Fréttatíminn - 19.02.2016, Page 42
www.odalsostar.is
GOUDA STERKUR
KRÖFTUGUR
Íslenskur Gouda-ostur hefur verið á boðstólum á
Íslandi frá árinu 1961. Fyrirmynd ostsins er hinn
frægi Gouda, frá samnefndum bæ í suðurhluta
Hollands. Gouda Sterkur er lageraður í sex
mánuði. Mjúkur, bragðmikill og þroskaður ostur
með skörpu bragði, sveppatónum, kryddkeimi
og langvarandi eftirbragði. Hentar við flest öll
tækifæri, hvort sem er á ostabakkann eða til að
setja punktinn yfir i-ið í matargerðinni.
Einkaspæjarinn Geir Selvik
Malthe-Sørenssen vakti
heimsathygli þegar hann full-
yrti að norska lögreglan hefði
falsað sönnunargögn gegn
hinum njósnadæmda Arne
Treholt. Þegar dagblaðið
Verdens Gang komst yfir upp-
tökur af símtölum spæjarans,
komu blekkingar hans sjálfs
í ljós.
Þóra Tómasdóttir
thora@frettatiminn.is
Enn á ný ratar mál Arne Treholt
fréttirnar og í þetta sinn vegna
afhjúpunar á lygum eins helsta
stuðningsmanns njósnarans.
Einkaspæjarinn, blaðamaðurinn
og rithöfundurinn Geir Selvik
Malthe-Sørenssen olli usla með
bókinni Fölsunin, eða Forfalskn-
ingen, sem kom út árið 2010 og
fjallaði um hvernig sekt Treholt
var knúin fram með blekkingum
lögreglunnar. Fullyrðingarnar
byggði Malthe-Sørenssen meðal
annars á upplýsingum frá ónafn-
greindum heimildarmanni úr
norsku leyniþjónustunni sem hann
sagði þjást af samviskubiti. Bókin
varð heljarinnar fréttaefni og þóttu
upplýsingarnar kúvending í þessu
risastóra máli.
Treholt og lögmaður hans, Har-
ald Stabell, voru himinlifandi með
bókina og sögðu hana staðfesta
kenningar þeirra. Treholt hafði
í þrígang sótt um endurupptöku
málsins og óskaði eftir því í fjórða
sinn þegar bókin kom út, sem
hann sagði varpa nýju ljósi á málið.
Endurupptökunefndin var ekki
sannfærð og synjaði beiðni Treholt
í fjórða sinn.
Um síðustu helgi komu hins-
vegar fram ný gögn í málinu en þau
eru langt frá því að hjálpa málstað
Treholt. Þau sýna svo ekki verður
um villst að Malthe-Sørenssen laug
um tilvist heimildarmannsins og
blekkti bæði Treholt og lögmann
hans.
Föðurlandssvikarinn gómaður
Arne Treholt var vel þekktur stjórn-
málamaður norska Verkamanna-
flokksins og gegndi stöðu skrif-
stofustjóra og talsmanns norska
utanríkisráðuneytisins þegar hann
var handtekinn snemma árs 1884,
á leið á fund með herforingja sov-
ésku leyniþjónustunnar.
Ári síðar var hann dæmdur í 20
ára fangelsi fyrir föðurlandssvik
og njósnir fyrir Sovétríkin og Írak.
Hann viðurkenndi aðeins hluta af
sakarefnunum, að hafa miðlað við-
kvæmum upplýsingum til sovésku
leyniþjónustunnar, KGB, og að hafa
selt leynilegar upplýsingar til Íraks
Saddams Hussein. Hann var hins-
vegar sakfelldur fyrir áralangar og
umfangsmiklar njósnir og að hafa
stefnt öryggi norsku þjóðarinnar í
mikla hættu.
Treholt-málið er eitt umfangs-
mesta njósnamál sem upp hefur
komið í Noregi og hefur verið til
umfjöllunar í meira en þrjátíu ár.
Margir efuðust um sekt Treholt og
hafa rannsóknaraðilar ítrekað verið
tortryggðir. Ekki síst af Treholt
sjálfum sem þráfaldlega neitaði
að hafa verið njósnari og skýrði
hremmingar sínar með því að hann
hafi verið leiksoppur í köldu stríði.
Helsta sönnunargagnið gegn
Treholt var skjalataska með seðlum
sem fannst við húsleit á heimili
hans. Peningana átti Treholt að
hafa fengið fyrir upplýsingar sem
hann lét Sovét-
mönnum í té.
Arne Treholt
sat í fangelsi í átta
og hálft ár þar til
hann var náðaður
af ríkisstjórn Gro
Harlem Brundt-
land af heilsufars-
ástæðum. Hann
fór þá aftur til
Rússlands og sneri
sér að viðskiptum.
Hann er orðinn
73 ára gamall og
býr á Kýpur og í
Moskvu til skiptis.
Harald Stabell
er reyndur og
virtur lögmaður
í Noregi og hefur
unnið við að fá
mál Treholt endurupptekið frá
árinu 2005. Um svipað leyti fór
Malthe-Sørenssen að leggja málinu
lið og urðu þeir Treholt og Stabell
einskonar teymi í baráttunni fyrir
endurupptöku. Malthe-Sørenssen
þáði greiðslur frá þeim Stabell og
Treholt fyrir rannsóknarstörf og
upplýsingaöflun.
Njósnir Símtalsupptökur koma upp um svik helsta stuðningsmanns Arne Treholt
Lygavefur um
Treholt-málið afhjúpaður
Helsta sönnunargagnið um njósnir Arne Treholt var skjalataska full af
peningum sem fannst á heimili hans. Peningana átti Treholt að hafa
fengið fyrir upplýsingar sem hann lét Sovétmönnum í té.
Arne Treholt var hand-
tekinn snemma árs 1884,
á leið á fund með herfor-
ingja sovésku leyniþjón-
ustunnar. Ári síðar var
hann dæmdur í 20 ára
fangelsi fyrir föðurlands-
svik og njósnir fyrir
Sovétríkin og Írak.
42 | fréttatíminn | Helgin 19. febrúar–21. febrúar 2016