Dagblaðið Vísir - DV - 29.12.2015, Page 71

Fréttir 43Áramótablað 29. desember 2015
HRYÐJUVERKAÓGN, UMSÁTUR OG FÁRVIÐRI
 Synti í land Lítil flugvél hrapaði
í sjóinn við Leirvogstungu í Mosfellsbæ.
Flugmaðurinn slapp með skrekkinn og synti
sjálfur í land. Mynd Sigtryggur Ari
 Slys við Reykdals-
stíflu Betur fór en á horfðist þegar tveir
drengir, bræður, festust í fosshyl undir
Reykdalsstíflu í Hafnarfirði. Piltarnir, og
maður sem reyndi að bjarga þeim,
björguðust með naumindum. Mynd Sigtryggur Ari
 Stjórn SPRON fyrir dómi Aðalmeðferð í máli sérstaks saksóknara
gegn fyrrverandi forstjóra og stjórnarmönnum SPRON hófst í Héraðsdómi Reykjavíkur í
júníbyrjun. Allir ákærðu voru sýknaðir af því að hafa veitt Exista tveggja milljarða lán án
trygginga. Mynd Sigtryggur Ari
 Sýknaðir af hópnauðgunarákæru Fimm piltar voru síðla
árs sýknaðir af ákæru um hópnauðgun í íbúð í Breiðholti. Einn þeirra var sakfelldur fyrir að gera
myndskeið af verknaðinum. Niðurstaðan vakti talsverð viðbrögð í samfélaginu. Mynd Sigtryggur Ari
 Viðskiptabann á Ísrael Borgarstjórn Reykjavíkur samþykkti umdeilda
tillögu um að sniðganga ísraelskar vörur í september. Ákvörðunin var að lokum dregin til baka
eftir nokkurt þóf. Borgarstjóri sagði ákvörðunina hafa verið illa undirbúna. Mynd Sigtryggur Ari
 Leitað að Herði
Björnssyni Björgunarsveitir hófu í
október ítarlega leit að Herði Björnssyni, 25
ára. Einkanlega var leitað í Laugarnesi og í
Hveragerði. Hörður er ófundinn þegar þetta
er ritað. Mynd Sigtryggur Ari
 Perlan í kafi Dæluskipið Perla sökk í Reykjavíkurhöfn eftir að hafa verið í slipp.
Brösuglega gekk að ná skipinu á flot, en það hafðist þó eftir nokkrar tilraunir, tveimur vikum
eftir að skipið sökk. Mynd Sigtryggur Ari
 Friða hálendið
Andri Snær Magnason og Björk Guðmunds-
dóttir héldu í nóvember blaðamannafund til
þess að vekja athygli á nauðsyn þess að
friða hálendi Íslands gegn frekari
virkjunaráfomum. Fundinn héldu þau í
kjölfar yfirlýsinga Camerons, forsætisráð-
herra Bretlands, og Sigmundar Davíðs
Gunnlaugssonar um áform um sölu á
rafmagni til Bretlandseyja um sæstreng.
Mynd Sigtryggur Ari
 Flugslys á Reykjanesi Tveir menn létust í flugslysi í hrauni á
Reykjanesskaga þann 12. nóvember síðastliðinn. Mynd Sigtryggur Ari
 Djúpar lægðir Tvær kröftugar lægðir fóru yfir landið í desemberbyrjun. Sú fyrri
með mikilli ofankomu en hin seinni með meiri vindhraða en mælst hafði um árabil. Mynd Sigtryggur Ari
 Ásta Kristín sýknuð Ásta Kristín Andrésdóttir var í desember sýknuð af ákæru um manndráp af gáleysi í störfum
sínum sem hjúkrunarfræðingur á Landspítalanum. Fagnaðarlæti brutust út í dómsal þegar dómurinn var kveðinn upp. Saksóknari áfrýjaði
ekki. Mynd Sigtryggur Ari