Gerðir kirkjuþings - 01.01.2015, Page 31

31
Nú er sóknarpresti eða presti veitt lausn frá embætti, leyfi frá störfum eða hann forfallast
af öðrum ástæðum og getur þá biskup Íslands falið öðrum presti að gegna embættinu til
allt að eins árs í senn.
Ákvæði þetta fellur úr gildi 1. janúar 2018. Mál þetta var ekki afgreitt á Alþingi og mun
Kirkjuráð því óska eftir því við innanríkisráðherra að hann flytji málið aftur á þessu þingi
með þeirri breytingu að ákvæðið falli úr gildi 1. janúar 2019.
Aukakirkjuþing 2015
Aukakirkjuþing 2015 var haldið í Grensáskirkju föstudaginn 14. ágúst sl. Eitt mál
var á dagskrá þingsins en það var tillaga innanríkisráðherra til þingsályktunar um
viðaukasamning við samkomulag íslenska ríkisins og þjóðkirkjunnar. Tillagan fjallaði
um beiðni innanríkisráðherra um að þjóðkirkjan veitti ríkisvaldinu afslátt af afgjaldi
kirkjujarða sjötta árið í röð.
Kirkjuþing hafnaði tillögu ráðherra.
Mál lögð fram af kirkjuráði á kirkjuþingi 2015
1. mál. Skýrsla kirkjuráðs.
2. mál. Skýrsla kirkjuráðs um fjármál þjóðkirkjunnar.
Svið kirkjuráðs
Undir kirkjuráð heyra samkvæmt skipuriti þrjú svið; fjármálasvið, fasteignasvið og
upplýsingatæknisvið.
Fjármálasvið
Fjárlagafrumvarp 2015 og fjárhagsáætlanir 2016
Fjárlagafrumvarp fyrir árið 2016 hefur verið lagt fram og var það rætt í kirkjuráði 18.
ágúst sl. Fyrri umræða um fjárhagsáætlanir sjóða kirkjunnar fyrir árið 2016 fór fram á
kirkjuráðsfundum 25. ágúst og 14. október sl. Áætlanirnar fyrir 2016 verða kynntar á
kirkjuþingi 2015 og þær ræddar þar. Að jafnaði er gengið frá endanlegum fjárhagsáætlunum
og úthlutunum úr Jöfnunarsjóði sókna og Kirkjumálasjóði á desemberfundi kirkjuráðs.
- Sóknargjöld þjóðkirkjusafnaða
Kirkjuráð sendi þann 1. desember 2014 erindi til forsætis-, fjármála- og innanríkisráðherra
með ósk um að sóknargjöldin verði leiðrétt í samræmi við tillögur starfshóps
innanríkisráðherra um leiðréttingu sóknargjalda. Einnig að gerður yrði samningur um
greiðslur á þeirri umframskerðingu sóknargjalda sem orðið hefur og rakið er í skýrslu
nefndar ráðherra frá maí 2014. Stefnt yrði að því að samningurinn yrði kominn til
framkvæmda fyrir kirkjuþing 2015. Í framhaldi af því var þáverandi innanríkisráðherra
veitt heimild ríkisstjórnarinnar til að hefja undirbúning að gerð samkomulags ríkis og
kirkju um að umframskerðing sóknargjalda yrði jöfnuð út.
Enn hefur slíkt samkomulag ekki verið gert.
Þann 24. apríl sl. fór forseti kirkjuráðs á fund innanríkisráðherra og afhenti bréf frá