Fréttatíminn - 10.12.2016, Blaðsíða 50

fjörið. 2 | helgin. LAUGARDAGUR 10. DESEMBER 2016
Hallgrímur Ólafsson
leikari er önnum kaf­
inn í Þjóðleikhúsinu
en sinnir líka fjöl­
skyldunni og leikur í
Áramótaskaupinu
Það koma nú oft tarn­ir hjá manni en þetta hefur ekki verið svona rosalega mikið áður,“ segir Hallgrímur
Ólafsson leikari.
Það verður seint sagt að Hall­
grímur taki lífinu rólega á aðvent­
unni. Um síðustu helgi lék hann á
níu sýningum í Þjóðleikhúsinu og
um þessa helgi leikur hann á átta
sýningum. Þar fyrir utan er hann
að undirbúa sig fyrir aðalhlut­
verk í nýju leikriti Góa í leikstjórn
Selmu Björnsdóttur sem fer á
fjalirnar eftir áramót, leika í ára­
mótaskaupinu og að leikstýra ung­
mennum á Akranesi. Þá er ekki
einu sinni minnst á fjölskylduna,
en Hallgrímur býr með konu og
þremur börnum í Hafnarfirði. Það
er kannski jafngott að hann þykir
með eindæmum geðgóður maður
og er af þeim sökum stundum kall­
aður Halli melló.
„Það er ekki bara nóg að gera í
leikhúsinu. Svo bætast veik börn
líka við. Ég fékk eitt puttabrot
heim í gær,“ segir hann og hlær.
Halli leikur í Djöflaeyjunni og
Horft frá brúnni sem báðar eru
sýndar á Stóra sviði Þjóðleik­
hússins en á daginn lóðsar hann
yngri kynslóðina um ganga leik­
hússins í hinni sívinsælu sýningu
Leitin að jólunum.
„Mér finnst þetta alltaf gam­
an. Þetta er þriðja árið mitt í röð í
Leitin að jólunum og það er fínt að
sprella eitthvað fyrir krakkana,“
segir Halli.
Hvernig kemur maður maður níu
leiksýningum fyrir yfir eina helgi?
„Það var ein sýning á föstudeg­
inum og fjórar á laugardegi og
sunnudegi. Ég var mættur niður í
leikhús klukkan tíu um morgun­
inn og fyrsta sýning af Leitin að
jólunum var klukkan ellefu. Svo
var önnur klukkan eitt og sú þriðja
hálf þrjú. Síðan var ég mættur
aftur hálf sex til að leika í Djöfla­
eyjunni um kvöldið.“
Svo ertu þar fyrir utan að vinna í
öðrum verkefnum...
„Já, ég ligg akkúrat núna með
iPadinn að læra texta fyrir Fjarska­
land eftir vin minn Góa. Þetta er
Átta sýningar um
helgina og barn með
brotinn putta
.
Halli melló hefur í nógu að snúast um helgina í Þjóðleikhúsinu. Framundan er svo frum-
sýning í janúar og leikstjórnarverkefni uppi á Skaga. Mynd | Rut
fjölskyldusýning sem frumsýnd
verður 22. janúar. Við erum á fullu
að æfa það núna. Þetta er Stóra
sviðs­sýning með hljómsveit, það
er mikið í þetta lagt,“ segir Halli
sem er auk þess að undirbúa sýn­
ingu sem hann leikstýrir uppi á
Akranesi eftir áramót. Það er fyrir
framhaldsskólann þar og nú er
verið að raða í hlutverk.
Hafi Halli hugsað sér að hvíla
sig um jól og áramót getur hann
gleymt því, enda er jólafríið bara
ein helgi.
„Já, svo eru þetta bara asnaleg
jól. Ég er reyndar afskaplega lítið
fyrir að hvíla mig. Það er eiginlega
það leiðinlegasta sem ég geri.“
Kanntu ekki að meta félagsskapinn
af sjálfum þér?
„Nei, mér finnst ég ekkert
spennandi einn og sér með kaffi­
bolla. Það verður að vera eitthvað
líf í kringum mig.“
„Við tókum úr lás fyrir einni og
hálfri viku til að prófa hvernig þetta
gengi fyrir sig, en við opnuðum
formlega í gær. Við höfum ekkert
verið að auglýsa og staðurinn er
ekki merktur þannig flestir sem hafa
komið hafa komið inn af götunni,
en nú erum við að byrja að veiða
inn fólk sjálf,“ segir Daníel Tryggvi
Thors lögfræðingur og annar eig­
andi kaffihússins PREPP á Rauðar­
árstíg 8. Staðinn á hann og rekur
ásamt æskuvini sínum Jóni Gunnari
Jónssyni sem kemur úr fjármálageir­
anum. Hvorugur þeirra hafði því
neina reynslu af kaffi­ eða veitinga­
húsarekstri þegar þeir fóru út í þetta
verkefni og eru þeir því að læra eitt­
hvað nýtt á hverjum degi.
Fram til áramóta verður kaffihús­
ið aðeins opið til frá 8 til 16 á virkum
dögum og 10 til 16 um helgar, en þeir
standa bara vaktina tveir eins og er,
ásamt einni starfsstúlku. Til stendur
að ráða inn fleira fólk á næstunni og
fá vínveitingaleyfi fyrir staðinn.
Þá verður þeim ekkert að van­
búnaði að hafa opið fram til
23 á kvöldin. „Við viljum flýta
okkur hægt
með þetta og
ráða fólk inn
í rólegheit­
um. En
þetta
rými
er á svo skemmtilegum stað og það
vantar líf hérna þannig það er mín
samfélagslega skylda að hafa dyrnar
opnar sem lengst.“
Þeir félagar ætla að prófa sig
áfram með nýja rétti á hverjum degi
til að kanna hvað fellur í kramið
hjá fólki, en stefna á að vera með
samlokur og léttan mat, ásamt súpu
og bakkelsi.
„Fyrstu dagana vissum við ekkert
hvað kæmu margir og samlokurn­
ar okkar voru búnar um hádegi.
Þá vorum við bara tveir og höfðum
eiginlega ekki tíma til að smyrja
meira og gera allt hitt líka.
Þetta var pínu vandræðalegt
en við lærðum af því.“ | slr
Rapparinn og fyrrum
ráðherrann
Rapparinn Herra Hnetusmjör er
sonur fyrrum stjórnmálamanns­
ins Árna Magnússonar. Herra
Hnetusmjör, sem heitir réttu nafni
Árni Páll Árnason, hefur vakið
athygli fyrir lög á borð
við Selfie og Hvítur
bolur, gullkeðja.
Pabbi gamli var á
árum áður þing­
maður og ráðherra
fyrir Framsóknar­
flokkinn en hætti
fyrir tíu árum.
Hann starfar nú hjá
Mannviti.
Þeir eru feðgarKláruðu samlokurnar um hádegi
Æskuvinirnir Daníel Tryggvi og Jón Gunnar opnuðu á dögunum kaffi­
húsið PREPP á Rauðarárstíg. Hvorugur þeirra hefur reynslu af kaffi­
húsarekstri svo þeir læra allt jafnóðum.
Daníel er lögfræðingur en Jón er
úr fjármálageiranum. Þeir ákváðu
að taka u-beygju og opna saman
kaffihús.
Komdu í jóla-
skap á Kjar-
valsstöðum
Opin vinnustofa er fyrir börn á
öllum aldri á Kjarvalsstöðum í
dag á milli 11 og 13. Foreldrar eru
að sjálfsögðu velkomnir með.
Þar verður jólaskapið tekið fyrir,
skoðað nánar og það fangað á list­
rænan hátt með aðstoð mynd­
listarkonunnar Berglindar Jónu
Hlynsdóttur. Börn og fullorðn­
ir geta gefið hugmyndafluginu
lausan tauminn og skapað eitthvað
fallegt í notalegu umhverfi.
Aðgöngumiði á safnið gildir.
Frítt fyrir handhafa Menningar­
korts Reykjavíkur og Árskorts
Listasafns Reykjavíkur.
Strangtrúaður
kaþólikki í
einn dag
Fitnessdrottningin Margrét Gnarr
ákvað í vikunni að gera eitthvað
nýtt á hverjum degi, og bað hún
fólk að skora á sig. Bróðir hennar
kom líklega með bestu áskorun­
ina, að hún ætti að haga sér eins
og strangtrúaður kaþólikki í einn
dag. Margrét kom sér ekki undan
því og hóf daginn snemma á föstu
og þagnarskyldu og fór í kjölfarið í
messu í Landakotskirkju. Hún tók
kærastann sinn, Ásgeir Trausta,
að sjálfsögðu með, en það lá við
að þagnarskyldan yrði rofin þegar
hún þurfti að vísa honum til vegar
að kirkjunni.
Tilvalið í veisluna eða á hlaðborðið.
Fást í öllum helstu matvöruverslunum
og í fiskborði stórmarkaðanna.
Árstíðabundnar vörur sem hafa slegið í gegn
Það er ekki
bara nóg að
gera í leik húsinu.
Svo bætast veik
börn líka við. Ég
fékk eitt putta-
brot heim í gær