Dagblaðið Vísir - DV - 25.07.2015, Síða 12

12 Fréttir Erlent Helgarblað 25.–27. júlí 2015
dk Viðskiptahugbúnaður
- Þróaður fyrir íslenskar aðstæður
- Öruggur, einfaldur í notkun og veitir
góða yfirsýn yfir rekstur fyrirtækisins
- Yfir 5.000 fyrirtæki á Íslandi nýta sér
þjónustu okkar
dk POS afgreiðslukerfið
- Hraðvirkt og einfalt í notkun
- Eitt öflugasta afgreiðslukerfið á markaðnum í dag
- Yfir 900 afgreiðslukerfi um land allt
dk Vistun
- Heildarlausn í hýsingu forrita og gagna
- Örugg vistun og framúrskarandi þjónusta
dk hugbúnaður
Bæjarhálsi 1, 110 Reykjavík
Sími: 510 5800
www.dk.is
Íslenskur hugbúnaður í 16 ár
Veldu íslenskan
hugbúnað
„Við erum að leita
að þér, elsku barn“
n Deorr Kunz, tveggja ára, hvarf af tjaldstæði í Idaho n Tveggja vikna leit hefur engan árangur borið
H
ver myndi vilja skaða
okkur svona?“ spyr Jessica
Mitchell, móðir tveggja
ára drengs sem hvarf
þegar hann var í útilegu
með foreldrum sínum fyrir tólf
dögum. Hvorki tangur né tetur
hefur fundist af drengnum, Deorr
Kunz, þrátt fyrir víðtæka leit. Sorg
foreldra hans er mikil og telja þau
að drengurinn hafi verið num­
inn á brott. „Hann fer aldrei neitt
án þess að hafa með sér glasið
sitt, teppið sitt og leikfangaapann
sinn,“ segir Jessica. „Þetta þrennt
varð eftir á tjaldsvæðinu.“
Jessica Mitchell og sambýlis­
maður hennar, nafni drengsins,
Deorr Kunz eldri, fóru með
drengnum, auk langafa drengs­
ins og fleirum, í útilegu þann 10.
júlí síðastliðinn á afviknum stað
í Idaho í Bandaríkjunum. Þegar
foreldrarnir brugðu sér frá hvarf
drengurinn.
Hvarf á 20 mínútum
Það var klukkan hálf þrjú þann
10. júlí sem foreldrar drengs­
ins höfðu samband við lögreglu
og óskuðu eftir aðstoð við leit, en
þá hafði drengurinn verið með
langafa sínum og félaga hans
og horfið. Foreldrar hans höfðu
brugðið sér í göngu um svæðið og
töldu að drengurinn væri í örugg­
um höndum langafa hans. Hann
taldi hins vegar, þegar hann fann
ekki drenginn, að barnið væri með
foreldrum sínum. Barnið var því
eitt í um 20–45 mínútur og á þeim
tíma virðist hann hafa horfið.
Móðir drengsins segir að þau hafi
verið á afviknum stað. Þau töldu
að drengurinn gæti alltaf verið í
augnsýn langafans.
„Smá göngutúr“
„Við ákváðum að fá okkur smá
göngutúr,“ segir faðir drengsins.
„Þetta er lítið svæði – það er það
sem margir virðast ekki skilja. Þeir
virðast bara draga þá ályktun að
við höfum skilið hann eftir. Þetta
svæði er ágætlega afgirt og það er
í raun ekki nein leið til þess að sjá
hann ekki,“ segir hann. Þau höfðu
leitað í 20 mínútur þegar þau
höfðu samband við lögregluna.
„Við erum að leita að þér, elsku
barn, við munum finna þig. Við
elskum þig meira en allt í heimin­
um. Það eru margir sem elska þig
og vinur – við munum finna þig.“
Leita áfram án lögreglunnar
„Fótgetinn hefur sagt okkur að
hann hafi aldrei vitað annað eins,“
segir amma drengsins, Trina Bates
Clegg. „Þeir hafa útilokað þann
möguleika að hann hafi runnið út
í lækinn.“
Fjölskyldan heldur leitinni
áfram en lögregla hefur ákveðið að
stöðva skipulagðar leitaraðgerðir.
Ástæðan er sú að talið er að allt
svæðið hafi verið kembt af mikilli
nákvæmni. Notaðar hafa verið
þyrlur, leitarhundar, leitarhópar,
kafarar, sundmenn, hestar auk
þess sem hitamyndavélar hafa ver­
ið notaðar. 300 manns hafa aðstoð­
að við leitina í heild. Foreldrarnir
hafa margboðist til þess að fara
með lögreglunni og undirgangast
próf í lygamæli. Þau telja líklegast
að drengurinn hafi verið numinn á
brott. „Ef einhver hefur tekið hann
þá biðjum við viðkomandi um að
skaða hann ekki. Komdu honum
bara heim þar sem hann er örugg­
ur,“ segir móðir hans og segist trúa
því að drengurinn sé enn á lífi,
tæpum tveimur vikum eftir hvarf
hans. „Hann er okkur allt.“ Fóget­
inn í Leadore í Idaho segist sjálfur
ekki telja foreldrana eða aðra sem
voru í ferðinni ábyrga fyrir hvarf­
inu og segist skilja að þau voni að
drengurinn hafi verið numinn á
brott þar sem það auki líkurnar á
því að hann sé enn á lífi. n
Ásta Sigrún Magnúsdóttir
astasigrun@dv.is
„Við ákváðum
að fá okkur smá
göngutúr.
Mæðgin „Hann fer aldrei neitt án þess
að hafa með sér glasið sitt, teppið sitt og
leikfangaapann sinn,“ segir Jessica, móðir
drengsins.
Auglýst eftir
drengnum For-
eldrarnir hafa útbúið
þessar auglýsingar
með myndum af
barninu í von um að
hann finnist.
Blaðamenn hurfu
Fóru til Sýrlands til að fjalla um borgarastríðið
F
jórir spænskir blaðamenn eru
horfnir í Sýrlandi. Mennirnir
voru þar í landi til að fylgja eft­
ir umfjöllun um borgarastríðið í
Sýrlandi. Mennirnir, Antonio Pmapli­
ega, Jose Manuel Lopez og Angel
Sastre, voru að störfum í norðurhluta
Aleppo en þeir voru sjálfstætt starf­
andi blaðamenn í lausamennsku.
Spænsku blaðamanna samtökin segja
að þeir hafi verið að vinna saman.
Sýrland er talið vera hvað hættulegast
fyrir blaðamenn og almenna borgara.
Fjölmargar fréttastofur hafa kall­
að til baka mannskap sinn frá rík­
inu, enda ástandið mjög óstöðugt og
mannfallið mikið. Japanskur blaða­
maður, Jumpei Ysaunda, hefur ekk­
ert látið í sér heyra frá komunni til
Sýrlands fyrir mánuði og er óttast um
afdrif hans. lsa Gonzalez, formað­
ur spænska blaðamannafélagsins,
segir mennina hafa verið að störfum
saman og að þeir hafi komi til Sýr­
lands frá Tyrklandi þann 10. júlí og
horfið þann 13. júlí síðastliðinn.
Meðlimir ISIS hafa ítrekað rænt
blaðamönnum og myrt. Þeir hafa
hrifsað til sín norður­ og austurhluta
Aleppo. n
Hurfu í
Sýrlandi
Angel Sastre
er einn blaða-
mannanna
fjögurra.