Fréttatíminn - 10.12.2016, Blaðsíða 15

| 15FRÉTTATÍMINN | Laugardagur 10.desember 2016
að hún er búin að eiga. Á meðan
þarf hún ekki að hugsa um annað
en að hvílast, nærast og hlúa að
barninu. Þá er algengt að amman
komi inn í myndina og hjálpi til á
heimilinu og makinn sjái um að
uppvarta konuna. Þetta hjálpar til
við brjóstagjöfina og tengslamynd-
un og skapar rólegar aðstæður hjá
móður og barni, þó að þetta sé
ekki endilega fyrirkomulag sem við
myndum segja fólki að taka upp.“
Þær eru báðar sammála um að
gildin séu að vissu leyti önnur í
Efra-Breiðholti en í öðrum hverf-
um borgarinnar.
Vildís: „Hér er ódýrara húsnæði
en víða annarstaðar og hér getur
fólk því fengið stærri íbúðir fyrir
minni peninga. Það er ekki endi-
lega af þröngum kosti sem fólkið
hér er minna upptekið af verald-
legum gæðum. Það lætur sér duga
það sem margir myndu ekki endi-
lega sætta sig við, eins og að hafa
börnin saman í herbergi. Forgangs-
röðunin er önnur og margir vilja
frekar fara reglulega til heima-
landa sinna en að kaupa sér dýra
hluti.”
Erna: „Margir hér eru duglegir að
nýta sér notaða hluti og eru bara
almennt minna uppteknir af ver-
aldlegum gæðum. Efnishyggjan er
einfaldlega minni, sem getur ver-
ið jákvætt. Við segjum stundum
að börn þurfi bara foreldra sína,
næringu og föt. Þau þurfa ekki alla
þessa dýru hluti og við getum al-
veg slakað á að kaupa allt sem er
í tísku.“
Vildís: „Við sjáum líka að öll þessi
tæki og tól, hreiður og hvað þetta
kallast, eru farin að hefta hreyfi-
þroska barna. Það er best að leyfa
barninu að vera á teppi á gólfinu
svo það læri að velta sér og svona.“
Þær segja þó að í hverfinu þyrfti
víðtækari stuðning við margar fjöl-
skyldur.
Vildís: „Ég get alveg gagnrýnt
það félagslega kerfi sem hefur
verið búið hér til. Hlutfall af fé-
lagslegum íbúðum er mjög hátt í
Fellahverfinu en einhvernveginn
fylgir því ekkert meira fjármagn.
Hvorki skólarnir né heilsugæslan
fær aukna mönnun eða meira fjár-
magn þó þörfin fyrir meiri stuðn-
ing sé til staðar.“
Að sögn þeirra beggja hefur
starfsfólk leikskóla og skóla í hverf-
inu tekið sig saman og komið á úr-
ræðum til að bæta heilsu barnanna
í hverfinu. Tannhirðu þótti veru-
lega ábótavant og með samantekn-
um ráðum var því komið á fyrir
nokkrum árum að í leikskólum eru
daglega burstaðar tennur í börnun-
um. Auk þess var farið í samstarf
við tannlæknanema og skorið upp
herör gegn tannskemmdum í börn-
um.
Vildís: „Ég var skólahjúkrunar-
fræðingur í Fellaskóla og fékk
tannlækni heilsugæslunnar til að
skima öll börnin. Í kjölfarið fór-
um við að herja á tannviðgerðir,
stundum þurftum við að gera það
í gegnum barnavernd, en við feng-
um líka Tanngarð með okkur í lið.
Þetta var mikið vandamál og for-
eldrarnir sögðu stundum að barna-
tennurnar skiptu engu máli. Það
kæmu nýjar í staðinn. En börnin
voru með tannpínu og brenndar
tennur og það hefur verið rækilega
tekið á þessu.“ Í dag eru tannvið-
gerðir barna að mestu leyti fríar,
fyrir utan 2.500 króna eingreiðslur
í sumum tilvikum. Árið 2018 verða
tannlækningar alveg ókeypis fyrir
öll börn og fagna þær stöllur því.
Erna: „Þetta snýst ekki um að fólk
hugsi illa um börnin sín en það er
erfitt að koma því inn hjá foreldr-
um að brjóta hefðir sem mömm-
ur þeirra og ömmur viðhöfðu. Það
er til dæmis mýta að ekki þurfi
að bursta tennur barna sem eru
á brjósti. Við erum ekki sammála
því. Við vinnum eftir leiðbeining-
um frá landlæknisembættinu og
segjum því öllum foreldrum að
bursta tennurnar í börnum sín-
um til tíu ára aldurs. Nú gengur
til dæmis á netinu að það megi
alls ekki nota tannkrem. Við vilj-
um líka kveða það niður, því tann-
kremið er mjög mikilvægt fyrir
tannheilsu barnanna.“
Að sögn þeirra Ernu og Vildís-
ar er algengt í Efra-Breiðholti að
nýfædd börn njóti góðs af því að
fæðast inn í stórar og barnmargar
fjölskyldur. Stórfjölskylduhefðirnar
séu viðhafðar víða meðal innflytj-
enda og það geti skapað öflugt ör-
yggisnet. Hinsvegar hafi þær þurft
að leita til félagsmálayfirvalda í
nokkrum tilvikum þegar þeim
virðist að nýja fjölskyldan búi við
of þröngan húsakost.
Vildís: „Það mikilvægasta í ung-
barnaverndinni er að sami hjúkr-
unarfræðingur fylgi barni frá
vitjun til fjögurra ára aldurs. Þá
kynnumst við fjölskyldunni best
og getum komið henni til aðstoðar
með það sem þarf.“
Erna og Vildís ásamt níu vikna gömlu
barni sem komið er á heilsugæsluna
í Efra-Breiðholti í skoðun. „Við segjum
stundum að börn þurfi bara foreldra
sína, næringu og föt. Þau þurfa ekki
alla þessa dýru hluti og við getum alveg
slakað á að kaupa allt sem er í tísku,“
segir Erna. Mynd | Rut
Hjá okkur færðu þýsk gæðatæki frá Siemens, Bosch og Gaggenau.
Fyrir jólin bjóðum við fjölda glæsilegra tækja á sérstöku jólaverði.
Komdu til okkar og gerðu frábær kaup þér og öðrum til ánægju.
Bosch
Töfrasproti
MSM 67170
Kraftmikill, 750 W. Hljóðlátur og
laus við titring. Losanlegur neðri
hluti sem má þvo í uppþvottavél.
Skál með loki, stór hakkari,
ísbrjótur og þeytari fylgja með.
Fullt verð: 11.900 kr.
Jólaverð:
8.900 kr.
Bosch
Matvinnsluvél
MCM 3110W
800 W. Tvær hraðastillingar og ein
púlsstilling. Tætir, sneiðir, rífur og
sker. 2,3 lítra skál. Örugg í notkun:
Fer aðeins í gang þegar lok er í
læstri stöðu.
Fullt verð: 11.900 kr.
Jólaverð:
9.500 kr.
SIEMENS
Ryksuga
VS 01E1550
3 lítra poki. Vinnuradíus: 8 metrar.
Fullt verð: 14.900 kr.
Jólaverð:
10.900 kr.
Bosch
Gufustraujárn
TDA 102411C
Öflugt, 2400 W. Slekkur sjálfkrafa
á sér.
Fullt verð: 9.900 kr.
Jólaverð:
7.500 kr.
Bosch
Örbylgjuofn
HMT 75M421
Frístandandi. 17 lítra. Mesti
örbylgjustyrkur 800 W.
Fullt verð: 19.900 kr.
Jólaverð:
15.900 kr.
Bosch
Baðvog
PPW 3330
Stafræn baðvog með nákvæmni
upp á 100 g. Hámarksþyngd
180 kg. Stórir og skýrir stafir.
Mælir vatnshlutfall, fituprósentu
og BMI-gildi.
Fullt verð: 9.900 kr.
Jólaverð:
6.900 kr.