Dagblaðið Vísir - DV - 25.07.2015, Side 10

10 Fréttir
Þ
essi fjölgun einstaklinga
á biðlista sem bíða í þrjá
mánuði eða lengur tengist
fyrst og fremst verkföllum
lækna og fráflæðis­
vanda,“ segir Helga H.
Bjarnadóttir, deildar­
stjóri hagdeildar
Landspítalans.
Um 3.200
manns hafa
verið á biðlista
á Landspítal­
anum í þrjá
mánuði eða leng­
ur samkvæmt töl­
um Landspítalans
um biðlista frá apr­
íl 2015. Á sama tíma í
fyrra var fjöldi þeirra um
2.400. Fjölgunin nemur því 35
prósentum.
Hlutfall sjúklinga sem verið
hafa biðlista í þrjá mánuði eða
lengur miðað við heildarfjölda
allra á bið­ og vinnulistum er 64
prósent árið 2015. Sú tala hef­
ur farið hækkandi frá árinu 2013.
Sífellt fleiri bíða því í þrjá mánuði
eða lengur eftir nauðsynlegri
læknishjálp frá ári til árs.
Heildarfjöldi allra þeirra sem
eru á bið­ og vinnulistum, einnig
skemur en í þrjá mánuði, hefur
aukist um um 1.000 manns frá
sama tíma í fyrra. Heildarfjöldi
þeirra í apríl 2015 var um 5.050 en
í fyrra voru þeir hátt í 4.200 talsins.
Tölur þessar eiga við um
stöðu biðlista áður en hjúkrunar­
fræðingar fóru í verkfall.
Embætti landlæknis vinnur
nú að greiningu á biðlistum sem
lengst hafa í kjölfar liðinna verk­
falla í heilbrigðiskerfinu. Að því
er fram kom á opnum fundi með
velferðarnefnd Alþingis í liðinni
viku mun Kristján Þór Júlíusson
heilbrigðisráðherra óska eftir fjár­
aukaframlagi til að vinna á þeim
biðlistum sem skapast hafa.
Biðlisti
eftir
almennum
skurðlækn-
ingum lengst um 154%
„Með fráflæðisvanda er fyrst og
fremst átt við að tafir verði á út­
skrift aldraðra sem annað­
hvort eru með eða eru að
bíða eftir svokölluðu færni­ og
heilsumati áður en hægt er að út­
skrifa þá á hjúkrunarheimili eða
heimili sín,“ útskýrir Helga.
Biðin getur oft verið löng og
getur endað með því að aldraðir
liggi á legudeildum spítalans
svo vikum skiptir; ákveðin teppa
myndast á spítalanum þar sem
fólk á biðlistum kemst síður að og
biðlistar lengjast.
„Verkfallið hafði mest áhrif á
bæklunarlækningar, almennar
skurðlækningar, augnlækningar
og fleiri sérgreinar,“ segir Helga.
Ástæða þess var sú að ekki var
hægt að framkvæma stórar að­
gerðir þar sem þörf var á blóði
enda náttúrufræðingar hjá Blóð­
bankanum í verkfalli. Einungis var
hægt að sinna bráðatilfellum.
Fólki á biðlistum eftir bæklunar­
lækningum hefur fjölgað um 162
eða 25 prósent. Fólki sem bíð­
ur eftir almennum skurðlækning­
um hefur fjölgað um 131, eða 154
prósent, fjöldi á biðlista eftir augn­
lækningum hefur aukist um 334,
eða 37 prósent, og svo framvegis.
Hlutfall sjúklinga sem
beðið hafa lengi hækkar
Hlutfall þeirra sem verið hafa á
biðlistum í þrjá mánuði eða leng­
ur miðað við heildarfjölda þeirra
sem eru á biðlista á Landspítal­
ans fer hækkandi frá árinu 2013 til
2015 og nemur nú 64 prósentum.
Í fyrra var hlutfall sjúklinga
sem beðið höfðu lengur en þrjá
mánuði 58 prósent af öllum þeim
sem voru á bið­ og vinnulistum og
árið 2013 voru þeir 51 prósent.
Aldraðir sjúklingar
taka plássið
„Við erum, í vaxandi mæli, að með­
höndla sjúklinga sem eru aldraðir
og hafa fengið afgreiðslu á færni­
og heilsumati og bíða einfald­
lega eftir plássi utan spítalans. Þó­
nokkrir aldraðir sjúklingar liggja á
bráðalegudeild spítalans og dæmi
eru um að aldraðir sjúklingar liggi
þar í sjö mánuði vegna biðar,“ segir
Helga.
Ef reiknað er með því að meðal­
legutími fyrir mjaðmaaðgerð sé
fimm dagar væri hægt að afgreiða
42 sjúklinga sem beðið hafa eftir
þess konar aðgerð á sjö mánaða
tímabili. „Það þarf ekki nema eitt
svona tilfelli sem teppir þá eðli­
lega uppvinnslu af biðlista í þenn­
an tíma.“
Helga segir fráflæðisvandann
aðallega vera tilkominn vegna
skorts á hjúkrunarrýmum í þjóð­
félaginu, fyrst og fremst í Reykja­
vík, eða heimahjúkrun. „Ef
heimahjúkrun væri öflugri hér á
landi væri hægt að útskrifa ein­
hvern hluta þessa fólks heim.“
Í júní 2015 beið 71 sjúklingur
vistunarúrræða utan spítalans.
Þar af er 41 sjúklingur á Vífilsstöð­
um en þar bíða sjúklingar eftir vist
á hjúkrunarheimili, 13 sjúklingar
eru á öldrunardeildum Landakots
þar sem fram fer greining og mat á
heilsufari aldraðra auk endurhæf­
ingar, átta sjúklingar bíða á bráða­
deildum lyflækningasviðs, fimm
bíða á Grensásdeild og fjórir bíða á
bráðadeildum skurðlækningasviðs.
Allt í allt eru 17 manns sem bíða
Helgarblað 25.–27. júlí 2015
JEPPADEKK
Kletthálsi 3 | 110 Reykjavík | 540 4900 | www.arctictrucks.is
Rúmlega 1.000 bætast á biðlista Landspítalans
n Fjöldi einstaklinga á biðlistum eykst n Aldraðir liggja á legudeildum og teppa myndast
Birna Guðmundsdóttir
birna@dv.is
Biðlistar eftir
almennum
skurðlækningum
hafa lengst um
mánaða bið aldr-
aðra veldur töfum á
42 mjaðma-
aðgerðum sem
annars væri hægt
að framkvæma
154%
einstaklingar
hafa verið lengur
en þrjá mánuði á
biðlista
3.237
7
Kostnaður vegna
einstaka tilfellis er
hátt í
19
milljónir
Helga H. Bjarnadóttir Segir fjölgun á
biðlista Landspítalans tengjast verkföllum
og fráflæðisvanda.