Tímarit hjúkrunarfræðinga - 01.03.2005, Blaðsíða 20
Valgerður Katrín Jónsdóttir
Málþing um öryggi sjúklinga og starfsfólks
Málþing fyrir hjúkrunarfræðinga og lækna var haldið á
Grand hóteli 26. nóvember í boði Félags íslenskra hjúkrunar-
fræöinga og Læknafélags íslands. Sigurbjörn Sveinsson,
formaður Læknafélags íslands, og Elsa B. Friðfinnsdóttir,
formaður Félags íslenskra hjúkrunarfræðinga, settu þingið.
Sigurbjörn sagði m.a. í ávarpi sínu að hann fagnaði þessu
sameiginlega framtaki félaganna og vonaðist til að það
væri upphafiö að frekara samstarfi.
Elsa fagnaði einnig samstarfi félaganna og vonaðist til að fleiri
fundir yrðu haldnir í framtíðinni. Hún sagði fagfélög danska
hjúkrunarfélagsins hafa verið verið í fararbroddi í öryggis-
málum sjúklinga og starfsfólks í Evrópusamtökum hjúkrunar-
fræðinga. Þá tóku þau Laura Scheving Thorsteinsson, þróun-
arráðgjafi hjúkrunar á Landspítala-háskólasjúkrahúsi, og Jón
Snædal, yfirlæknir á öldrunarsviði Landspítala-háskólasjúkra-
húss, við fundarstjórn.
Vilborg Ingólfsdóttir, yfirhjúkrunarfræðingur hjá landlæknis-
embættinu, flutti erindi sem hún nefndi: „Góða hluti má oft
gera betur - Hlutverk yfirvalda, stofnana, fagfé-
laga og starfsmanna." Vilborg sagði heilbrigðis-
þjónustu veitta undir miklu álagi og notaður væri
flókinn tækjabúnaður og við þær aðstæður gæti
ýmislegt farið úrskeiðis. A undanförnum árum
hefði verið unnið að því að auka gæði þjónust-
unnar en öryggi sjúklinga og starfsfólks og gæði
héldust í hendur. Það kallaði á samstarf margra að
tryggja öryggi sjúklinga og starfsfólks, m.a. aukna
mönnun og fjármagn, en aldrei yrði þó unnt að
koma í veg fyrir að óheppileg atvik ættu sér stað.
Hún gerði síðan grein fyrir helstu atriðum sem-
gætu aukið öryggi sjúklinga og starfsfólks. Fyrst
nefndi hún ábyrgð yfirvalda. Hún sagði yfirvöld
hafa ákveðnu hlutverki að gegna, þau þyrftu að
marka stefnu um t.d. hvaða þjónustu ætti að
veita. Tryggja þyrfti aðgengi að þjónustunni,
stuðla að samfellu og samhæfingu þjónustunnar
og upplýsa almenning um heilbrigðisþjónustuna.
Þá þyrfti að upplýsa almenning um rétt hans og
skyldur.
18
Tímarit hjúkrunarfræöinga 1. tbl. 81. árg. 2005