Morgunblaðið - 31.12.2016, Qupperneq 28

Viðskipti | Atvinnulíf
MORGUNBLAÐIÐ LAUGARDAGUR 31. DESEMBER 2016
ÚTSALA
Við opnum kl. 12:00
mánudaginn 2. janúar
afsláttur
20 –70%
Jón Þórisson
jonth@mbl.is
Breytingar á viðmiði við skiptingu
100 milljarða fjárfestingarheimildar
Seðlabankans milli lífeyrissjóða til
fjárfestingar í fjármálagerningum út-
gefnum í erlendum gjaldeyri valda
því að svonefndir innflæðissjóðir bera
minna úr býtum en hinir sem hafa út-
streymi umfram innstreymi.
„Að sjálfsögðu þurfti í upphafi að
ákveða hvernig þessum undanþágum
skyldi skipt milli sjóða, en mér finnst
það sæta furðu að þessum hlutföllum
sé nú breytt,“ segir Hreggviður Inga-
son, forstöðumaður eignastýringar
hjá Lífsverki, lífeyrissjóði. „Ef tekið
er dæmi af sjóði með nettó innflæði,
þá gefur augaleið að sá sjóður þarf að
fá meiri heimild til erlendra fjárfest-
inga en hinir sem ekki er þannig
ástatt um, þar sem innflæðið er í ís-
lenskum krónum og þar með hefur
það áhrif til lækkunar hlutfalls er-
lendra eigna.“ Hann segir að viðbúið
sé að önnur sjónarmið séu uppi um
þetta atriði. „En svona horfir þetta
við okkur.“
Breytt hlutföll
Svo sem fram hefur komið gaf
bankinn út heimildina til lífeyrissjóða
og annarra vörsluaðila lífeyris-
sparnaðar á miðvikudag. Er það í
framhaldi af sambærilegum heimild-
um sem bankinn hefur veitt þessum
aðilum á undanförnum misserum.
Það vekur athygli að upphaflega var
við skiptingu milli sjóðanna miðað við
að samtala eigna hvers um sig fengi
80% vægi, en iðgjöld að frádregnum
greiddum lífeyri fengi 20% vægi. Við
útgáfu síðari heimilda voru þessi hlut-
föll færð í 85% á móti 15%. Nú hefur
þessum hlutföllum enn verið breytt
þannig að miðað er við 86% vægi
eigna og 14% vægi til iðgjalda að frá-
dregnum lífeyrisgreiðslum.
Þannig ber sjóður þar sem
iðgjaldagreiðandi sjóðsfélagar eru í
meirihluta minna úr býtum en sjóðir
þar sem samsetning sjóðsfélaga er á
annan veg. Í samtölum Morgunblaðs-
ins við fulltrúa sjóða sem fylla fyrri
flokkinn taka menn í svipaðan streng
og Hreggviður Ingason hjá Lífsverki
og benda á að ekki ætti að vera minni
þörf fyrir að fjárfesta í fjármálagern-
ingum í erlendri mynt, þar sem meg-
intilgangur þess er að dreifa áhættu.
Það hljóti að eiga við jafnt um alla,
óháð því hver samsetning sjóðsfélaga
er.
Í tilkynningu frá bankanum vegna
heimildarinnar segir: „Sem fyrr eru
rökin fyrir heimildinni þau að þjóð-
hagslegur ávinningur fylgir því að líf-
eyrissjóðir bæti áhættudreifingu í
eignasöfnum sínum. Þá er æskilegt að
draga úr uppsafnaðri erlendri fjár-
festingarþörf þeirra áður en fjár-
magnshöft verða endanlega losuð og
þar með hættu á óstöðugleika í geng-
is- og peningamálum.“
Að tillögu lífeyrissjóðanna
Sem fyrr segir er það Seðlabankinn
sem gefur út undanþáguna. Í svari frá
bankanum um hver rökin væru að
baki þessari breytingu segir: „Skipt-
ingin um hlutfall eigna og hreins inn-
streymis er gerð að tillögu vinnuhóps
á vettvangi Landssamtaka lífeyris-
sjóða. Hlutfall hreins innstreymis fer
lækkandi í útreikningum samkvæmt
tillögum vinnuhóps Landssamtak-
anna samfara hærri fjárhæðum líf-
eyrissjóðanna til erlendra fjárfest-
inga. Það er ástæða þess að hlutfall
eigna er 86% við þessa ákvörðun.“
Víðar óánægja með undanþágu
En það eru fleiri en innflæðissjóðir
sem eru gagnrýnir á þessar undan-
þágur.
„Aftur er Seðlabankinn að opna á
þessa heimild fyrir lífeyrissjóði og
aðra vörsluaðila séreignarsparnaðar
en ekki önnur sparnaðarform. Sér-
eignarsparnaður er valkvæður sparn-
aður sem landsmönnum stendur til
boða. Það er verið að verðlauna þarna
eitt sparnaðarform umfram annað,“
segir Gísli Hauksson, forstjóri
GAMMA. „Af hverju eru ekki verð-
bréfasjóðir í þessu líka? Þeir eru und-
ir efirliti Seðlabanka, Fjármálaeftir-
lits og svo framvegis. Hvers á til
dæmis einyrkinn að gjalda með verk-
takagreiðslur og greiðir ekki í sér-
eignarsparnað en kýs að fjárfesta í
verðbréfasjóðum hjá sjóðastýringar-
fyrirtækjum? Þetta er hrein mismun-
un.“
Morgunblaðið greindi frá því
síðastliðið sumar að GAMMA hygðist
leita réttar síns vegna þessara undan-
þága.
„Við sögðum síðasta sumar að við
myndum leita réttar okkar. Við höf-
um kannað hvaða leiðir eru færar í því
efni. Þær eru hins vegar allar mjög
tímafrekar. Við höfum lifað í þeirri
trú að höftin séu að fara. Einu aðil-
arnir sem eru þeirrar skoðunar að
ekki sé hægt að lyfta höftum eru örfá-
ir starfsmenn Seðlabankans. Aðrir
segja að það ætti að vera vandalaust
með 6 milljarða evra gjaldeyrisvara-
forða, jafnvirði vel yfir 700 milljarða
króna eða 35% af vergri landsfram-
leiðslu, sem eru þrefaldar skamm-
tímaskuldir þjóðarbúsins í erlendri
mynt. Maður er alltaf að vonast til að
stigin verði skref í millitíðinni þannig
að ekki þurfi að fara dómstólaleiðina.
En ef þetta er það sem koma skal þá
höfum við ekki annað val.“
Óánægja með undan-
þágur Seðlabankans
 Lífeyrissjóðum mismunað eftir samsetningu sjóðsfélaga
Morgunblaðið/Ómar
Heimildir til lífeyrissjóða
» Frá miðju síðasta ári til loka
þessa hafa verið veittar undan-
þágur fyrir samtals 95 millj-
arða króna.
» Þar af fyrir 85 milljarða í ár.
» 100 milljarða heimildin nú
gildir í heilt ár.
Gísli
Hauksson
Hreggviður
Ingason
Seðlabanki Veitir nú heimild
til lífeyrissjóða að fjárhæð 100
milljarðar fyrir árið 2017.
● Þrjár nýjar reglugerðir um skatta-
mál munu taka gildi í ársbyrjun 2017.
Um er að ræða reglugerð um frá-
drátt frá tekjum erlendra sérfræð-
inga, um fasta starfsstöð og skil á
ríki-fyrir-ríki skýrslu. Í reglugerðunum
er kveðið á um nánari útfærslu á við-
eigandi lagaákvæðum ásamt því að
tekið er á efnisatriðum sem þarfnast
frekari skýringa, að því að fram kem-
ur á vef fjármála- og efnahagsráðu-
neytisins.
Til að mynda er um er að ræða
skilgreiningu á skilyrðum þeim er er-
lendir sérfræðingar þurfa að uppfylla
til að njóta skattalegs hagræðis hér
á landi, nánari útfærslu á því hvað
felst í hugtakinu „föst starfstöð“,
ásamt því að kveðið er nánar á um
efni og form á ríki-fyrir-ríki skýrslum
sem fyrirtækjum sem mynda al-
þjóðlega fyrirtækjasamstæðu er
skylt að skila inn til ríkisskattstjóra.
Skattareglur erlendra
sérfræðinga taka gildi
● Landsbankinn
hefur stefnt Borg-
un, Hauki Odds-
syni, forstjóra
Borgunar, og
tveimur einka-
hlutafélögum sem
áttu aðild að kaup-
um á hlut Lands-
bankans í Borgun
árið 2014. Þetta
kemur fram í til-
kynningu frá Landsbankanum.
Málið er höfðað til viðurkenningar á
skaðabótaskyldu þeirra sem stefnt er.
Fram kemur í tilkynningunni að það sé
mat bankans að hann hafi orðið af sölu-
hagnaði við sölu á 31,2% hlut sínum í
Borgun. Hann hafi ekki fengið upplýs-
ingar sem stefndu bjuggu yfir um að
Borgun ætti hlut í Visa Europe og rétt-
indi sem fylgdu hlutnum svo sem hlut-
deild í söluhagnaði Visa Europe.
Borgun Lands-
bankinn stefnir.
Landsbankinn stefnir
vegna Borgunarsölu
STUTT 31. desember 2016
Gengi Kaup Sala Mið
Dollari 113.42 113.96 113.69
Sterlingspund 138.66 139.34 139.0
Kanadadalur 83.53 84.01 83.77
Dönsk króna 15.912 16.006 15.959
Norsk króna 13.024 13.1 13.062
Sænsk króna 12.329 12.401 12.365
Svissn. franki 110.27 110.89 110.58
Japanskt jen 0.9633 0.9689 0.9661
SDR 151.73 152.63 152.18
Evra 118.32 118.98 118.65
Meðalgengi/Viðskiptavog þröng 149.0251
Hrávöruverð
Gull 1159.1 ($/únsa)
Ál 1712.5 ($/tonn) LME
Hráolía 56.01 ($/fatið) Brent
Skannaðu kóð-
ann til að sjá
gengið eins og
það er núna á