Tímarit hjúkrunarfræðinga - 01.03.2002, Blaðsíða 29
Umsóknir vegna úthlutunar þurfa að berast fyrir 10. apríl 2002 til
orlofssjóðs Félags íslenskra hjúkrunarfrœóinga, Suóurlandsbraut 22,
_______Reykjavík, eða með símbréfi í síma 540 6401
Soffía Sigurðardóttir
Upplýsingar um orlofssjóðinn gefur Soffía Sigurðardóttir í síma 540 6400 og soffia@hjukrun.is
Umsóknareyðublað er hægt að nálgast á heimasíðu félagsins hjukrun.is undir liðnum Orlofssjóður. Þar er
einnig að finna upplýsingar um orlofshúsin. Þar geta félagsmenn kynnt sér þá orlofskosti sem í boði eru,
skoðað myndir af húsum og íbúðum og fengið ýmsar þarfar upplýsingar.
Ég vil minna ykkur á að geyma blaðið, allar nauðsynlegar upplýsingar um staði, leigutíma og verð er að
finna hér.
Með von um að allir finni eitthvað við sitt hæfi og njóti þess sem í boði er þá óska ég ykkur gleðilegs
sumars.
Soffia
Á síðastliðnu orlofsári var ráðist í það að lagfæra íbúðina sem orlofssjóðurinn á norður á Akureyri. Skipt
var um eldhúsinnréttingu og eldhúsið búið nýjum tækjum, þ.á m. uppþvottavél. Veggur á nrilli stofu og
borðstofu var ijarlægður þannig að nú er mun rýmra um borðstofuna. Skipt var um klæðaskápa í
herbergjum og á gangi. íbúðin er því öll hin glæsilegasta og vonumst við til að félagar gangi vel um eign
sína nú sem endranær og á það jafnframt við um allar eignir og leiguhús á vegum félagsins.
Á Húsafelli var vatnsinntak og frárennsli lagfært við minni bústaðinn og vonumst við því til að vandræði
þar að lútandi séu nú úr sögunni.
Valkostir í orlofsúthlutun eru þeir sömu og voru í fyrra, þ.e.a.s. sömu orlofshús og sami fjöldi
orlofsstyrkja. Ekki var talin ástæða til að breyta því þar sem félagsmenn virðast ánægðir með þá kosti
sem hafa verið í boði.
En sjálfsagt má alltaf gera betur. Tillögur til úrbóta eru alltaf vel þegnar og eins hugmyndir um önnur
hús og annað form. Vinsamlegast sendið okkur línu til félagsins eða í rafrænum pósti á netfangið:
soffia@hjukrun.is
Með óskum um gleðilegt sumar
Hanna Ingibjörg Birgisdóttir, formaður orlofssjóðs Félags íslenskra hjúkrunarfrœðinga
Tímarit hjúkrunarfræðinga • 1. tbl. 78. árg. 2002
29