Dagblaðið Vísir - DV - 25.07.2015, Side 74

Helgarblað 25.–27. júlí 201530 Sport
10 bestu kaupin
það sem af er sumri
Sumarglugginn í enska
boltanum er sá stærsti á
hverju ári. Tvö af vinsæl-
ustu liðunum hjá íslensk-
um knattspyrnuáhuga-
mönnum, Manchester
United og Liverpool,
hafa verið liða dug-
legust á markaðnum
það sem af er sumri. En
deildin hefst eftir aðeins
15 daga. Hér eru tíu bestu
kaup sumarsins.
Hjörvars Hafliðasonar
Hápressa
1 Raheem Sterling Til Man City Frá Liverpool Manuel Pellegrini, knattspyrnustjóri Manchester City, stóð frammi fyrir því verkefni eftir síðustu leiktíð
að þurfa að yngja leikmannahóp sinn. Hann gekk strax í verkið og sótti efnilegasta leikmann
Englands, Raheem Sterling. Ótrúlegt en satt þá er Sterling aðeins tvítugur en fáir drengir í Evrópu
hafa hans reynslu af toppfótbolta. Á síðustu leiktíð var hann besti leikmaður Liverpool, spilaði
52 leiki og skoraði 11 mörk. Sterling er fljótur og með mun með meiri leikskilning en hann fær
stundum hrós fyrir. Afar fjölhæfur leikmaður sem á síðustu leiktíð lék sex mismunandi stöður fyrir
Liverpool. SAS-samstarfið (Silva–Aguero–Sterling) verður eitt það mest spennandi á leiktíðinni.
2 Memphis Depay Til Man Utd frá PSV
Memphis er svo hæfileikaríkur að það er
fáránlegt. Hann hefur til að bera til þess að
verða ofurofurstjarna. Mögnuð blanda af
hraða, sprengikrafti, styrk og tækni gerir
Memphis að martröð varnarmanna. Getur
leikið út á væng, í holunni og frammi. En
þrátt fyrir alla hæfileika hans gæti allt far-
ið á versta veg. Memphis vill gera hlutina
á sinn hátt. Hann er sagður óhlýðinn og
erfiður oft og tíðum í samskiptum.
5 Yohan Cabaye Til Crystal Palace frá PSG Það segir mikið um Allan Pardew að honum tókst að sann-
færa Yohan Cabaye um að koma til sín í höfuðborgina og ganga
til liðs við Crystal Palace. Cabaye líkar mjög vel að spila í ensku
úrvalsdeildinni. Hann er frábær skotmaður, tekur góð föst leikatriði
og á eftir að styrkja Pardew og félaga heilmikið á næstu leiktíð.
8 Gerard Deulofeu Til Everton frá Barcelona
Leikmaður sem stuðningsmenn Everton
muna vel eftir frá leiktíðinni 2013/2014
þar sem litli kantmaðurinn heillaði áhorf-
endur á Goodison Park upp úr skónum.
Hann getur búið til eitthvað úr engu með
hraða sínum og ótrúlegri tækni. Nú er
hann alfarið kominn til Everton en á þar
síðustu leiktíð var hann lánsmaður.
9 James Milner Til Liverpool frá Man City
Enski landsliðsmaðurinn maður hélt sig
í nágrenni við Mersey-ána og er mættur
til Liverpool. Kosti Milners þekkja flestir
knattspyrnuáhugamenn. Hann er mjög
stöðugur miðjumaður, sjaldnast frábær og
nánast aldrei lélegur. Hann vill spila meira
á miðri miðjunni og við gætum séð hann og
Jordan Henderson mynda öflugt par þar.
3 Petr Cech Til Arsenal frá Chelsea Loksins, loksins er
Arsenal komið með alvöru markmann. Einn
slíkan hefur Arsenal ekki átt síðan leiktíðina
2005/2006 sem var síðasta góða leiktíð Jens
Lehmann. Vissulega eru 11 milljónir punda
fyrir 33 ára leikmann galin upphæð en ef allt
er eðlilegt á Cech fimm góðar leiktíðir eftir.
Manchester United keypti Edwin van der Saar
35 ára og það gekk ágætlega. Það er óþarfi
að nefna kosti Cech, þá þekkja allir.
4 Christian Benteke Til Liverpool frá Aston Villa Þarna sótti Liver-pool skrímslið í framlínuna sem liðið þurfti. Óhemju líkamlega hraustur, frábær í loft-
inu og mikill markaskorari. Að hafa leikið síðustu þrjár leiktíðir með Aston Villa en ná samt
að vera með tölfræðina mark í öðrum hvorum leik er magnað því Aston Villa hefur spilað
stífan varnarleik á undanförnum árum. Eina spurningarmerkið er heilsa kappans. Hann sleit
hásin í fyrra sem þýddi að hann missti af HM og var nokkuð lengi að komast í sinn gír.
6 Bastian Schweinsteiger Til Man Utd frá Bayern München Einn besti miðjumaður heims undan-
farinn áratug. Fæddur sigurvegari sem unnið hefur nánast allt sem
hægt er að vinna í fótboltanum. Besti leikmaðurinn í úrslitaleiknum
gegn Argentínu í Ríó í fyrra. Schweini, sem er orðinn þrítugur, er
góður sendingamaður og góður skotmaður. En auk þess er hann
harðhaus á miðjunni með mikinn leikskilning og er hann mjög
leikreyndur (111 landsleikir fyrir Þýskaland).
7 Toby Alderweireld Til Tottenham frá A. Madrid
Þvílík kaup hjá Daniel Levy og Tottenham.
Toby er öflugur varnarmaður eins og við sáum
hjá Southamton á síðustu leiktíð. Belginn
er góður miðvörður en getur einnig leikið á
miðjunni. Hann hefur einmitt rétta hrokann
til að spila hjá liði eins
og Tottenham.
10 Georginio Wijnaldum Til Newcastle frá PSV
Steve McClaren knattspyrnustjóri fékk Mike
Ashley, eiganda Newcastle, heldur betur
til að rífa fram budduna þegar hann gerði
sín fyrstu kaup sumarsins í fyrirliða PSV,
Georginio Wijnaldum (14,6 milljónir punda).
Miðjumaðurinn var lykilmaður á miðjunni í
meistaraliði PSV. Mjög sóknarsinnaður með
góðan hægri fót.
„Loksins,
loksins er
Arsenal komið
með alvöru
markmann
Sandur sem mótast eins og
leir og þornar aldrei upp.
Skilur ekkert eftir sig og
er auðvelt að þrífa upp.
Magic Sand
Heitasta æðið í heiminum í dag !
Skapandi og skemmtilegt,
örvar skynjunarfærni allra. nÚ Á
ÍSLandi
Fæst í Fjarðarkaupum