Dagblaðið Vísir - DV - 10.04.2015, Qupperneq 23

Fréttir Erlent 23Helgarblað 10.–13. apríl 2015
„Þetta er óafsakanlegt“
n Fimm konur í varðhaldi í Kína eftir mannréttindagöngu n Neitað um lyf og yfirheyrðar stanslaust
Þ
ær hafa verið kallaðar
„Stallsysturnar fimm
frá Peking“ en þær Li
Tingting, Wei Tingting,
Wang Man, Zheng Chur­
an og Wu Rongrong marseruðu í
gegnum Peking, í hvítum brúðar­
kjólum sem höfðu verið ataðir
rauðri málningu, í tengslum við
alþjóðlegan baráttudag kvenna
þann 8. mars síðastliðinn. Þær
kyrjuðu: „Segjum já við ást – segj­
um nei við ofbeldi“ á göngunni
og voru handteknar. Ástæðan var
sögð sú að þær væru að skapa
vandræði á götu úti og hvetja til
óláta. Þær hafa setið í fangelsi síð­
an, án formlegrar ákæru. Verði
þær ákærðar geta þær búist við 10
ára fangelsisvist.
Neitað um læknisaðstoð
Konurnar eru allar meðlimir í
kvenréttindafélagi í Kína. Þær
héldu einnig á spjöldum sem
á stóð: „Stöðvið kynferðislega
áreitni – leyfið okkur að vera ör­
uggar“ og „Lögregla – farið og
handtakið þá sem stunda kynferð­
islega áreitni.“ Konurnar hafa dús­
að í varðhaldi síðan, í rétt rúman
mánuð. Aðstandendur þeirra hafa
miklar áhyggjur af þeim og segja
aðbúnað þeirra bagalegan. Ein
kvennanna, Wu Rongrong, er með
lifrarbólgu og hefur engin lyf feng­
ið allan þann tíma sem liðinn er frá
handtökunni. Önnur, Wang Man,
er talin hafa fengið vægt hjartaáfall
í fangaklefa. Lögmenn þeirra segja
að þær hafi verið í stöðugum yfir­
heyrslum frá handtöku.
Ekki ofbeldisfullar
Ye Jinghuan er vinkona kvennanna
og baráttukona. Hún var færð í
varðhald tvisvar þegar hún ætlaði
að heimsækja þær. „Þessar ungu
konur eru seinþreyttar til vand­
ræða,“ segir Ye. „Þær voru hvorki
ofbeldisfullar né eitthvað sérstak­
lega róttækar.“ Hún segir að orð
fái ekki lýst aðbúnaði kvennanna
í fangelsinu og segir að þar séu
þær einnig beittar andlegu of­
beldi. „Fólk játar á sig alls konar
hluti undir slíku andlegu álagi,“
segir hún. „Ef fólk eins og þær,
sem eru aðeins að berjast fyrir
jafnrétti, sætir svona þungum refs­
ingum held ég að það sé engin von
til þess að við búum í réttarríki, við
lýðræði eða mannréttindi,“ segir
hún.
Þúsundir hafa ritað nafn sitt á
undirskriftalista þar sem lausnar
kvennanna er krafist. Þá hafa net­
verjar tekið málið í sínar hendur
og hefur myllumerkið #FreeThe­
Five verið vinsælt á samfélagsmiðl­
um. Konur um allan heim hafa birt
af sér myndir með grímur sem sýna
andlit kvennanna fimm. Þá hef­
ur sendiherra Bandaríkjanna hjá
Sameinuðu þjóðunum hvatt til
lausnar þeirra og Hillary Clinton
hefur tekið í sama streng. „Þetta er
óafsakanlegt,“ segir Clinton. Kín­
versk stjórnvöld segjast hins vegar
vona að þau fái frið til að taka á inn­
anríkismálum sínum. Frá handtöku
kvennanna fimm hafa verið gefnar
út handtökuskipanir á hendur öðr­
um femínistum sem taldir eru hafa
tekið þátt í aðgerðunum. Margar
þeirra hafa fyrir vikið farið í felur.
„Við skiljum ekki hvað við gerð­
um rangt og hvernig við verðskuld­
um svona harkaleg viðbrögð,“ segir
Xiao Meili, sem nýverið gekk 1.200
mílur yfir Kína til að vekja athygli á
kynferðislegu ofbeldi. n
Í fangelsi Verði þær ákærðar geta þær búist við 10 ára fangelsisvist.
Ásta Sigrún Magnúsdóttir
astasigrun@dv.is
„Fólk játar á sig alls
konar hluti undir
slíku andlegu álagi.
Í brúðarkjólum Konurnar kröfðust jafnréttis og vildu stöðva ofbeldi.
Láttu þér ekki vera kalt
Sími 555 3100 www.donna.is
hitarar og ofanar
Olíufylltir ofnar 7 og 9
þilja 1500W og 2000 W
Keramik hitarar
með hringdreifingu
á hita

Hitablásarar
í úrvali
Ný vefverslun: www.donna.is
Erum nú á Facebook: donna ehf
Er skipulagið í lagi...?
Lausnir fyrir heimili og fyrirtæki
Brettarekkar
Gey
mslu
- og
dekk
jahi
llur
Mikil burðargeta
Einfalt í uppsetningu
KÍKTU VIÐ Á WWW.ISOLD.IS OPIÐ 08:00 - 17:00
Nethyl 3-3a - 110 Reykjavík
Sími 53 53 600 - Fax 567 3609