Morgunblaðið - 31.12.2016, Blaðsíða 26

26 FRÉTTIRInnlent
MORGUNBLAÐIÐ LAUGARDAGUR 31. DESEMBER 2016
EITT
ER VÍST:
ALNO
FRJÁLS VERSLUN 3 tbl. 2016 63
Suðurlandsbraut 26 Sími: 587 2700
Opið 11-18 virka daga og 11-16 laugardaga. www.alno.is
ÚR BÆJARLÍFINU
Andrés Skúlason
Djúpavogi
Um áramót er mönnum tamt að
líta um öxl og horfa yfir liðið ár.
Oftast stendur það upp úr sem
hæst ber í fjölmiðlum og eiga þá
hamfarir ýmiskonar gjarnan upp á
pallborðið, hvort heldur er af nátt-
úrulegum ástæðum eða stjórn-
arfari í landinu. Samfélagið í
Djúpavogshreppi hefur burtséð frá
ytri aðstæðum haldið áfram á sinni
braut.
  
Djúpavogshreppur hefur ekki
haft í digran sveitarsjóð að leita
eftir stóráföll í atvinnulífinu og
verulegt tekjufall af þeim sökum á
síðustu árum. Stjórnvöld hafa í
engu mætt þeim miklu ágöllum
sem enn er að finna í núverandi
fiskveiðistjórnunarkerfi, kerfi sem
stjórnvöld sjálf hafa hannað, en
vilja hinsvegar enga ábyrgð bera á
þegar horfast þarf í augu við sam-
félagslegar afleiðingarnar vítt og
breitt um landið.
  
Samfélagið í Djúpavogshreppi
hefur hinsvegar ekki fest í því fari
að horfa of mikið um öxl. Upplýst
um að hinar „sameiginlegu“ auð-
lindir eru augljóslega ekki allra,
hefur sveitarfélagið sótt á önnur
mið til sóknar m.a. laðað að nýjar
starfsstöðvar til að auka á fjöl-
breytni starfa á svæðinu og ljóst
er að halda þarf áfram á þeirri
braut sem hefur gefist vel. Þá varð
fjölgun starfa og uppbygging í
ferðaþjónustu umtalsverð á árinu
og störfum við fiskvinnslu hefur
fjölgað aftur að nokkru leyti þrátt
fyrir að dregið hafi stórlega úr
umsvifum við höfnina.
  
Við þessi sveiflukenndu skil-
yrði vekur sérstaka athygli að á
liðnu ári fjölgaði íbúum á Austur-
landi langmest í Djúpavogshreppi
sem er auk þess í réttu hlutfalli í 3.
sæti yfir sveitarfélög í landinu er
varðar jákvæða íbúaþróun. Hlut-
fall yngra fjölskyldufólks hefur
haldið áfram að vaxa og er sú
staða uppi að biðlisti hefur mynd-
ast á 40 barna leikskóla í aðeins
453 manna samfélagi. Ekki verður
litið hjá því að stefna sveitarfé-
lagsins hefur skilað árangri með
fókus á fjölbreytni á innviði sam-
félagsins að leiðarljósi með lifandi
og kraftmikið samfélag að baki.
  
Þrátt fyrir að eftirlitsnefnd
með fjármálum sveitarfélaga hafi
verið með ábendingar til Djúpa-
vogshrepps um aðhaldsaðgerðir til
að mæta tekjutapi vegna áð-
urgreindrar meinsemdar í fisk-
veiðistjórnunarkerfinu sem skert
hefur tekjur sveitarsjóðs, þá er
sveitarstjórn engu að síður fullviss
um að hæfileg sókn sé mun heilla-
vænlegri og ábyrgari leið heldur
en niðurskurður á grunnþjónustu.
  
Samfélagið í Djúpavogshreppi
hefur á síðustu misserum end-
urtekið sýnt þrátt fyrir sinnuleysi
stjórnvalda að það er hægt að
bregðast við miklu mótlæti ef sam-
takamáttur íbúa er til staðar.
Áframhaldandi sókn er því besta
vörnin og þannig ætlar Djúpavogs-
hreppur að heilsa komandi ári.
Íbúum hefur fjölgað
á Djúpavogi á árinu
Morgunblaðið/Andrés Skúlason
Endurbygging Faktorshúsið á Djúpavogi hefur verið endurbyggt en það
var upphaflega reist árið 1848 og er eitt af elstu timburhúsum hér á landi.
Vilhjálmur A. Kjartansson
vilhjalmur@mbl.is
„Til viðbótar við fjárlagafrumvarpið
og til að geta bætt í og mætt aukinni
þjónustuþörf á svæðinu vantar upp
á, miðað við fjárlagfrumvarpið, 162
milljónir króna,“ segir Halldór
Jónsson, forstjóri Heilbrigðisstofn-
unar Suðurnesja.
„Ætlum við að halda óbreyttri
starfsemi miðað við árið sem er að
líða þá þurfum við að fá 105 millj-
ónum meira en er í fjárlaga-
frumvarpinu og ef við ætlum að
mæta þeirri aukningu sem við telj-
um að verði á nýju ári þurfum við 57
milljónir til viðbótar.“
Heilbrigðisstofnun Suðurnesja
var úthlutað 50 milljónum króna í
aukafjárveitingar í fjáraukalögum
en það kom fyrst og fremst til vegna
aukinnar þjónustuþarfar á svæðinu.
„Gífurleg fólksfjölgun hefur verið
á Suðurnesjum á yfirstandandi ári
en á fyrstu þremur ársfjórðungum
2016 fjölgaði um átta prósent á
svæðinu. Aukafjárveitingin kom til
m.a. til að mæta þeim halla sem
varð á rekstrinum vegna aukinna
verkefna. Sú fjárhæð og það sem
kemur til með að vera bætt inn í
2017 nemur um 100 milljónum og
það styrkir reksturinn og gerir okk-
ur betur kleift að bregðast við aukn-
um verkefnum.“
Ferðaþjónustan eykur álagið
Opinberar stofnanir finna fyrir
fjölgun ferðamanna líkt og atvinnu-
lífið allt og segir Halldór nálægðina
við Keflavíkurflugvöll kalla á enn
frekara álag á Heilbrigðisstofn-
unina.
„Óhjákvæmilega setur aukinn
fjöldi ferðamanna strik í reikninginn
en það er vaxandi fjöldi tilvika sem
koma frá Keflavíkurflugvelli beint
til okkar. Einhver tilvik eru send til
Reykjavíkur en langflest tilvik
koma til okkar,“ segir Halldór og
bendir á að fjöldi starfsmanna við
Keflavíkurflugvöll sé kominn á
sjötta þúsundið og þar sé unnið all-
an sólarhringinn.
„Auk fjölda starfsmanna á vell-
inum er gífurleg fjölgun ferðamanna
sem þar fara í gegn. Síðan koma
reglulega upp tilvik þar sem lent er
með veikan farþega um borð. Í töl-
um frá slysa- og bráðamóttöku okk-
ar sést að kúrfan frá Keflavíkur-
flugvelli hefur rokið upp á við líkt og
heildarfjöldinn sem leitar til okkar.“
Fjölgun bæði starfsmanna Kefla-
víkurflugvallar og þar með íbúa í ná-
munda við völlinn og ferðamanna
gerir alla áætlunargerð erfiða, að
sögn Halldórs.
„Það er hvorki auðvelt fyrir okkur
né flugrekstraraðila og flugvöllinn
að gera áætlanir í þessu ástandi.
Það er alltaf óttinn við að bakslag
komi og því þurfum við að takast á
við ástandið eins og það er og bregð-
ast við álaginu á hverjum tíma.“
Álagið mikið á Suðurlandi
Herdís Gunnarsdóttir, forstjóri
Heilbrigðisstofnunar Suðurlands,
HSU, ritaði pistil til starfsmanna
stofnunarinnar á Þorláksmessu þar
sem hún fór yfir fjárhagsstöðu
stofnunarinnar. Ekki náðist í Her-
dísi við vinnslu fréttarinnar en í
pistli hennar segir hún m.a. að eftir
fyrsta ársfjórðung 2016 hafi halli á
rekstri verið um 160 milljónir og út-
komuspá ársins hljóði upp á 170
milljónir.
Rekstraráætlun HSU fyrir árið
2017 hefur verið skilað á grundvelli
fjárlagafrumvarpsins með um 159
millj. kr. halla, segir Herdís jafn-
framt
„Áætlunin er gerð á grunni
rekstrar og þjónustu á þessu ári og
er miðuð við óbreytta starfsemi. Í
forsendum fjárlaga 2017 er gert ráð
fyrir 1% raunvexti í rekstri á heilsu-
gæslu- og sjúkrasviði HSU ásamt
sama vexti fyrir hjúkrunarrými og
að auki lækkun á framlagi um
8.000.000 kr. á sjúkrasviði vegna að-
halds í útgjaldaramma ráðuneytis.
Því ber að fagna að nú í fyrsta sinn
er gert ráð fyrir raunvexti í starf-
seminni í fjárframlögum. Hins veg-
ar hefur vöxtur í lögbundinni starf-
semi og grunnþjónustu HSU á
undanförnum árum verið langt um-
fram þetta 1%. Raunaukning í starf-
semi heilsugæslunnar nemur um 2%
á ári og allt upp í 9-10% vöxtur á
einu ári í komum á bráðamóttöku og
í sjúkraflutningum. Af framansögðu
má álykta sem svo að miðað við nú-
verandi starfsemi er stofnunin und-
irfjármögnuð,“ segir hún í pistli sín-
um.
Álag á heilbrigðisstofn-
unum í Suðurkjördæmi
Morgunblaðið/Sigurður Jónsson
Spítali Aukning varð í flestum þjónustuþáttum heilsugæslunnar, sem
skýrist af þeirri fólksfjölgun sem orðið hefur á svæðinu og ferðamönnum.
Gott ástand
VESTURLANDIÐ Í LAGI
 Fólksfjölgun og fjöldi ferðamanna eykur þjónustuþörfina
„Staðan hjá okkur rekstrarlega
hefur verið ágæt undanfarin ár
og við höfum ekki verið með
rekstrarhalla,“ segir Ásgeir Ás-
geirsson, settur forstjóri Heil-
brigðisstofnunar Vesturlands.
„Það er aðeins aukning hjá
okkur vegna ferðamanna en það
er ekkert sem við finnum fyrir.
Þetta er því ekkert sem kallar á
sérstök úrræði. Það var reyndar
stórt rútuslys hérna í vikunni en
slíkt gerist sem betur fer sjald-
an.“
Síðdegis í gær
höfðu alls 832
umsóknir um at-
vinnuleysistrygg-
ingar, sem tengj-
ast vinnslustöðv-
un í fiskvinnslu
vegna verkfalls
sjómanna, verið
sendar til Vinnu-
málastofnunar frá 15. desember.
Nálægt 37% umsækjenda eru búsett
á Norðurlandi eystra og því næst
kemur Suðurland, 23%, höfuðborg-
arsvæðið og Suðurnes, 12% á hvoru
svæði, en færri á öðrum svæðum.
Konur eru um 55% þeirra sem um
ræðir og karlar 45%. Dreifing eftir
aldri er nokkuð jöfn, flestir eru þó á
aldrinum 30-39 ára eða 25%, en hlut-
fallið er litlu lægra í öðrum aldurs-
hópum en fæstir eru 60-69 ára.
Íslenskir ríkisborgarar eru 51%
þeirra sem um ræðir, Pólverjar 36%,
en fólk af öðru þjóðerni er 13%.
832 bótaum-
sóknir frá fisk-
verkafólki
Umsóknir 832 hafa
sótt um bætur.