Dagblaðið Vísir - DV - 25.07.2015, Síða 21

Helgarblað 25.–27. júlí 2015 Umræða 21
Minnistöflur
www.birkiaska.is
Bætir skammtímaminnið. Nýtist fólki sem
er undir álagi og fæst við flókin verkefni.
Hentar vel eldri borgurum, lesblindum og
nemendum í prófum. Dregur úr streitu,
eykur ró og bætir skap.
Bodyflex
Strong
Bodyflex Strong mýkir liðamót og dregur
úr verkjum í þeim og styrkir heilbrigði
burðarvefja líkamans. Inniheldur hvorki
laktósa, ger, glúten né sætuefni. 
Birkilaufstöflur
Birkilauf (Betulic) hefur góð áhrif á vökva-
jafnvægi bæði líkama og húðar og örvar
starfsemi nýrna og þvagfæra. Hraðar
efnaskiptum, losar vatn úr líkamanum og
dregur úr bólgum.
Evonia færir hárrótinni næringu og styrk
til þess að efla hárvöxt. Evonia er hlaðin
bætiefnum sem næra hárið og gera það
gróskumeira.
Bætiefni ársins í Finnlandi 2012.
Evonia
Landnámsmenn tóku vissulega með
sér dýr á skipum sínum, búfé, hunda
og hesta, en að sjálfsögðu tók það
engar hjarðir, og næstum örugglega
ekki fullorðin dýr á stærð við hross
eða nautgripi um borð í sín fley til
úthafssiglingar. Þetta hafa verið fá-
ein lömb og kálfar, folöld og kið. Á
skipunum höfðu eflaust mýs komið
sér fyrir, mýs sem síðan eru íslenski
músastofninn, en þeirra sá ekki stað
fyrir landnám. Og ketti hafa land-
námsmenn tekið með sér á skipun-
um, til að sporna gegn því að nagdýr-
in spilltu vistum um of.
Víkingaskip úr Dýrafirði
Eins og ég nefndi þá hef ég spurnir
af því að hingað til Reykjavíkur séu
menn komnir með víkingaskip og
ætli að bjóða upp á skoðunarferð-
ir um Sundin. Ég hitti þessa menn,
en þeir sigldu hingað frá Dýrafirði.
Sögðu að ferðin hefði gengið af-
bragðsvel, að vísu hefði vindur ekki
verið þeim hagstæður svo að drjúgan
spöl hafi þeir farið á vél, en að áber-
andi hafi verið hvað skipið lá bet-
ur og fór betur í sjónum þegar siglt
var með segli. En í skoðunarferð á
svona skipi um Sundin er kjörið að
reyna að ímynda sér hvað bar fyr-
ir augu þegar fyrsti landnámsmað-
urinn var á siglingu á sama stað og
á sams konar skipi á sínum tíma. Þá
var nesið að sjálfsögðu óbyggt, sjálf-
sagt kjarri vaxið að mestu og gufur
stigu upp úr heitum hverum og lind-
um. Mikið fuglalíf en engin spendýr
á eyjunni allri nema heimskautarefir
sem borist höfðu með rekís og aðlag-
ast lífinu hér, orðið íslenskur stofn;
stundum bárust líka hvítabirnir, en
þeir þrifust ekki hér.
Útnes eða gróðursæl héruð
Þótt sjálfsagt sé að trúa því að nafn-
greindir landnámsmenn hafi ver-
ið til, þá slæðast oftast inn í sögur
af þeim einhvers konar mýtur eða
goðsagnir, um leiðsögn úr hærri
stöðum, og það á auðvitað við um
öndvegissúlur Ingólfs, eða kistuna
utan um hinn tunglsjúka Kveldúlf í
Egils sögu. Enda skýringarnar á því
hvar landnámsmenn beggja sagna
völdu sér búsetu miklu nærtæk-
ari. Þrælar Ingólfs sögðu hann hafa
til lítils farið um gróðursæl héruð til
að byggja útnes þetta, en þá er hins
að minnast að hann hafði fyrst um
sinn ekkert gagn af grösugum engj-
um. Eins og áður var nefnt þá höfðu
þeir ekki búsmala að gagni fyrstu
árin, gátu því ekki lifað af landbún-
aði, og þá er auðvelt að sjá hvað það
var við Reykjavík sem gerði stað-
inn aðlaðandi til búsetu fyrir land-
námsfólk. Rétt eins og er svo fallega
sagt frá í Egils sögu um landnám
Skallagríms í Borgarfirði varð hann
að lifa á veiðum fyrstu árin, á meðan
„fé hans gekk fram“, og hér á Reykja-
víkursvæðinu var nóg hægt að sækja
í villta náttúruna. Hér var augljós-
lega selur, sbr. ýmis örnefni eins og
Seltjarnarnes og Kópavogur, og að
auki fugl og egg – álftir, æður, endur,
gæsir, lundi, skarfur o.s.frv. Og veiði í
sjó, stutt á gjöful fiskimið, og kannski
hægt að skutla hvali og rostunga, sbr.
„Rosmhvalanes“ sem er ekki langt
undan. Svo voru menn sjálfsagt á
útkikki eftir grindhvalavöðum, að
hætti Færeyinga, mig minnir að það
heiti marsvín á okkar tungu, og það
hefur verið ólítil búbót að ná slíku
á land; hreinasti hvalreki (sem kom
örugglega líka). Og svo allur laxinn
í Elliðaánum; einhver giskaði á að
þeir hefði kannski þurrkað upp árn-
ar með stíflum þegar laxagengd var
mest, og svo tínt hann upp.
Gósenland
Ég held það sé óhætt að fullyrða að
landnámsmönnum hafi fundist hér
drjúpa smjör af hverju strái. Og því
byggt sér glaðir hús niðri í Kvosinni,
sem er reyndar vindasamari í dag
en flest önnur hverfi á höfuðborgar-
svæðinu, en það hafi verið einhverjir
kostir á móti, lækur, tjörn og stutt til
skástu hafnar. n
Ingólfur Arnarson
„Það er engin sérstök
ástæða til að halda að
Ingólfur hafi ekki verið til.“
Ingólfur, landnámið og víkingarnir