Dagblaðið Vísir - DV - 25.07.2015, Blaðsíða 68

Helgarblað 25.–27. júlí 201524 Fólk Viðtal
og börnin sín, hefur litla þolinmæði
fyrir rugli, er reiðubúið að hlusta á
sjónarmið og rök og reynir að taka
sem bestar ákvarðanir.“
Ýmsir þingmenn tala um það að
andinn á Alþingi sé slæmur, er hann
það?
„Hann er auðvitað misjafn, en
milli þingmanna held ég að sé ekk­
ert verri stemmning en ég heyri
lýst frá öðrum vinnustöðum. Jafn­
vel betri. Þarna er fólk úr öllum átt­
um og mjög áhugaverðar samræð­
ur sem myndast oft. Ég velti því fyrir
mér hvort áhyggjur af Alþingi hafi
kannski verið of miklar undanfarið.
Það verða alltaf átök og það er eðli­
legt. Kannski er of mikil viðkvæmni
á ferðinni. Hvort að það sé kallað
fram í í ræðum skiptir til dæmis ekki
öllu máli. Framíköll geta alveg verið
fyndin, en þau geta líka verið þreyt­
andi þegar fólk er sífellt gasprandi.
En það eru fáir sekir um það.
Ég held að það þurfi að laga mjög
mikið á Alþingi og mér heyrist flest­
ir flokkar vera orðnir sammála um
mikilvægar umbætur. Ég myndi
vilja ganga mjög langt í breytingum,
en það verða allir að vera sam­
mála um það. Sumt er nokkuð aug­
ljóst. Minnihlutinn verður til dæm­
is að hafa einhver völd, annars
getur hann bara farið heim til sín –
og það er ekki lýðræði. Minnihlut­
inn endurspeglar ákveðnar skoðanir
og er fulltrúi stórs hluta þjóðarinnar.
Það er hins vegar ekki gott að einu
völdin sem minnihlutinn hafi sé
að hertaka pontuna. Minnihlutinn
þarf önnur tól, eins og málskotsrétt
til þjóðarinnar. Málþóf sóar tíma og
hefur ömurleg áhrif á ásjónu þings­
ins. Stundum skilur maður ekki af
hverju hlutunum er hleypt í svoleið­
is óefni. Af hverju er ekki sest nið­
ur fyrr og rætt saman? Kannski er
það hluti af þeim pólitísku leikjum
sem eru í gangi að kjósa átök til að
hylja yfir stefnuleysi á öðrum svið­
um, eða efna til málþófs bara til að
skapa sér stöðu svona til öryggis. Ég
hef litla þolinmæði gagnvart þessum
leikjum.
Ég upplifi stjórnmál sem hrúgu
af mikilvægum og spennandi verk­
efnum sem þarf að takast á við.
Stundum er þeim tíma sem þarf til
að ræða þessi verkefni varið í tómt
bull og vitleysu. Ég nenni ekki slíku.“
Hvernig meturðu störf ríkisstjórnar-
innar?
„Við upphaf þessa kjörtímabils
voru að mörgu leyti einstakir tímar,
það var hægt að gera ótal hluti
og byggja upp nýtt Ísland. Það er
auðvitað enn hægt, en eftir þessa
miklu lægð var algjörlega fyrirséð
að það yrði uppgangur í efnahags­
lífinu. Mér finnst að þann uppgang
hefði þurft að nýta mun betur. Mjög
fá frumkvæðismál hafa komið frá
ríkisstjórninni. Skuldaniðurfellingin
fannst mér arfaslæm því þar var
verið að henda peningum í stað þess
að byggja upp til framtíðar.
Það hefði þurft að halda áfram
við stjórnarskrárvinnuna sem nú er í
mýflugumynd. Ég ætla samt ekki að
gefa upp vonina. Það þarf að breyta
miklu í stjórnskipan landsins. Ýmis
uppbyggingarverkefni voru komin í
startholurnar, eins og sóknar áætlun
landshluta, fjárfestingaráætlunin
sem við í BF höfðum frumkvæði að,
og uppbygging græna hagkerfisins.
Þetta eru allt hlutir sem við vær­
um núna að sjá ríkulegan afrakstur
af, hefði ekki verið hætt við þá. Það
er ein fjöður í hatti þessarar ríkis­
stjórnar, sem eru frumvörpin um
afnám hafta. Þar stóð Bjarni Bene­
diktsson sig vel, og starfsmenn ráðu­
neytisins og Seðlabankans. Ég held
að innra ósætti í ríkisstjórninni hafi
gert að verkum að því verki seinkaði.
Þetta var sú leið sem flestir voru að
kalla eftir fyrir löngu síðan. Höftin
hafa ekki verið afnumin með þessu,
þótt skref hafi verið stigin. Við þurf­
um að ræða hvaða gjaldmiðill hent­
ar þjóðinni best. Það er ekki verið að
gera það.
Mér finnst þetta vera ríkisstjórn
glataðra tækifæra.“
Fjölskyldan gríðarlega mikilvæg
Stjórnmálamenn kvarta undan því
að þeir hafi lítinn tíma fyrir fjöl-
skylduna, hvernig er með þig?
„Mér tekst ágætlega að samnýta
stjórnmálastarfið og fjölskyldulífið.
Ef einhver stingur upp á fundi á
sunnudegi þá tek ég fálega í það.
Set upp svip. Mér finnst að fólk eigi
að fá að vera í friði á sunnudögum.
Ég held að samfélagsmiðlar hafi líka
breytt þessu, maður er í tengslum
við fólk á svo margan annan hátt en
endilega að sitja fundi fram á kvöld
eða um helgar.
Fjölskyldan er svo gríðarlega
mikil væg og ég held að það hafi verið
hryggð fyrir marga sem stóðu í þessu
pólitíska stússi í gamla daga að missa
af uppeldi barna sinna.“
Guðmundur er kvæntur Alexíu
Björgu Jóhannesdóttur leikkonu og
saman eiga þau soninn Jóhannes
Hermann sem er sex ára. Guðmundur
á dóttur frá fyrra sambandi, Eddu Liv,
ellefu ára. „Jói er byrjaður að lesa og
er mjög spenntur fyrir því að byrja
í Melaskólanum. Edda mín býr í
næstu götu við okkur og er viku hjá
mömmu sinni og viku hjá okkur.“ Sú
tilhögun leiðir talið að málum sem
Guðmundur hefur barist fyrir á þingi
og varða réttindamál barna og for­
eldra þeirra eftir skilnað.
„Það sem maður reynir á eigin
skinni hefur oft þau áhrif að maður
beitir sér í þeim málum,“ segir hann.
„Ég sá mjög greinilega að aðstöðu­
munurinn milli þeirra sem teljast
umgengnisforeldrar og lögheimilis­
foreldrar er bjánalegur. Allir laga­
bálkar eru skrifaðir eins og börn
búi bara á einum stað meðan stað­
reyndin er sú að þegar svona er kom­
ið þá fara þau á milli heimila. Það er
miklu meira um það nú en áður að
foreldrar reyni að ala upp börnin sín
saman eftir skilnað og þá verður lög­
gjafinn að búa til umgjörð.
Frumvarp um umgengnis­
foreldra og tvöfalt lögheimili barna
er að verða að veruleika eftir þings­
ályktunartillögu sem ég lagði fram.
Það er fáránlegt að umgengnisfor­
eldri sé ekki skráð foreldri. Í því
felst líka gömul kynjapólitík því
yfir leitt eru það karlarnir sem eru
umgengnisforeldrið. Kerfið er að
segja þeim að eftir skilnað séu þeir
ekki lengur foreldri, sem er ótrú­
leg vitleysa. Ég hef líka barist fyrir
því að dómarar fengju heimild
til að dæma sameigin lega forsjá í
skilnaðarmálum, sem ég held að
hafi mikla þýðingu í lífi þeirra sem
standa í þannig málum, einkum
barnanna.“
Áður en Guðmundur sneri sér
að stjórnmálum lék hann í hljóm­
sveitum. Tónlistin er ekki eina
listgreinin sem hann hefur sinnt,
því hann hefur skrifað skáld­
sögu og barnabók. Smíðar eru svo
nýjasta áhugamál hans. „Ég hef
mjög gaman af því að búa hluti til.
Á undanförnum árum hef ég tekið
upp á að smíða og er alltaf að læra
eitthvað nýtt. Mér finnst þetta feiki­
skemmtilegt. Þessa dagana erum
við að gera upp hús í Vesturbæn­
um, byggja kvist og svalir, klæða
með timbri og skipta um glugga,
svo eitthvað sé nefnt. Yfir leitt sem
ég við iðnaðar menn um að ég vinni
með þeim og ég smíða líka mikið
sjálfur með tengdapabba og mág­
um mínum og vinum. Ég hef líka
verið að smíða hús uppi í sveit með
fjölskyldunni.“
Margar hugmyndir að bókum
Árið 2003 kom út skáldsaga Guð­
mundar, Áhrif mín á mannkyns­
söguna. „Hún fékk skelfilega
dóma,“ segir hann. „En ég var nokk­
uð ánægður með hana og ég hitti
stundum fólk sem fannst hún góð.“
Hann á aðra óbirta skáldsögu í
handriti. „Það er langt síðan ég skrif­
aði hana. Hún heitir 2004 og gerist á
þeim tímapunkti þegar ruglið var að
byrja og fjallar um fólk í rugli. Ég les
hana stundum og hugsa: Já, hún er
ágæt! En svo hugsa ég líka: Æ, ég er
ekki alveg viss.
Ég skrifaði líka eina barnabók,
Svínið Pétur. Ég les hana stundum
fyrir krakkana. Mig langar til að
semja aðra sem heitir Svínið Pétur
fer í kapp. Þar skora hin dýrin á
Pétur í kapp í kringum Ísland og
öll dýrin búa til gildrur og lenda
hvert í gildrum annars, nema svínið
Pétur sem er algjör hippi, á einum
sandala og með gítar. Hann vinnur
með því að halda sínu striki og vera
ekki með nein bellibrögð.
Ég er með margar hugmyndir í
kollinum að bókum og skáldsögum
sem mig langar til að skrifa ein­
hvern tímann. Þar á meðal er bók
um stjórnmálin og hvernig þau
blasa við mér. Bók sem yrði lík­
lega að hluta til sjálfsævisöguleg
og heimspekileg. En svo langar mig
líka til að skapa meiri tónlist. Ég sé
fyrir mér að verða gamall dimm­
raddaður skeggjaður karl með gítar
einhvern tímann og syngja róleg lög
um lífið, dauðann, kærleikann og
ástina.“ n
„Það er töluverður
munur á kúltúr hjá
okkur og Samfylkingunni
og Vinstri grænum og við
nálgumst hlutina öðru-
vísi. Ég er ekki tilbúinn að
stíga inn í þeirra kúltúr.
Listamaðurinn
Hann hyggst skrifa
fleiri bækur og gera
meira í tónlist.
Mynd ÞorMar Vignir
Sími 568-5556 www.skeifan.is
Föst sölulaun
Sölulaun eigna
yfir 60 milljónum
aðeins 1% með vsk
upp að 60 milljónum
299.900.- með vsk
VantaR – VantaR
Vegna mikillar sölu vantar
allar stærðir eigna á skrá.
Eysteinn Sigurðsson
Löggiltur fasteignasali / Sími: 896-6000
eysteinn@skeifan.is / skeifan.is
Magnús Hilmarsson
Sölumaður / Sími: 896-6003
magnus@skeifan.is / skeifan.is
Sigurður Hjaltested
Löggiltur fasteignasali / Sími: 821-5400
sigurdur@skeifan.is / skeifan.is
Sími 568-
5556 www
.skeifan.is