Fréttatíminn - 24.03.2016, Blaðsíða 43

Ég | horfi mikið á barnaefni með 6 ára
dóttur minni. Það er grátið með Bamba
og horft á Inside Out aftur og aftur. Gömlu
góðu Múmínálfarnir í talsetningu Sigrúnar
Eddu eru líka í miklu uppáhaldi.
Ég er nýbyrjuð á áströlsku þáttunum
Wentworth sem gerast í kvennafangelsi.
Ég er að undirbúa mig fyrir hlutverk í
þáttaröðinni Fangar sem gerist í íslensku
kvennafangelsi og Ragnar Bragason er
að leikstýra. Hún byrjar vel og er aðeins
raunverulegri en Orange Is the New Black.
Á Netflix fylgist ég með Narcos og the
Killing sem er banda-
ríska útgáfan af
Forbrydelsen. Það
má vel horfa
á báðar
útgáfur en það er margt ólíkt með þeim.
Svikamylla, nýju dönsku þættirnir á RÚV,
eru að koma sterkir inn hjá mér. Síðan
þótti mér Steinunn Ólína sérstaklega
sannfærandi í Rétti, sem ég tók einni
lotu um daginn.“
Sófakartaflan
Arndís Hrönn Egilsdóttir
leikkona
Undirbýr fangahlutverkið með Wentworth
Finding Vivian
Maier
Netflix Besti götuljósmyndari heims
– í leyni Þegar John Maloof keypti
á uppboði kassa af filmum fyrir 400
dollara óraði hann ekki fyrir að í
höndunum hefði hann áður óséð
safn ljósmynda Vivian Maier. Maier
var barnapía sem hélt áhugamáli
sínu, að taka ljósmyndir á götum
New York, leyndu til dauðadags,
jafnvel frá sínum nánustu vinum.
Nú seljast myndir hennar og eru
sýndar í virtustu söfnum heims.
Perluvinirnir
Megas og
Hallgrímur
RÚV Megas og Grímur,
skírdag klukkan 20.55
Heimildamynd um sam-
starf tónlistarmannsins
Megasar og Hallgríms
Péturssonar, höfundar
Passíusálmanna, sem
blómstrar þrátt fyrir að
sá síðarnefndi hafi látist
fyrir 350 árum. Rætt
verður við Megas og þá
sem komu að flutningi
hans á Passíusálmunum í
Grafarvogskirkju.
|43fréttatíminn | pÁSKaHElGIN 24. MaRS–28. MaRS 2016
Sönn sakamál að
slafra í sig
Netflix Fyrir ykkur sem enn eruð
þyrst í sönn sakamál eftir How to
make a murderer-æðið eru The
Forensic Files þættir sem taka
fyrir eitt sakamál í hverjum þætti.
Fylgst er með hvernig lögreglan og
tæknimenn hennar leysa málið með
hjálp DNA-prófa, blóðsletturann-
sókna og ábendinga almennings.
Sum eru leyst á viku, önnur á ára-
tug, en hvert einasta mál er meira
krassandi en nokkur spennumynd.
Þættirnir eru frá tíunda áratugnum
og mátulega hallærislegir, en jafn
spennandi fyrir því.
Bannað að horfa
svangur
RÚV Laugardaginn 26. mars, klukkan
21.15 Hugljúf fjölskyldumynd
um kokk sem missir vinnuna og
ákveður að fylgja draumnum að
opna matarvagn. Á sama tíma
baslar hann við að halda fjöl-
skyldunni saman. Ekki er mælt með
því að horfa á myndina svangur en
maturinn er stórkostlega girnilegur.
„Ekki sætta þig við
staðlaðan svartan,
hvítan eða bláan lit.
Með Skyrtu eru
möguleikarnir
nánast óteljandi.“
EINKENNISKLÆÐNAÐUR
WWW.SKYRTA.IS · MYSKYRTA@SKYRTA.IS · LAUGAVEGUR 49, BAKATIL