeone, knattspyrnu­
stjóra liðsins, nýjan samning
til ársins 2022. Simeone, sem er 44
ára, hefur gert frábæra hluti með lið
Atletico undanfarin misseri.
Þessi blóðheiti Argentínumaður
hefur ekki enn viljað skrifa undir
nýjan samning og er ástæðan
sögð sú að hann vilji bíða og sjá
hver þróun mála verður hjá Eng­
landsmeisturum Manchester City.
Sætið undir Manuel Pellegrini,
stjóra City, er heitt eftir slæmt tap á
heimavelli gegn Barcelona í 16 liða
úrslitum Meistaradeildarinnar og
þá bendir flest til þess að liðið missi
Englandsmeistaratitilinn í hendur
Chelsea sem er með fimm stiga for­
skot á toppnum. Auk þess er City úr
leik í enska bikarnum eftir tap gegn
Middlesbrough á heimavelli.
Auk Simeone hafa Pep Guardi­
ola, stjóri FC Bayern, og Carlo
Ancelotti, stjóri Real Madrid, verið
orðaðir við stjórastöðuna hjá City.
Forsvarsmenn City eru þó sagðir
spenntastir fyrir því að fá Simeone
sem þykir auk þess mun raunhæfari
kostur en hinir tveir. n einar@dv.is
Sætið undir Manuel Pellegrini orðið heitt
Magnaður karakter Diego Simeone hef-
ur gert flotta hluti með lið Atletico Madrid.
B
aráttan á toppi Champions­
hip­deildarinnar á Englandi
hefur líklega aldrei verið
harðari. Nú þegar níu umferðir
eru eftir þar til umspil um sæti í úr­
valsdeildinni hefst eiga hvorki fleiri
né færri en átta lið möguleika á að
komast beint upp.
Tvö efstu lið deildarinnar fara
beint upp í úrvalsdeildina en liðin
sem enda í sætum 3. til 6. fara í um­
spil í vor. Liðið í 3. sæti mætir liðinu
í 6. sæti í tveimur leikjum á meðan
liðin í 4. og 5. sæti mætast. Sigurliðin
mætast svo á Wembley í hreinum úr­
slitaleik um þriðja og síðasta sætið í
úrvalsdeildinni – leik sem oft er kall­
aður verðmætasti leikur ársins vegna
þeirra gríðarlega fjárhagslegu hags­
muna sem eru í húfi fyrir þau lið sem
tryggja sér sæti í deild þeirra bestu.
Middlesbrough er sem stendur í
efsta sæti deildarinnar með 66 stig,
stigi meira en Derby og Watford sem
eru í 2. og 3. sæti. Bournemouth, sem
hefur fatast flugið eftir að hafa verið
á toppi deildarinnar lengst af í vet­
ur, er í 4. sæti með 63 stig. Norwich
er með 62 stig í 5. sæti, stigi meira en
Brentford sem er með 61 stig í 6. sæti.
Ipswich er í 7. sæti með 60 stig og
Wolves í 8. sæti með 57 stig. Aðeins
munar því 9 stigum á 1. og 8. sætinu.
Íslendingaliðin Cardiff, Charlton
og Rotherham eiga afar litla
möguleika á sæti í umspili. Charlton,
sem Jóhann Berg Guðmundsson
leikur með er í 12. sæti með 45 stig,
Cardiff, lið landsliðsfyrirliðans Arons
Einars Gunnarssonar er í 14. sæti
með 44 stig og Rotherham, lið Kára
Árnasonar, er í harðri fallbaráttu
með 37 stig í 21. sæti. n
einar@dv.is
Línur farnar að skýrast í Championship-deildinni
Á toppnum Middlesbrough situr á toppi Championship-deildarinnar. Aðeins munar 9
stigum á þeim og Wolves sem eru í 8. sæti.
F
ranski markahrókurinn Alex­
andre Lacazette hjá Lyon er
eftirsóttur þessa dagana eft­
ir frábært tímabil í frönsku
deildinni. Liverpool og Tottenham
eru sögð fylgjast með gangi mála hjá
þessum 23 ára framherja sem hefur
skorað 21 mark í 24 leikjum fyrir
topplið frönsku deildarinnar.
Lacazette hefur verið líkt við
Karim Benzema sem einmitt gerði
garðinn frægan með Lyon áður en
hann var seldur til Real Madrid – að
minnsta kosti segir stjórnarformað­
ur félagsins, Jean Michael Aulas, að
Lacazette geti náð sömu hæðum og
Benzema. „Hann hefur sömu eig­
inleika og Benzema en ég væri til
í að sjá hann bæta sig enn meira
hjá Lyon,“ sagði Aulas í viðtali við
Goal.com á dögunum. Talið er að
Lyon vilji fá að minnsta kosti tutt­
ugu milljónir punda fyrir Lacazette
sem á fimm landsleiki að baki með
franska landsliðinu. n
Liverpool og Tottenham í bílstjórasætinu