Gerðir kirkjuþings - 01.01.2015, Blaðsíða 46

46 47
• Möguleikar sem eru í boði á vef kirkjunnar verði nýttir betur, þá sérstaklega
þegar kemur að stafrænu efni á borð við vefmyndbönd og hlaðvarp (podcast)
sem bjóða uppá mikla dreifimöguleika á samfélagsmiðlum.
Notkun félagatals þjóðkirkjunnar og aukinn stuðningur
Í samtali við Örvar H. Kárason, verkefnisstjóra Biskupsstofu í upplýsingamálum
kom meðal annars fram að félagatal kirkjunnar er framtíðarmál sem skiptir
miklu, sérstaklega í ljósi þess að vel má vera að ínnan nokkurra ára verði
trúfélagaskráning afnumin (Svíþjóð) eða trú- og lífskoðunarfélögum sjálfum ætlað
að telja fram sína félagsmenn (Noregur). Staðan í dag er sú að þjóðkirkjan kaupir
aðgang að þjóðskrá fyrir 150 prestsembætti. Þar er hægt að komast að því hverjir
eru í þjóðkirkjunni eftir kennitölum og kemur þá upp ef börn innan 18 ára tengjast
viðkomandi kennitölum.
Fyrir tveimur árum var ákveðið að taka upp félagatal kirkjunnar. Það fylgir
skráningu þjóðkirkjunnar og þjóðkirkjan bætir ekki við eða tekur úr.
Miðlæg skírnarskráning
Þjóðskrá vinnur ekki sérstaklega með upplýsingar um skírn og hefur einungis
áhuga á nafnahliðinni. Ekki er heldur unnið með fermingu eða hjónavígslur, en
hægt er að finna skírnarskráningu gegn því að greiða kr. 1000, og er þá leitað
handvirkt í gagnageymslu. Verið er að skanna skírnargögn inn í tölvu og kann að
verða auðveldara að fletta upp innan skamms.
Í ár tók þjóðkirkjan upp miðlæga skráningu á skírnum. Prestar skila skírnarskýrslum
til þjóðskrár og svo fremi að þetta sé gert samviskusamlega og þjóðkirkjan haldi
vel utanum sinn miðlæga skírnargrunn getur hann orðið mikilvægt upplýsingatæki,
t.d. vegna ferminga eftir 13 ár. Þar koma fram upplýsingar um foreldra, skírnarvotta
og guðforeldra, og heimilisupplýsingar uppfærast síðan jafnóðum í samræmi við
breytingar í þjóðskrá.
Á áætlun er að taka upp miðlæga skráningu hjónavígsluskýrslna í samstarfi við
þjóðskrá og presta og hið sama þyrfti að gera í sambandi við fermingar. Þegar
fram líða stundir ætti því að vera hægt að fyllga út stöðluð form rafrænt, en einnig
kalla fram skírnar-, og hjónavígsluvottorð í tölvu, í stað þess að þurfa leita að
og eltast við slík vottorð frá einum aðila til annars eins og tíðkast hefur. Þarna
gæti bæði verið um að ræða þjónustu í takt við tímana en um leið möguleika til
þess að halda betur utanum upplýsingar sem að gagni gætu komið í starfsemi
þjóðkirkjunnar.