Fréttatíminn - 24.11.2016, Blaðsíða 88

Jólablað
v 2016
Teiknið
jólamyndir
á gluggana
Prófið að teikna á rúðurnar í
gluggunum með hvítum penna.
Það er hægt að byggja upp heilu
þorpin í gluggum heimilsins,
láta snjókorn falla, eða teikna
jólakransa. Það er líka hægt að
telja niður til jóla með því að skrifa
nýtt númer á rúðuna á hverjum
degi fram að jólum. Þetta er ein-
föld leið til að skreyta heimilið og
það þarf ekki að pakka neinu ofan
í kassa að hátíðinni lokið. Gætið
þess bara að nota penna sem eru
sértaklega til þess að skrifa á gler,
svo það sé örugglega hægt að þrífa
rúðurnar þegar jólin eru búin.
Könglar
lagðir í klór
Köngla er hægt að leggja í klór yfir
nótt til að gera þá ljósari á litinn.
Best að er nota fötu og fylla með
helmingi af vatni og helmingi af
klór. Gætið þess að nota hanska
við verkið og nota fatnað sem má
skemmast ef ske kynni að klórinn
slettist á fötin. Næst eru köngl-
arnir settir út í. Vandinn er hins-
vegar sá að þeir munu fljóta upp á
yfirborðið. Hægt er að skorða þá
undir þungum steini sem settur
er í fötuna, eða setja þá í ílát með
loki og setja nokkur göt á lokið.
Næst er því stungið ofan í fötuna
og látið fyllast af vatni. Látið ílátið
með könglunum standa í fötunni
í 24 klukkustundir, en þá ættu
könglarnir að vera orðnir fallega
ljósir á lit. Aðferðina má finna á
gardentherapy.ca.
Öðruvísi tré
Hér áður fyrr,
þegar ekki var
hægt að verða
sér út um
lifandi jóla-
tré, útbjuggu
menn jólatré
úr spýtum
og skreyttu
með kertum.
Seinna þegar
lifandi jólatrén fóru að verða al-
gengari þóttu spýtujólatréin ekki
eins fín og hurfu smám saman
af sjónarsviðinu. Síðustu ár hafa
hinsvegar spýtujólatré og allskon-
ar jólatré sótt í sig veðrið. Með smá
hugmyndaflugi er hægt að búa til
jólatré úr nánast hverju sem er.
Það er hægt að teikna af því mynd
og hengja upp, teikna það með krít
á krítartöflu eða setja saman úr
spýtum.
Hvítir
könglar