Fréttatíminn - 24.11.2016, Blaðsíða 44

12 | FRÉTTATÍMINN | Fimmtudagur 24. nóvember 2016Jólablað 2016
Það geta allir búið
til jólaskreytingar
Vigdís Hauksdóttir er mikið
jólabarn og kemst í jólastuð við að
leiðbeina öðrum við skreytingar.
Hún hvetur fólk til að kaupa efni
og gera sínar skreytingar.
Sólrún Lilja Ragnarsdóttir
solrunlilja@amk.is
g er rosalega mikið jóla-
barn og elska þennan
tíma. Það blandast saman
í mér jóla- og náttúrubarn,
sem útskýrir kannski smekk minn
á jólaskreytingum, en það þarf
helst að vera fura, epli, könglar og
eitthvað slíkt,“ segir Vigdís Hauks-
dóttir, fyrrverandi alþingismað-
ur og blómaskreytir, sem er nú á
fullu að undirbúa jólin, bæði fyr-
ir sig og aðra, en hún tekur þátt í
jólakvöldum Blómavals þar sem
hún leiðbeinir fólki við gerð að-
ventukransa og jólaskreytinga. „Ég
er búin að taka þátt í þessu fjórum
sinnum áður. Þetta er svo gaman
og ég kemst í mikið jólastuð fyr-
ir aðventuna.“ Aðspurð segir Vig-
dís alla eiga að geta gert sína eigin
skreytingu, þrátt fyrir að vera með
tíu þumalfingur. „Markmiðið með
þessum jólaskreytingakvöldum er
einmitt að sýna vinnubrögðin og
að það geti allir skreytt heima hjá
sér. Við leiðbeinum fólki og hvetjum
það til að kaupa efni sjálft til að gera
sitt eigið. Það er svo miklu skemmti-
legra heldur en að kaupa alltaf til-
búið,“ segir Vigdís, en við fengum
hana til að gera fyrir okkur þrjár
mismunandi skreytingar.
Vigdís elskar þennan árstíma og nýtur þess að skreyta og komast í jólaskap. Myndir | Rut
Óhefðbundinn jóla- og áramótakrans
„Þessi er svolítið óhefðbundnari. Hann er svona „frosty“
silfur aðeins út í grátt. Þarna er ég líka með alvöru epli.
Svo eru þykkblöðungar í honum og perlur til að gefa smá
„bling“. Það er búið að rigna svo mikið upp á síðkastið og
það er þannig þegar það er þungbúið úti þá fær fólk sér
gjarnan jólaskreytingar í þessum litum, hvítum, grænum
og silfur til að færa snjóinn inn til sín. Svona aðventukrans
kemur líka vel út um áramótin. Þá er jafnvel hægt að skipta
um kerti, setja silfurkerti í hann, og þá er hann orðin rosa
flott áramótaskreyting.“
Skreyting sem vex og þróast
„Svo er hérna orkídeuskreyting. Þetta er skreyting sem
hægt er hafa alveg fram að jólum. Þetta gyllta fremst í
skreytingunni er amaryllis, laukblóm sem kemur til með
að blómstra hvítu blómi. Þannig þegar hann fer að vaxa
þá kemur hann upp við hliðina á orkídeunni. Sumum
finnst alveg ómissandi að hafa bæði afskorna túlípana
og amaryllis um jólin. Mér finnst það til dæmis alveg
ómissandi. Þetta er því skreyting sem kemur til með að
vaxa og þróast alveg fram að jólum. Það er plast innan í
körfunni sem er nauðsynlegt því það þarf að vökva bæði
orkídeu og amaryllis. Þetta er líka flott áramótaskreyting
og þá er hægt að bæta við einhverju silfri.“
Náttúrulegur aðventukrans
„Þetta er náttúrulegur stór aðventukrans sem kemur
til með að njóta sín á stórum eikarborðum sem mjög
margir eru með núna. Ég nota þarna ýmsar tegundir af
greni og mosa. Svo eru þarna smákönglar og epli, eins
og maður kaupir úti í matvörubúð. Þetta er akkúrat að-
ventukrans að mínum smekk, eins og ég myndi fá mér,
því ég er hrifin af þessum náttúrulegu efnum og lítið
fyrir plast. Ég er sjálf lítið fyrir tískustrauma í aðventu-
krönsum þó ég beri mjög mikla virðingu fyrir þeim
sem hrífast af tískustraumum og litum sem eru í tísku
hverju sinni. Fjölbreytnin er svo skemmtileg.“
É
Gjafakort Kringlunnar er gjöf af öllu hjarta.
Þú færð kortið á þjónustuborðinu á 1. hæð
við Hagkaup eða á kringlan.is.
GJÖF AF ÖLLU
H J A R T A
facebook.com/kringlan.is
kringlan.is