Gerðir kirkjuþings - 01.01.2015, Side 51

51
1. mál Fskj. B
Kirkjuþing unga fólksins 2015.
1. mál – þskj. 22
Þingsályktun
um viðauka við starfsreglur kirkjuþings unga fólksins nr. 952/2009
Í ár er kirkjuþing unga fólksins haldið í 5. skiptið. Það sem hefur einkennt þau mál
sem hafa verið lögð fram á kirkjuþingi unga fólksins öll árin er að oftast heyrist
ekki orð um málin eftir að kirkjuþingi unga fólsins er lokið.
Lögð er fram svohljóðandi viðbót við starfsreglur sem skulu tilheyra nýjum kafla
um meðferð þingmála á kirkjuþingi unga fólksins eftir þinglok:
III. Meðferð þingmála kirkjuþings unga fólksins eftir þinglok
1. gr.
Að loknu kirkjuþingi unga fólksins skulu öll þingmál ásamt nefndarálitum og öðrum
fylgiskjölum vera birt fyrir almenningi á vefsvæði kirkjuþings. Þar skulu jafnframt
koma fram upplýsingar um afdrif þingmálanna.
2. gr.
Ályktanir og samþykktir kirkjuþings unga fólksins skulu sendar kirkjuráði til
umfjöllunar og meðferðar [greinin tilheyrði áður 7. gr.]
3. gr.
Kirkjuráð skal skila skriflegri greinagerð til þingmanna kirkjuþings unga fólksins
eigi síðar en þremur vikum fyrir upphaf kirkjuþings unga fólksins.
4. gr.
Á kirkjuþingi unga fólksins skal formaður kirkjuráðs, eða staðgengill, lesa
greinagerð um afdrif þingmála fyrra kirkjuþings unga fólksins og svara fyrirspurnum
frá þingmönnum.
5. gr.
Sé það mat þingmanna á kirkjuþingi unga fólksins að ekki hafi verið unnið úr
málunum á fullnægjandi hátt geta þingmenn lagt fram þingtillögu með öðrum
þingmálum. Þingsályktunartillagan innihaldi greinargóða lýsingu á því sem betur
hefði mátt fara í meðferð málsins og tillögur til breytinga.