Ráðunautafundur - 14.02.1978, Page 60

354
mæling pepsinogens og albumins í blóði og ormatalning £ þeim
gripum er slátrað var á haustin. Einnig var fylgst með þunga
og heilbriði gripanna.
Aö rannsóknunum hefur verið unnið á Bændaskólanum á Hvann-
eyri, Tilraunastöðinni að Keldum, Dýralæknaháskólanum í Kaup-
mannahöfn og Rannsóknastofnun landbúnaðarins.
NIÐURSTÖÐUR.
Hér er ekki txmi til að fara ítarlega í niðurstöður þessara
rannsókna, til þess eru þær allt of viðamiklar. Ritgerðir
byggðar á þeim munu birtast næstu árin. Ég læt því nægja að
gefa stutt yfirlit yfir það helsta er þegar hefur komið fram.
Kálfabeit: Þeir kálfar sem notaðir voru hvert ár voru lang-
flestir á beit í fyrsta sinn. Þeir voru því lítið sem ekkert
sýktir af ormum og komu 1975 á land sem var ósýkt af nautgripa-
ormum. Þetta fyrsta sumar þrifust kálfarnir vel og ormasmit
á beitilandinu um haustið hefur líklega verið fremur lítið.
Sumarið 1976 var komið dálítið smit á beitilandið. Enda þótt
kálfarnir þrifust einnig ágætlega þetta sumar, þá magnaðist
smitið enn og eftir lok beitartímabilsins var það orðið mjög
mikið, einkum þar sem ekki voru gefin ormalyf. Mikill hluti
ormalirfanna lifði veturinn af og sýkti kálfa þá er komu á
beit vorið 1977. Kom sýking þessi harðast niður þar sem
þrengst var beitt og engin ormalyf voru gefin. Áhrif ormasýk-
ingarinnar á þunga kálfanna kemur greinilega fram á línuriti l^.
Sauðfjárbeit: Beitt var hvert ár tvílembum er höfðu borið
úti og verið í þröngum heimahögum áður en þær komu í beitar-
hólfin. Féð var því talsvert sýkt áður en það kom í beitar-
hólfin og auk þess var lxklega nokkurt sauðfjárormasmit í
beitarhólfum þeim er það kom inn í sumarið 1975. Þetta fyrsta
sumar magnaðist því upp mikið ormasmit og lömbin þrifust mjög
illa. 7/orið 1976 yar mikið smit á beitilandinu og þrifust
lömbin einnig illa þetta sumar og þó verr þar sem engin orma-
lyf voru gefin. Um haustið var smitið mjög mikið og mest þar
sem ekki voru gefin ormalyf. Sumarið 1977 kom svo fyrst fram
mikill munur á sýkingu lamba þar sem engin lyf voru gefin og