Læknablaðið - 01.12.2016, Blaðsíða 3

Ólöf Björg Björnsdóttir (f. 1973) er búsett í Hafnarfriði
þar sem hún ólst upp og hefur vinnustofu í verslunar-
kjarnanum Firði. Þar hefur hún reglulega opið hús og
leyfir gestum og gangandi að sjá hvað hún er að fást
við í listinni. Bakgrunnur hennar
er í málverki, hún útskrifaðist frá
málaradeild Listaháskóla Íslands
árið 2001. Ólöf Björg dvaldi
tímabundið við nám í Granada á
Spáni og í Seoul í Suður-Kóreu og
má í verkum hennar meðal annars
greina áhrif asískrar blekmálunar
sem hún lærði á sínum tíma. Þá
hefur hún einnig lagt stund á nám
í listkennslu og heimspeki. Þótt
málverk og teikning séu uppistað-
an í verkum Ólafar Bjargar hefur
hún alla tíð teygt verk sín inn í
rýmið og skapað lágmyndir með
ýmsum aðskotahlutum í bland við
tvívíð verk auk þess að setja fram
innsetningar, jafnvel gjörninga. Stíll hennar er tjáningar-
ríkur og frjálslegur og á margt skylt við expressjónisma
hins svokallaða nýja málverks á 9. áratugnum, þegar
listamenn blésu lífi í miðilinn með kraftmikilli tjáningu og
hömluleysi þar sem allt var leyfilegt. Ólöf Björg blandar
gjarnan saman efnum og aðferðum og notast stundum
við hendurnar þegar hún þrykkir lit á strigann. Dæmi
um slíka aðferð má sjá í málverkinu á forsíðu Lækna-
blaðsins að þessu sinni. Verkið Tengslasjálf (2015) er
170 cm á kant, málað með akrýllit
og Ólöf Björg leggur þráð með
á strigann og blandar inn í litinn.
Eins og oft í verkum hennar er
manneskjan miðlæg og með
pensilskrift, litanotkun og form-
um kallar hún fram tilfinningaríkt
andrúmsloft. Tengslasjálf vann
hún með fyrirsætu á vinnustofu
sinni og hinn ungi maður er
sýndur afslappaður og broshýr
inni í iðu af handaförum í köldum
litatónum sem eins og grípa í
hann eða teygja sig frá honum
og út fyrir rammann. Þau gefa
til kynna nærveru málarans að
baki verkinu og skapa sérstaka
spennu. Verkið er dæmigert fyrir andstæður sem Ólöf
Björg leikur sér gjarnan með þar sem hún blandar
saman agaðri línuteikningu og frjálsum og flæðandi
litastrokum.
Markús Þór Andrésson
LÆKNAblaðið 2016/102 531
Læknablaðið
THE ICELANDIC MEDICAL JOURNAL
www.laeknabladid.is
Hlíðasmára 8
201 Kópavogi
sími 564 4104
Útgefandi
Læknafélag Íslands
Læknafélag Reykjavíkur
Ritstjórn
Engilbert Sigurðsson,
ritstjóri og ábyrgðarmaður
Gerður Gröndal
Hannes Hrafnkelsson
Magnús Gottfreðsson
Sigurbergur Kárason
Tómas Guðbjartsson
Þórdís Jóna Hrafnkelsdóttir
Tölfræðilegur ráðgjafi
Thor Aspelund
Ritstjórnarfulltrúi
Védís Skarphéðinsdóttir
vedis@lis.is
Blaðamaður og
ljósmyndari
Hávar Sigurjónsson
Auglýsingastjóri og ritari
Esther Ingólfsdóttir
esther@lis.is
Umbrot
Sævar Guðbjörnsson
saevar@lis.is
Upplag
1800
Prentun, bókband
og pökkun
Prenttækni ehf.
Vesturvör 11
200 Kópavogi
Áskrift
12.900,- m. vsk.
Lausasala
1290,- m. vsk.
© Læknablaðið
Læknablaðið áskilur sér rétt til að birta
og geyma efni blaðsins á rafrænu formi,
svo sem á netinu. Blað þetta má eigi
afrita með neinum hætti, hvorki að hluta
né í heild, án leyfis.
Fræðigreinar Læknablaðsins eru skráð-
ar (höfundar, greinarheiti og útdrættir)
í eftirtalda gagnagrunna: Medline
(National Library of Medicine), Science
Citation Index (SciSearch), Journal Cita-
tion Reports/Science Edition, Scopus
og Hirsluna, gagnagrunn Landspítala.
The scientific contents of the Icelandic
Medical Journal are indexed and
abstracted in Medline (National Library
of Medicine), Science Citation Index
(SciSearch), Journal Citation Reports/
Science Edition and Scopus.
ISSN: 0023-7213
L I S T A M A Ð U R M Á N A Ð A R I N S
Frá vinstri: David Parry frá RCP, Tómas Þór Ágústsson, Winnie Wade frá RCP, Gerður Gröndal, Kjartan Örvar, Inga Sif Ólafsdóttir,
Brynja Ragnarsdóttir, Sigurbergur Kárason, Friðbjörn Sigurðsson, Guðjón Birgisson, Guðjón Kristjánsson og Óskar Einarsson.
Læknablaðið tók eftir því að mikil fundarhöld stóðu
yfir í húsnæði Læknafélags Íslands alla síðustu
viku októbermánaðar. Þar voru sérfræðilæknar frá
hinum ýmsu sérgreinum lækninga komnir saman
í þeim tilgangi að sækja námskeið frá Royal Colle-
ge of Physicians í Bretlandi fyrir handleiðara í sér-
námi lækna. Blaðamaður Læknablaðsins náði tali af
Friðbirni Sigurðssyni framhaldsmenntunarstjóra
lyflækninga en eins og áður hefur komið fram í
blaðinu hafa umtalsverðar breytingar átt sér stað
varðandi framhaldsnámið í lyflækningum. Frið-
björn segir að sérgreinar lækninga séu því að
endurskipuleggja framhaldsnám frá grunni. Sú
vinna byggist að miklu leyti á sérstökum áhuga
nokkurra einstaklinga. Ekki sé við því að búast að
unnt sé að viðhalda framhaldsnámi sem stendur
undir nafni á þeim forsendum. Því þurfi að efla
alla umgjörð um framhaldsnámið og skapa því
viðeigandi sess innan heilbrigðisþjónustunnar.
Stórir áfangar hafi náðst og nefnir Friðbjörn í því
samhengi opnun hermiseturs á Landspítala. Þá
nefnir hann að mikilvægt sé að sérnám á Íslandi
sé skipulagt á landsvísu og að það hafi reynst vel
að Landspítali og Sjúkrahúsið á Akureyri standi
sameiginlega að sérnáminu í lyflækningum.

Á Læknadögum, nánar tiltekið mánudaginn
16. janúar, verður sérstakt málþing um framhalds-
nám í lækningum á Íslandi. Sama dag verður
einnig málþing um símenntun lækna.
Námskeið fyrir handleiðara í sérnámi lækna