Tímarit hjúkrunarfræðinga - 01.03.2002, Blaðsíða 44
með matnum. Ég man að ég
hugsaði með mér að fyrst
Frakkar gætu þetta þá gætum við
þetta líka. Hér erum við því með
dúkuð borð og tauservéttur, hér
er bannað að kaupa inn bréf-
smekki. Við bjóðum upp á rauð-
vínsglas og snaps ef svo ber undir en með því erum við að
segja að íbúar hér lifi sem eðlilegustu lífi eða eins og gengur
og gerist á öðrum heimilum. Við bjóðum líka sérrí á kvöldin í
stað róandi taflna. Við höfum einnig nýtt okkur ýmislegt
annað, t.d. var kynnt rannsókn á ráðstefnu ICN í London 1999
að fiskar hefðu mikið meðferðargildi, og því erum við með
fiskabúr hér í matsölunum því niðurstöðurnar bentu lika til
þess að ef fólk hefur litla matarlyst geta fiskabúr aukið
matarlystina, einkum hjá þeim sem nota mikið af lyfjum.“
Húsgögnin segir hún einnig valin með þarfir eldra fólks í
huga, stólar eru þannig að auðvelt er að setjast og standa upp
úr þeim og svo eru sófar, sem hægt er að leggja sig i, og
sófasett með mismunandi áklæðum. Litir á veggjum eru valdir
með það í huga að þeir séu róandi, grænir, gulgrænir og blá-
grænir, gardínur líka ljósar. í íbúðunum eru sjúkrarúm sem
eru þannig útbúin að fólk er sem mest sjálfbjarga, getur hækk-
að rúmbotninn og lækkað og þarf sem minnst að kalla á starfs-
fólk sér til aðstoðar. „Rúmin eru algjör bylting í öldrunar-
þjónustu,“ segir Anna Birna.
Hún segir stjórnvöld mjög meðvituð um þörfina fyrir fleiri
heimili af þessu tagi. Þeir sem búa nú í Sóltúni voru áður á
Úr sjúkraþjálfuitiitni.
Frá þorrablótinu.
Fiskabúr í inatsalnum.
Úr anddyrinu.
sjúkrahúsum eða unt 80 prósent íbúanna en um 20 prósent
bjuggu í heimahúsum og fengu heimahjúkrun. „Sumt af þessu
fólki hefur búið á sjúkrahúsi í 30-40 ár.“ Hún segir um 200
manns vera á biðlista og því þyrfti að byggja tvö heimili til
viðbótar og svo eitt á ári.
Anna Birna segir íbúana hafa aðlagast vel þann tíma sem
heimilið hefur verið starfrækt, og sömuleiðis starfsfólkið en
það tekur tíma fyrir báða hópa að venjast breyttu umhverfi.
Rekstrarlega er húsinu skipt niður í þrjár einingar eftir hæðum
og er hjúkrunarstjómandi á hverri hæð sem heyrir beint undir
Önnu Birnu. Meðaldvalartími á hjúkrunarheimilum er um þrjú
ár. Á biðlista eru að jafnaði 7 manns í forgangshópi, en ráð-
herra hefur valið samstarfshóp þeirra sem velja íbúa, í honum
eiga sæti Ingibjörg Hjaltadóttir frá Landspítalanum, Unnur
Kristín Sigurðardóttir frá Félagsþjónustunni og Anna Birna.
Það er þó alltaf starfsfólkið á Sóltúni sem á síðasta orðið um
hvaða íbúi er tekinn inn. En það er ekki aðeins biðlisti með
þeim sem vilja koma á heimilið, það er einnig biðlisti hjá
þeim sem vilja koma til starfa í Sóltúni. Vinnutími starfs-
fólksins er sveigjanlegur og reynt að koma til móts við þarfir
starfsfólks eins og kostur er. Vaktataflan er tölvustýrð og menn
geta komið óskum sínum um vinnutíma á framfæri. „Það má
segja að hér sé líka brotið blað í vaktkerfi, tölvan býður til
dæmis þeim sem vilja vinna á tímum, sem eru ekki eftirsóttir,
tiltekinn bónus og hægt er að vinna mismikið í hverjum
mánuði. Það má líta á þetta eins og bankareikning, menn eiga
44
Tímarit hjúkrunarfræðinga • 1. tbl. 78. árg. 2002