Fréttatíminn - 10.12.2016, Blaðsíða 18

18 | FRÉTTATÍMINN | Laugardagur 10.desember 2016
Ína tekur fram að hún hafi
haft einhverja hugmynd um hver
Naor var á þessum tíma, og hún
hafi séð hann álengdar í heim-
sóknum hans til Mósambík.
Faðir Naors fékk hjartaáfall
skömmu seinna, og flutti aftur til
Ísrael í framhaldinu. Naor kom
þá til Mósambík og tók alfarið við
fjölskyldufyrirtækinu. Hann hafði
verið í landinu í tvær vikur þegar
þau Ína kynntust.
Mótorhjólið
„Í fleiri ár hafði ég verið fótgang-
andi í Pemba í 40 stiga hita. Ég
varð þreytt á því og fann einhvern-
veginn kjarkinn til að kaupa mér
mótórhjól. Og þvílíkt frelsi, ég gat
farið út á kvöldin! Ég var í raun-
inni bara byrjuð að kveðja fólk og
var að loka þessum kafla í mínu
lífi, og fer þá eitt kvöldið á nýja
mótorhjólinu mínu á veitingastað,
sama staðinn og ég hitti tengda-
föður minn fyrst, og ég sé Naor
þar inni. Eitt leiðir að öðru. Ég
hlammaði mér við hliðina á hon-
um, þekkti gömlu kallana sem
voru með honum, vini pabbans,
sem þá var farinn til Ísrael og ég
vissi það ekki. Naor var á Face-
book í símanum sínum og ég tek
af honum símann og adda sjálfri
mér, og ég vissi að við yrðum að
kynnast.“
Ást við fyrstu sýn
Varstu skotin í honum?
Ína skellihlær. „Mér þótti hann
ótrúlega myndarlegur strákur,
rólegur og dularfullur, svona „bad-
ass“ gaur. Ég var mjög forvitin
um hann. Mér lá svolítið á að við
myndum kynnast og verða vinir.
Seinna sama kvöld var partí hjá
Ísraelunum og við ákváðum að
fara þangað saman. Við byrjuðum
að búa saman nokkrum dögum
seinna. Þetta hljómar auðvitað fá-
ránlega. En þetta var algjörlega ást
við fyrstu sýn.“
Ína gerir stutt hlé á máli sínu.
„Og það er annað. Þarna á þessum
tíma parkeraði ég bara mótorhjól-
inu. Ég hugsaði að ég ætlaði að
eignast börn með þessum manni,
ég þyrfti að fara að passa upp á
mig og líkamann minn. Áhuginn
var mjög fljótur að kvikna hjá okk-
ur báðum. Ég fór úr því að vera
rosalega laus við alla alvöru yfir
í að vilja giftast þessum manni
og eignast með honum börn. Það
snerist eitthvað við í hausnum á
mér.“
Margar konur
Menningarmunurinn kom fljótlega
í ljós. „Við fórum „head first“ inn í
þetta, þetta gerðist svo hratt.“ Ína
skellihlær. „Við reyndum að vera
svolítið kúl og flýta okkur ekki of
mikið, en það gekk illa. Ég man
að ég spurði hann fyrsta kvöldið:
„Hvað máttu eiga margar konur?“
Ég vissi ekkert um trúarafstöðu
hans. Ég var viss um að hann væri
arabi og múslími. Hann svaraði
Það er ekkert kjöt utan á
Mósambík, þetta er bara
hrátt líf. Það er rosa-
leg hamingja hérna og
lífsgleði, og ekkert mikið
meira en það.
Eldri dóttirin Míla í góðum fé-
lagsskap í garði fjölskyldunn-
ar í Pemba.
að hann væri gyðingur. Ég vissi
ekkert um gyðingdóm, og hann
útskýrði fyrir mér grunnatriðin.
Hann var ekkert viss hvernig fjöl-
skyldan hans myndi taka þessu og
það fór smá tími í að melta þetta.
Hann vissi að Ísland væri til og
tengdi það við Skandinavíu, vissi
að ég væri úr svona forréttinda-
samfélagi. Hann vissi að Ísland
væri allt annað en Ísrael. Við
þurftum mikið að ræða og reyna
að skilja menningu hvors annars
og hvaðan við komum.“
Fjölskyldurnar ánægðar
Stuttu seinna fór Naor til Ísrael
og sagði fjölskyldu sinni frá sam-
bandinu.
„Hann hafði verið dálítið mikið
á djamminu og mamma hans var
hæstánægð með að hann hefði
fundið sér reglusama konu sem
hvorki drakk né djammaði og var
svona ábyrg.
Í fjölskyldunni minni eru meira
og minna bara leiðsögumenn
og þegar þau fréttu að ég hefði
fundið mér Ísraela þá stríddu
þau mér aðeins, en það var allt
í gríni. „Heima“-hugtakið fyr-
ir fjölskyldunni minni er mjög
opinn rammi. Við höfum aldrei
verið bara á Íslandi heldur líka í
Danmörku og í Þýskalandi og alls
staðar annarstaðar.“ Þess má geta
að foreldrar Ínu koma einnig hvort
úr sinni áttinni, móðir hennar frá
Nordenham í Norður- Þýskalandi
og faðir hennar frá Hala í Suður-
sveit.
Framtíðarplön
„Naor elskar Ísland. Honum finnst
það fallegasta land í heimi. Við
fórum í Kjarnaskóg og hann átti
ekki orð yfir að þetta væri til og
það væri frítt að fara á svona stað
og hægt að labba út um allt og það
væri rennandi vatn. Honum finnst
Ísland magnaður staður.
Við eigum alltaf eftir að eiga
heimili á Íslandi þó að við séum
ekki alltaf þar. Dætur okkar eru
jafníslenskar og þær eru ísraelskar
og það er okkur báðum mikilvægt
að þær rækti ræturnar. Við tölum
íslensku og hebresku við börnin,
auk ensku sem við tölum okkar á
milli og svo tölum við öll portú-
gölsku við innfædda í Mósambík,
þannig að börnin verða fjórtyngd.
Hugmyndin var alltaf að koma fyr-
irtækinu á laggirnar, selja það og
koma okkur í burtu héðan. En það
er hægara sagt en gert, við erum
að sjá 250 manns fyrir lífsviður-
væri.“
Trúin kom í Mósambík
Naor er trúaður og Ína segir að
trúin nýtist honum til að styrkja
sig, en hann eyði engum tíma í
búninga eða reglur. „Til dæmis
þegar það er erfitt hér í Mósam-
bík, þegar allt gengur á afturfótun-
um og vatnspumpan dettur niður
í brunnin og vegurinn rofnar í
sundur og við komumst ekki í bæ-
inn að sækja vistir og öllum dekkj-
unum af bílnum hefur verið stolið,
þá er hann alltaf rólegur af því að
Guð er með honum í liði.“
Ína segir að hún sjálf hafi fundið
andlega vakningu í Pemba.
„Maður er blessaður út í eitt
hérna og lífið er ótrúlega fallegt.
Ég hugsa um allt sem búið er að
gefa manni og það sem ég get gef-
ið. Ég get ekki annað en trúað því
að það sé eitthvað frábært til sem
passar mig og hjálpar mér. Lífið
gæti alveg verið meiri skítur en
það er. Maður hefur svo margt að
miða við; Ísland, Ísrael, Mósam-
bík. Heimurinn er svo stór en samt
svo lítill og maður er bara einn af
mörgum þarna, samt svo mikil-
vægur. Þetta setur lífið eins og það
er í samhengi.“
Yngri dóttirin Líf og hundarnir sex
sem þjóna tilgangi varðhunda og
eru einnig apafælur.
arminGefðu
Ögurhvarfi 2, 203 Kópavogur, sími 577 6000, garmin.is
Verð frá 39.900
Approach S20 og X40 sem hreyfa við þér!
Golfúrin frá Garmin eru með völlum innanlands
sem utan og eru einnig heilsu- og snjallúr.
X40 er með púlsmæli og forritum til að mæla
hlaup, göngu- og reiðhjólaferðir.

í Golð
S20 X40
Stórt 1.990 kr
Lítið 1.690 kr
fyrir desert hnífapör
LAUGAVEGI 176 | GLERÁRTORGI | KRINGLAN | LINDESIGN.IS
HNÍFAPARAVESKI
ÞÆGILEG 12 VASA VESKI FYRIR HNÍFAPÖRIN